నటనలో ఓ గిరి … ఓం పురి!
- Follow Us :
-
-
Add as a preferred
source on google
అనేక విలక్షణమైన పాత్రల్లో తనదైన బాణీ పలికించారు నటుడు ఓం పురి. ప్రతిభావంతులను తీర్చిదిద్దే ‘నేషనల్ స్కూల్ ఆఫ్ డ్రామా’ నుండి వచ్చిన ఓం పురి తొలి నుంచీ తనదైన అభినయంతో ఆకట్టుకుంటూనే సాగారు. హిందీ, తెలుగు, తమిళ భాషా చిత్రాలతో పాటు మరికొన్ని భారతీయ భాషల్లోనూ నటించారు. ఇంగ్లిష్ లోనూ అభినయించారు. పాకిస్థాన్ సినిమాల్లోనూ ఓం పురి నటన ఆకట్టుకుంది. అంతర్జాతీయ నటునిగా పేరొందిన ఓం పురి అభినయం ఎంతోమంది అభిమానులను ఆకట్టుకుంది.
ఓం ప్రకాశ్ పురి 1950 అక్టోబర్ 18న పంజాబ్ లోని అంబాలాలో జన్మించారు. చిన్న తనం నుంచీ ఇతరులను ఇట్టే ఆకట్టుకొనే గుణం ఓం పురిలో ఉండేది. తరువాతి రోజుల్లో నాటకాలు వేస్తూ సాగారు. ముఖంపై వచ్చిన మచ్చల వల్ల బిడియపడ్డా, తరువాత దానిని అధిగమిస్తూ నటనలో వైవిధ్యం చూపించారు ఓం పురి. ‘ఫిలిమ్ అండ్ టెలివిజన్ ఇన్ స్టిట్యూట్ ఆఫ్ ఇండియా’లో చేరి నటనలో మెలకువలు నేర్చుకున్నారు. తరువాత ‘నేషనల్ స్కూల్ ఆఫ్ డ్రామా’లో చేరిన తరువాత మరింతగా రాటు దేలారు పురి. అక్కడ నుండి వచ్చాక ముంబై చేరి సినిమాల్లో అవకాశాల కోసం ప్రయత్నాలు మొదలెట్టారు. తనకు లభించిన చిన్న, చితక పాత్రల్లోనూ నటించేశారు. ‘శోధ్’ హారర్ సినిమా ఓం పురికి నటునిగా మంచి పేరు సంపాదించి పెట్టింది. అంతకు ముందు శ్యామ్ బెనెగల్ రూపొందించిన ‘భూమిక’ చిత్రంలో ‘ఈవిల్ కింగ్’ అనే రంగస్థల నటునిగా నటించారు. శ్యామ్ బెనెగల్ తెరకెక్కించిన “కల్ యుగ్, ఆరోహణ్, మండీ” చిత్రాలలో కనిపించారు ఓం పురి. గోవింద్ నిహలానీ తెరకెక్కించిన తొలి చిత్రం ‘ఆక్రోష్’లోనూ, తరువాత రూపొందించిన ‘అర్ధ్ సత్య’లోనూ ఓం పురి అభినయం అందరినీ ఆకట్టుకుంది. “అగాథ్, ద్రోహ్ కాల్, న్యూ ఢిల్లీ టైమ్స్, ఘాయల్, దేవ్” వంటి చిత్రాలలోనూ ఓం పురి నటన అలరించింది.
Also Read
- Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
- Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
- Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
- Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
తెలుగులో రామ్ గోపాల్ వర్మ రూపొందించిన ‘రాత్రి’లో షార్జీ పాత్రలో భూతాలను వదిలించేవాడిగా నటించారు. ఇక ఉమామహేశ్వరరావు తెరకెక్కించిన ‘అంకురం’లోనూ సత్యం అనే ప్రధాన భూమిక ధరించారు. శ్యామ్ బెనెగల్ ‘ఆరోహణ్’తో తొలిసారి జాతీయ స్థాయిలో ఉత్తమ నటునిగా నిలిచారు ఓం పురి. గోవింద్ నిహలానీ ‘అర్ధ్ సత్య’తో రెండోసారి నేషనల్ అవార్డ్ అందుకున్నారాయన. శ్యామ్ బెనెగల్ రూపొందించిన ‘భారత్ ఏక్ ఖోజ్’ డాక్యుమెంటరీకి ఓం పురి వ్యాఖ్యానం ప్రత్యేక ఆకర్షణగా నిలచింది. “గాంధీ, సిటీ ఆఫ్ జాయ్, వూల్ఫ్, ఈస్ట్ ఈజ్ ఈస్ట్” వంటి ఆంగ్ల చిత్రాలలోనూ ఓం పురి నటించి ఆకట్టుకున్నారు.
తెరపై విలక్షణ పాత్రలు పోషించి అలరించిన ఓం పురి, నిజజీవితంలో మంచి భర్త అనిపించుకోలేక పోయారు. 1991లో సీమా కపూర్ ను వివాహమాడారు. కొద్ది రోజులకే విడిపోయారు. ఆ తరువాత 1993లో నందితను పెళ్ళాడారు. వారికి ఇషాన్ పురి అనే అబ్బాయి ఉన్నాడు. 2013లో ఆమెతోనూ విడాకులు తీసుకున్నారు. ముంబైలోని అంధేరిలో ఉన్న తన నివాసంలో నిద్రలోనే 2017 జనవరి 6న కన్నుమూశారు ఓం పురి. ఈ నాటికీ రంగస్థలంపైనా, చిత్రసీమలోనూ ఓం పురి విలక్షణ పాత్రల గురించి చర్చ సాగుతూనే ఉంది. ఔత్సాహిక నటులు ఓం పురి చిత్రాలను అధ్యయనం చేయడమూ జరుగుతోంది. ఏది ఏమైనా భారతదేశం గర్వించదగ్గ నటుల్లో ఒకరిగా ఓం పురి నిలచిపోయారు.
తాజావార్తలు
-
Koti Deepotsavam 2026 Day-4 Live : నాలుగో రోజు వేడుకలకు సిద్ధం.. కోటి దీపోత్సవంలో అమ్మవార్లకు విశేష పూజలు
-
Koti Deepotsavam 2026 : భక్తజన సందోహం మధ్య కోటి దీపోత్సవం.. కనువిందు చేసిన భద్రకాళీశ్వరుల కల్యాణం
-
OTR : ఎమ్మెల్సీ అభ్యర్థుల ప్రకటనలో బీజేపీ జాప్యం.. అసలు కారణం ఏంటి?
-
OTR: నాయుడుపేటలో టీడీపీకి షాక్.. ఓటమికి అసలు కారణం ఇదేనా?
-
Gold Theft Protection: దొంగలు పడినా నో టెన్షన్.. మీ బంగారు నగలకు పూర్తి రక్షణ ఇచ్చే సూపర్ పాలసీ ఇదే!
-
Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!