సీఎం జగన్‌ను కలిసిన త్రిదండి చినజీయర్‌ స్వామి!

అమరావతి : సీఎం నివాసంలో ఏపీ ముఖ్యమంత్రి వైఎస్‌ జగన్‌ను మర్యాదపూర్వకంగా కలిశారు త్రిదండి చినజీయర్‌ స్వామి. రామానుజాచార్యులు అవతరించి వెయ్యి సంవత్సరాలు అవుతున్న సందర్భంగా హైదరాబాద్‌ శివార్ల లోని ముచ్చింతల్‌ ఆశ్రమంలో సహస్రాబ్ది మహోత్సవాలు నిర్వహిస్తున్నారు.
వచ్చే ఏడాది ఫిబ్రవరి 2 నుంచి 14 వ తేదీ వరకు సహస్రాబ్ది ఉత్సవాల నిర్వహణ, ఇందులో భాగంగా 1035 కుండ శ్రీలక్ష్మీనారాయణ మహాక్రతువు, 108 దివ్యదేశ ప్రతిష్ఠ, కుంభాభిషేకము, స్వర్ణమయ శ్రీరామానుజ ప్రతిష్ఠ కార్యక్రమాలు జరుగనున్నాయి.

ఈ నేపథ్యంలోనే… ఈ కార్యక్రమానికి రావాలని సీఎం వైఎస్‌ జగన్‌ను ఈ సందర్భంగా ఆహ్వనించారు త్రిదండి చినజీయర్‌ స్వామి. ఇక ఈ సందర్భంగా… చినజీయర్‌ స్వామి ఆశీస్సులు తీసుకున్న సీఎం వైఎస్‌ జగన్‌. చినజీయర్‌ స్వామితో పాటు టీటీడీ చైర్మన్‌ వైవీ సుబ్బారెడ్డి, మై హోం గ్రూప్‌ చైర్మన్‌ జూపల్లి రామేశ్వరరావు ముఖ్యమంత్రిని కలిశారు.