కరోనా, వ్యాక్సినేషన్‌.. తెలంగాణ హైకోర్టు కీలక ఆదేశాలు

రాష్ట్రంలో కరోనా పరిస్థితులపై విచారణ జరిపిన తెలంగాణ హైకోర్టు.. ప్రభుత్వానికి కీలక ఆదేశాలు జారీ చేసింది.. కరోనా టెస్ట్‌లతో పాటు.. వ్యాక్సినేషన్‌ విషయంలో తెలంగాణ సర్కార్‌కు ఆదేశాలిచ్చింది.. కరోనా పరిస్థితులపై ఇవాళ విచారణ జరిపిన రాష్ట్ర హైకోర్టు.. వ్యాక్సినేషన్‌ 3 నెలల్లో పూర్తి చేయాలని ఆదేశించింది.. ఇక, విద్యాసంస్థల్లో సిబ్బందికి 2 నెలల్లో వ్యాక్సిన్‌ పూర్తిచేయాలని స్పష్టం చేసింది ధర్మాసనం.. మరోవైపు.. రాష్ట్రవ్యాప్తంగా ఆర్టీపీసీఆర్‌ పరీక్షలు సైతం పెంచాలని ఆదేశాలు జారీచేసింది. కాగా, రాష్ట్రంలో వ్యాక్సినేషన్‌ ప్రక్రియ మళ్లీ ఊపందుకుంది.. ఒక్కోరోజు కనీసం 3 లక్షల డోసులకు తగ్గకుండా వేయాలని సీఎం కేసీఆర్ ఇప్పటికే ఆదేశాలు జారీచేశారు.. తాజాగా, గ్రామాలు, వార్డుల్లో సైతం ప్రత్యేకంగా వ్యాక్సినేషన్‌ క్యాంపులు పెట్టి వ్యాక్సిన్‌ పంపిణీ చేస్తోంది సర్కార్.