Strait of Hormuz: హర్మూజ్‌ జలసంధిని మూసేసిన ఇరాన్.. ఆయిల్ ధరలు స్కైరాకెట్.. ఈ జలసంధి ఎందుకు ముఖ్యం?

ఇరాన్ ఇస్లామిక్ రెవల్యూషనరీ గార్డ్ కార్ప్స్ (IRGC) హార్ముజ్ జలసంధి ద్వారా ఏ ఓడా దాటకూడదని రేడియో సిగ్నల్స్ ద్వారా హెచ్చరికలు జారీ చేసింది. ఫలితంగా ఈ కీలకమైన జలమార్గం మూసివేశారు. ఇది ఫిబ్రవరి 28, 2026న అమెరికా, ఇజ్రాయెల్ ఇరాన్‌పై జరిపిన సంయుక్త సైనిక దాడులకు ప్రతిఘటనగా జరిగింది. అమెరికా, ఇజ్రాయెల్ ఇరాన్‌పై “ఆపరేషన్ ఎపిక్ ఫ్యూరీ” పేరుతో భారీ మిసైల్ దాడులు చేశాయి. ఇందులో ఇరాన్ సుప్రీం లీడర్ అలీ ఖమెనీ హత్య కూడా జరిగింది. ప్రతీకారంగా ఇరాన్ ఇజ్రాయెల్, గల్ఫ్ దేశాల్లో అమెరికా సైనిక బేస్‌లపై మిసైల్, డ్రోన్ దాడులు చేసింది.

Also Read:PAK vs BAN ODI Series: 2026 T20 ప్రపంచ కప్ నుండి నిష్క్రమించిన పాకిస్తాన్ కు మరో ఎదురుదెబ్బ..!

IRGC వెంటనే హార్ముజ్ జలసంధి ద్వారా ఓడల ప్రయాణం నిషేధించింది. “ఏ ఓడా దాటడం అనుమతించబడదు” అని హెచ్చరికలు జారీ చేసింది. షిప్ ట్రాకింగ్ డేటా ప్రకారం జలసంధి ట్రాఫిక్ 70% తగ్గింది. చాలా ట్యాంకర్లు ఆంకర్ వేసి ఉన్నాయి. కనీసం 150 ఓడలు స్ట్రాండ్ అయ్యాయి. కొన్ని ట్యాంకర్లు, ఇతర నౌకలు దాడులకు గురయ్యాయి. ఇరాన్ స్టేట్ మీడియా ప్రకారం 6వ ఓడను టార్గెట్ చేశారు.

హార్ముజ్ జలసంధి ఎందుకు ముఖ్యం?

ఇది పర్షియన్ గల్ఫ్‌ను గల్ఫ్ ఆఫ్ ఒమన్‌తో కలిపే మార్గం (వెడల్పు కేవలం 33 కి.మీ.). ప్రపంచంలోని.. 20-25% ఆయిల్ సరఫరా జరుగుతుంది. 20% LNG (లిక్విడ్ నేచురల్ గ్యాస్) సరఫరా జరుగుతుంది. సౌదీ అరేబియా, ఇరాక్, UAE, ఇరాన్ వంటి దేశాల నుంచి ఎగుమతి అయ్యే ఆయిల్ దీని గుండా వెళ్తుంది.

ప్రపంచ ఆర్థిక ప్రభావాలు

ఆయిల్ ధరలు భారీగా పెరిగాయి. బ్రెంట్ క్రూడ్ 8-10% పెరిగి $82+కి చేరుకుంది. దీర్ఘకాలికంగా మూసివేత ఉంటే $100+కి, కొందరు $250 వరకు అంచనా వేస్తున్నారు. షిప్పింగ్ కంపెనీలు (Maersk, MSC, Hapag-Lloyd, CMA CGM) ట్రాన్సిట్‌లు సస్పెండ్ చేశాయి. ఇన్సూరెన్స్ కంపెనీలు వార్ రిస్క్ కవరేజ్ రద్దు చేశాయి. ఆసియా దేశాలు (చైనా, భారత్, జపాన్) ఆయిల్ స్టాక్‌లను అంచనా వేస్తున్నాయి. గ్లోబల్ ఇన్‌ఫ్లేషన్, కాస్ట్ ఆఫ్ లివింగ్ పెరిగే అవకాశం. ఇరాన్ స్వయంగా ఆర్థికంగా నష్టపోతుంది కానీ, రిటాలియేషన్‌గా ఇలాంటి చర్యలు తీసుకుంటోంది.

Also Read:Hanuman Day Importance: మంగళవారం ఈ 5 వస్తువులను కొంటున్నారా?.. ఈ విషయాలు తెలుసుకోండి..

ఇరాన్ అధికారికంగా “క్లోజ్” అని ప్రకటించలేదు కానీ IRGC హెచ్చరికలతో వాణిజ్య ఓడలు దాటడం ఆగిపోయింది. అమెరికా నావల్ ఫోర్సెస్ ఇరాన్ వార్‌షిప్‌లు, ప్యాట్రోల్ బోట్లను డిస్ట్రాయ్ చేస్తున్నాయి. థ్రెట్ తగ్గుతోందని కొందరు అంచనా. ఇంకా పూర్తి స్థాయి బ్లాకేడ్ కాదు కానీ డి ఫాక్టో మూసివేత జరిగింది. పరిస్థితి మరింత ఉద్రిక్తమైతే ప్రపంచ ఎనర్జీ మార్కెట్‌లు షాక్‌కు గురవుతాయి. ఈ సంక్షోభం మిడిల్ ఈస్ట్ టెన్షన్స్ మరింత పెరిగేలా చేసింది. ప్రపంచ దేశాలు ఆయిల్ సప్లై చైన్‌లను రీ-రూట్ చేస్తున్నాయి. ఇది గ్లోబల్ ఎకానమీపై దీర్ఘకాలిక ప్రభావం చూపే అవకాశం ఉంది.