వైరల్: పితక్కుండానే పాలిచ్చేస్తోంది…
- Follow Us :
-
-
Add as a preferred
source on google
కలియుగంలో ఎక్కడ ఎలాంటి వింతలు జరుగుతాయో తెలియడంలేదు. బ్రహ్మంగారు చెప్పినట్టుగా అన్ని వింత వింతలు జరుగుతున్నాయి. మనుషులు పాల కోసం ఆవులను పెంచుతుంటారు. కొన్ని ఆవులు ఎంత పితికినా పాలు ఇవ్వవు. కొన్ని వద్దన్నా పాలు ఇచ్చేస్తుంటాయి. అయితే, ఈ ఆవు మాత్రం అన్నింటికంటే స్పెషల్. ఈ ఆవు పొదుగును పితక్కపోయినా పాలు ఇచ్చేస్తుంది. ఈ విషయాన్ని ఆ ఆవు యజమాని వెంకటరమణారెడ్డి పేర్కొన్నాడు. చిత్తూరు జిల్లాలోని వడమాల మండలంలోని నెన్నూరు వెంకటరెడ్డి కండ్రిగ గ్రామంలోని వెంకటరమణారెడ్డికి రెండున్నరేళ్ల ఆవు ఉన్నది. ఆ ఆవు ఇంకా ఏతకు రాలేదు. అయినప్పటికీ పాలు ఇస్తుందట. పితక్కుండానే పాలు ఇస్తున్నది. మార్చినెల నుంచి ప్రతి నాలుగురోజులకు ఒకసారి పితక్కుండానే ఆవు పాలిస్తోందని యజమాని చెబుతున్నాడు. ఈ విషయం వారి ద్వారా వీరి ద్వారా ఆ జిల్లా మొత్తం వ్యాపించింది. పితక్కుండానే పాలిచ్చే ఆవును చూసేందుకు ప్రజులు నెన్నూరు వెంకటరెడ్డి కండ్రిగకు క్యూ కడుతున్నారు.
Read: బంగ్లాలోనూ…పాక్ ఘటన…హిందూ ఆలయంపై దాడి…