ఆంగ్‌ సాన్​సూకీకి నాలుగేళ్ల జైలు శిక్ష విధించిన కోర్టు

మయన్మార్ నేత ఆంగ్‌ సాన్‌ సూకీకి నాలుగేళ్ల జైలు శిక్ష విధించింది ప్రత్యేక న్యాయస్థానం.. ప్రస్తుతం నిర్బంధంలో ఉన్న ఆమె.. గతంతో కరోనా నిబంధనలు ఉల్లంఘించారని తేలడంతో ఈ శిక్ష విధిస్తున్నట్టు పేర్కొంది కోర్టు.. ఆమె కరోనా నిబంధనలను ఉల్లంఘించారని, మిలిటరీకి వ్యతిరేకంగా ఇతరులను ప్రేరేపించారని రుజువు కావడంతో ఈ తీర్పును వెలువరించింది ప్రత్యేక కోర్టు.. కాగా, ఈ ఏడాది ఫిబ్రవరిలో మయన్మార్‌లో సైనిక తిరుగుబాటు జరిగినప్పటి నుంచి సూకీపై అనేక ఆరోపణలు మోపబడ్డాయి.. వరుసగా అన్నింటిపై దర్యాప్తులు జరుగుతుండగా.. శిక్ష విధించడం అయితే ఇదే తొలిసారి..

Read Also: ఇప్పటికైతే ‘ఒమిక్రాన్‌’ టెన్షన్‌ తప్పింది..! ఆమెకు నెగెటివ్

అయితే, ఆంగ్‌ సాన్‌ సూకీ, ఆ పార్టీకి చెందిన ఇతర నేతలను మిలిటరీ నిర్బంధించిన అనంతరం.. ఆమె పార్టీకి చెందిన సోషల్‌ మీడియా ఖాతాల్లో వివాదాస్పద పోస్టులు దర్శనమిచ్చాయి. దానిపై కేసు నమోదు చేసి విచారణ చేపట్టి, సూకీ తప్పుచేశారని తేల్చారు. ఇక, 2020 నవంబర్​లో దేశవ్యాప్తంగా ఎన్నికలు జరగడానికి ముందు.. కరోనా నిబంధనలు ఉల్లంఘించారని కూడా సూకీపై కేసు నమోదైంది.. ఆ ఎన్నికల్లో వరుసగా రెండోసారి సూకీ నేతృత్వంలోని నేషనల్​ లీగ్​ ఫర్​డెమొక్రసీ పార్టీ విజయం సాధించింది.. కానీ, ఎన్నికల్లో అవకతవకలు జరిగాయనే ఆరోపణలు వచ్చాయి.. అనంతరం సైన్యం తిరుగుబాటు చేయడం.. సూకీ సహా నేతలను నిర్బంధించడం.. అది కాస్త హింసకు దారితీయడం.. ఇలా చాలా పరిణామాలు జరిగిన సంగతి తెలిసిందే.