CM Revanth Reddy : కేసీఆర్కు రేవంత్ ఓపెన్ ఛాలెంజ్.!
- రైతు భరోసా నిధుల విడుదల
- కేసీఆర్ అప్పులపై సీఎం విమర్శలు
- రూ.36 వేల కోట్ల రైతు సాయం
- అసెంబ్లీ చర్చకు కేసీఆర్కు సవాల్
- Follow Us :
-
-
Add as a preferred
source on google
CM Revanth Reddy : శిల్పకళావేదికలో నిర్వహించిన రైతు భరోసా నిధుల విడుదల కార్యక్రమంలో ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క కలిసి పాల్గొన్నారు. ఈ సందర్భంగా సీఎం రేవంత్ రెడ్డి మాట్లాడుతూ.. తమ 30 నెలల కాంగ్రెస్ పాలనలో రైతు సంక్షేమం కోసం అహర్నిశలు శ్రమించామని, తాము సాధించిన విజయాలను ప్రజల ముందు ఉంచుతున్నామని ప్రకటించారు. ఈ క్రమంలోనే తొలి విడత కింద రాష్ట్రవ్యాప్తంగా 41.37 లక్షల మంది రైతుల ఖాతాల్లో రూ.2,482.02 కోట్ల నిధులను ప్రభుత్వం నేరుగా జమ చేసిందని సీఎం వెల్లడించారు.
ఒక్క కుటుంబమే రూ.7 లక్షల కోట్ల అప్పు చేసింది!
గత బీఆర్ఎస్ ప్రభుత్వ ఆర్థిక విధ్వంసంపై సీఎం రేవంత్ రెడ్డి తీవ్రస్థాయిలో విమర్శలు గుప్పించారు. తెలంగాణ ఏర్పాటు నాటికి రాష్ట్ర ప్రజలపై కేవలం రూ.69 వేల కోట్ల అప్పు మాత్రమే ఉండేదన్నారు. కానీ కేసీఆర్ ముఖ్యమంత్రి అయినప్పటి నుండి తాను సీఎంగా బాధ్యతలు చేపట్టే నాటికి ఆ అప్పును ఏకంగా రూ.8 లక్షల 11 వేల కోట్లకు చేర్చారని మండిపడ్డారు. అంటే ఒక్క కల్వకుంట్ల కుటుంబమే రాష్ట్రాన్ని రూ.7 లక్షల కోట్ల అప్పుల ఊబిలో నిండా ముంచి, మన నెత్తిన మన్ను చల్లి వెళ్లిపోయిందని ఆగ్రహం వ్యక్తం చేశారు. తాను బాధ్యతలు తీసుకున్నాక.. అసలు వివిధ శాఖలు, కార్పొరేషన్ల పేరుతో ఎన్ని రకాల అప్పులు ఉన్నాయో తేల్చాలని డిప్యూటీ సీఎం భట్టి గారిని కోరానని, తవ్వుతున్న కొద్దీ ఎక్కడికక్కడ చేసిన చేబదుళ్లు, కొత్త అప్పులు బయటపడుతున్నాయని రేవంత్ రెడ్డి ఆవేదన వ్యక్తం చేశారు.
Also Read
- New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
- Koti Deepotsavam 2026: కన్నుల పండుగగా కోటి దీపోత్సవం.. నేడు ఎనిమిదో రోజు ప్రత్యేక కార్యక్రమాలు ఇవే!
- Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
- OTR: ఉరుములేని పిడుగులా ఆశిష్ షెలార్ ఎంట్రీ.. తెలంగాణ బీజేపీలో ఏం జరుగుతోంది?
బకాయిలు పెట్టింది బకాసురుడు.. కట్టే బాధ్యత నాది!
గత ప్రభుత్వం అన్ని వ్యవస్థలనూ అస్తవ్యస్తం చేసిందని సీఎం దుయ్యబట్టారు. “ఉద్యోగులకు జీతాలు సరిగా ఇవ్వకపోతే వారు పని చేసే పరిస్థితి ఉండదు. అందుకే ఒకటో తేదీనే జీతాలు పడేలా ఆర్బీఐ (RBI) తో మాట్లాడమని చెప్పి మరీ అమలు చేస్తున్నాం” అని రేవంత్ గుర్తుచేశారు. గత పాలకులు కేవలం జీతాలే కాకుండా సర్పంచ్లకు, కాంట్రాక్టర్లకు కూడా బిల్లులు ఇవ్వకుండా బకాయిలు పెట్టారని విమర్శించారు. “బకాయిలు పెట్టింది బకాసురుడు.. కానీ ఆ పాపం, వాటిని కట్టే బాధ్యత నా మీద పడింది” అని వ్యాఖ్యానించారు. ఈ బకాయిలపై మనోళ్లు కొందరు రేవంత్ ఇంటి ముందు ధర్నా చేస్తామంటున్నారని, ధర్నాకు వస్తే చాయ్ తాపి పంపిస్తానని సీఎం అన్నారు. రోగం దాస్తే ప్రాణాలకే ప్రమాదమని, అందుకే ఉన్నది ఉన్నట్లు ప్రజలకు నిజాలు చెప్తున్నానని స్పష్టం చేశారు. కేసీఆర్ అప్పులే కాదు, ఎన్నో తప్పులు కూడా చేశారని ఆరోపించారు.
రైతులకు రూ.36 వేల కోట్ల సాయం.. అసెంబ్లీ చర్చకు కేసీఆర్ సిద్ధమా?
తమ ప్రభుత్వం సమాజంలో గౌరవం పెంచుకుంటూ వికాసం వైపు అడుగులు వేస్తోందని, రైతులకు అండగా నిలుస్తోందని సీఎం రేవంత్ రెడ్డి పేర్కొన్నారు. ఇందులో భాగంగానే రూ.20,677 కోట్ల రైతు రుణమాఫీ చేశామని, గత ప్రభుత్వం పెండింగ్ పెట్టిన రైతు రాబందు (రైతు బంధు) పాత బకాయిలు రూ.7 వేల కోట్లను కూడా తామే చెల్లించామని చెప్పారు. వడ్ల పైసలు కూడా సకాలంలో వేసింది తామేనన్నారు. ఇప్పటివరకు రైతు భరోసా కింద రూ.27 వేల కోట్లు వేశామని, ఇప్పుడు మరో రూ.9 వేల కోట్లు వేస్తున్నామని.. ఈ విధంగా మొత్తం రూ.36 వేల కోట్లు రైతులకు అందించామని లెక్కలు చెప్పారు.
రాష్ట్రంలో ఉచిత కరెంట్ ఇచ్చింది కాంగ్రెస్ ప్రభుత్వమేనని సీఎం స్పష్టం చేశారు. “ఏ సన్నాసి అయినా ఉచిత కరెంట్ మాది అంటే మా అక్కలు చీపురుకట్టలతో కొడతారు. వాళ్ల తీరు చూస్తుంటే గుడ్డు వచ్చి కోడిని ఎక్కిరించినట్లు ఉంది. చెట్టులెక్క పెరిగితే సరిపోదు, ఆవగింజంత గుజ్జు ఉండాలి” అంటూ బీఆర్ఎస్ నేతలపై పదునైన వ్యంగ్యాస్త్రాలు సంధించారు. రైతుల సంక్షేమంపై అసెంబ్లీలో చర్చ పెట్టడానికి తాము సిద్ధంగా ఉన్నామని ప్రకటించిన సీఎం రేవంత్ రెడ్డి.. “రాబోయే అసెంబ్లీ సమావేశాల చర్చకు కేసీఆర్ వస్తాడా?” అంటూ సవాల్ విసిరారు.
తాజావార్తలు
-
Chiranjeevi-Megaverse: ‘మెగావర్స్’లో స్టార్ హీరోల సందడి.. ప్రభాస్, పవన్, చరణ్.. లిస్ట్ ఇంకా పెద్దదే!
-
HanuMan 2 : టాలీవుడ్లో బిగ్గెస్ట్ సర్ప్రైజ్.. తేజ సజ్జా కాదు ‘హను-మాన్ 2’లోకి మెగా హీరో ఎంట్రీ?
-
Mayukha : ఓటీటీలోకి వచ్చేసిన సైకలాజికల్ థ్రిల్లర్ ‘మయూఖ’.. కానీ ఒక్క కండిషన్?
-
New York Accident: ఉన్నత చదువుల కోసం అమెరికా వెళ్లి.. ఉద్యోగం సాధించిన వారానికే మృత్యుఒడికి..
-
Hero Splendor+ బైక్ ధరలు పెంపు.. అన్ని వేరియంట్లపై భారీగా పెరిగిన రేట్లు.. కొత్త ధరలు ఇవే!
ట్రెండింగ్
-
Ball Tampering Scandal: కమిన్స్ను కెప్టెన్సీ నుంచి తప్పిస్తే గుడ్బై చెబుతా?.. ఆసీస్ పేసర్ సంచలన వ్యాఖ్యలు!
-
Gold Purity: హాల్మార్క్ గోల్డ్లోనూ కల్తీ.. యంత్రాలకు కూడా దొరకని విధంగా ‘రేడియం పౌడర్’ మిక్స్..
-
IND vs PAK: పాకిస్థాన్తో మ్యాచ్ మాకో లెక్కే కాదు.. టీమిండియా కెప్టెన్ హాట్ కామెంట్స్..!
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!