వైద్య రంగంలో తెలంగాణకు అరుదైన గౌర‌వం

దేశంలోనే వైద్యరంగంలో తెలంగాణ ఉత్తమ రాష్ట్రమ‌ని మరోసారి రుజువైంది. యూనివర్సల్ హెల్త్ కవరేజ్ డే సందర్భంగా రెండు కేటగిరీల్లో తెలంగాణ చాంపియన్ గా నిలిచింది. తద్వారా ముఖ్యమంత్రి కేసీఆర్ మార్గనిర్దేశనంలో తెలంగాణ వైద్య రంగం పటిష్టమైందని మరోసారి చాటి చెప్పింది.

ఆజాదీకా అమృత్ మహోత్సవ్ లో భాగంగా కేంద్ర ప్రభుత్వం “హెల్దీ అండ్ ఫిట్ నేషన్” క్యాంపెయిన్ ను ప్రారంభించింది. నవంబర్ 16 తేదీ నుండి డిసెంబర్ 13 వరకు జరిగిన ఈ క్యాంపెయిన్ లో సబ్ సెంటర్ స్థాయిలో మూడు లక్ష్యాలను నిర్దేశించింది. వీటిలో.. తెలంగాణ వెల్నెస్ యాక్టివిటీస్ లో దేశంలోనే మొదటి స్థానంలో, NCD స్క్రీనింగ్ లో దేశంలోనే రెండో స్థానంలో నిలిచింది.