Mule Accounts : సైబర్ నేరగాళ్లకు ‘మ్యూల్’ ఖాతాల విక్రయం… అంతర్రాష్ట్ర ముఠా గుట్టురట్టు, ముగ్గురు అరెస్ట్!
- Follow Us :
-
-
Add as a preferred
source on google
సైబర్ నేరగాళ్లకు అక్రమ సొమ్మును దారిమళ్లించేందుకు అమాయకుల పేరిట ‘మ్యూల్’ బ్యాంకు ఖాతాలను సమకూరుస్తున్న అంతర్రాష్ట్ర ముఠా ఆటను హైదరాబాద్ పోలీసులు కట్టడి చేశారు. చార్మినార్ జోన్ కమిషనర్స్ టాస్క్ఫోర్స్, అత్తాపూర్ పోలీసులు సంయుక్తంగా నిర్వహించిన మెరుపు దాడిలో ముగ్గురు కీలక నిందితులు పట్టుబడగా, రాజస్థాన్కు చెందిన మరో ఇద్దరితో పాటు స్థానిక నిందితులు పరారీలో ఉన్నారు.
ఒక్కో ఖాతా రూ.25 వేలకు విక్రయం
హుస్సేనీ ఆలం షాగంజ్ ప్రాంతానికి చెందిన సయ్యద్ అబ్బాస్ ఉల్లా హుస్సేనీ (24), మహమ్మద్ తల్హా ఖాన్ (23), నవాబ్ మహమ్మద్ రహీముద్దీన్ ఖాన్ (20) ముఠాగా ఏర్పడ్డారు. వీరు స్థానిక అమాయకులకు డబ్బు ఆశ చూపి హైదరాబాద్లోని వివిధ సహకార, వాణిజ్య బ్యాంకుల్లో ఖాతాలు తెరిపించారు. ఆ ఖాతాలకు సంబంధించిన పాస్ బుక్, ఏటీఎం కార్డు, పిన్ నంబర్, లింక్ చేసిన సిమ్ కార్డులతో కూడిన పూర్తి ‘బ్యాంక్ కిట్లను’ రాజస్థాన్లోని జైపూర్కు చెందిన బాబు లాల్, విజయ్లకు కొరియర్ ద్వారా పంపేవారు. ఒక్కో ఖాతాను రూ.20,000 నుంచి రూ.25,000 వరకు విక్రయిస్తూ అక్రమ సంపాదనకు పాల్పడుతున్నారు.
Also Read
- TGCSB Busts Movie Piracy Gang: థియేటర్లో ఫోన్ కెమెరా.. ఆన్లైన్లో లీక్.. కర్నూలు కుర్రాళ్ల హైటెక్ పైరసీ బాగోతం గుట్టురట్టు..
- Tamil Nadu: రైలు బోగీలో మహిళపై అత్యాచారం-హత్య.. నిందితుడ్ని 6 గంటల్లో పట్టించిన గోల్డ్ రింగ్!
- Delhi: పెళ్లి చేసుకోవాలని ఇన్ఫ్లుయెన్సర్ ఇంట్లోకి చొరబడ్డ యువకుడు.. కొట్టి చంపిన బంధువులు.
- Pakistan ISI Honey Trap: విడాకులు తీసుకున్న, నిరుద్యోగ భారతీయ మహిళలే టార్గెట్.. పాకిస్తాన్ ఐఎస్ఐ హనీట్రాప్!
నగరవ్యాప్తంగా 83 ఖాతాలు.. రూ.10 కోట్ల లావాదేవీలు
నిందితులను అదుపులోకి తీసుకుని వారి మొబైల్ ఫోన్లు, 8 బ్యాంక్ పాస్ పుస్తకాలను పరిశీలించగా విస్తుపోయే నిజాలు వెలుగుచూశాయి. తెలంగాణ స్టేట్ కో-ఆపరేటివ్ అపెక్స్ బ్యాంక్, దారుస్సలాం, అగ్రసేన్ వంటి దాదాపు 10కి పైగా బ్యాంకుల్లోని వివిధ బ్రాంచ్లలో మొత్తం 83 మ్యూల్ ఖాతాలను తెరిపించినట్లు తేలింది. ఈ డేటాను జాతీయ సైబర్ క్రైమ్ రిపోర్టింగ్ పోర్టల్ (NCRP)లో పరిశీలించగా.. వీటిలో 11 ఖాతాలు దేశవ్యాప్తంగా (మహారాష్ట్ర, యూపీ, గుజరాత్, కర్ణాటక, కేరళ, ఢిల్లీ తదితర రాష్ట్రాల్లో) నమోదైన 14 భారీ సైబర్ మోసాలకు వినియోగించినట్లు స్పష్టమైంది. ఈ ఖాతాల ద్వారా సైబర్ కేటుగాళ్లు ఏకంగా రూ.10,04,84,094/- అక్రమ లావాదేవీలు సాగించి, అదే రోజు సొమ్మును విత్డ్రా చేసుకున్నట్లు దర్యాప్తులో తేలింది.
చట్టపరమైన చర్యలు..
అత్తాపూర్, కల్వకుర్తి పోలీస్ స్టేషన్లలో నిందితులపై భారతీయ న్యాయ సంహిత (BNS) సెక్షన్లు 318(4), 319(2) తో పాటు ఐటీ చట్టం కింద కేసులు నమోదు చేశారు. పరారీలో ఉన్న బాబు లాల్, విజయ్, సల్మాన్, అన్నాల కోసం గాలింపు ముమ్మరం చేశారు. చార్మినార్ టాస్క్ఫోర్స్ ఇన్స్పెక్టర్ సి. యాదేందర్ నేతృత్వంలో ఎస్సైలు కె. రామారావు, ఎమ్. మహేష్, కె. శివకుమార్ బృందం ఈ ఆపరేషన్ను విజయవంతంగా పూర్తి చేసింది.
పోలీసుల హెచ్చరిక:
కమీషన్ల ఆశతో లేదా సులభంగా డబ్బు వస్తుందని మీ బ్యాంక్ ఖాతాలు, ఏటీఎం కార్డులు, సిమ్ కార్డులు, యూపీఐ ఐడీలను ఇతరులకు అద్దెకు ఇవ్వడం గానీ, విక్రయించడం గానీ చేయవద్దు. అలా చేస్తే మీ ఖాతాలు ఫ్రీజ్ అవ్వడమే కాకుండా క్రిమినల్ కేసుల్లో జైలుకు వెళ్లాల్సి వస్తుంది. ఎవరికైనా అనుమానం వస్తే వెంటనే సైబర్ హెల్ప్లైన్ 1930 లేదా www.cybercrime.gov.in లో ఫిర్యాదు చేయాలని కమిషనరేట్ పోలీసులు స్పష్టం చేశారు.
తాజావార్తలు
-
Koti Deepotsavam 2026 Day-8 Live: నేడు మరో విశేష ఘట్టం.. నరసింహస్వామి మహాభిషేకం.. తులసీ దామోదర కల్యాణం
-
Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!
-
OTR: రాజాం మున్సిపాలిటీలో జనసేనకు సొంత పార్టీ సెగ.. టీడీపీ నేతల అలక
-
OTR: వచ్చే ఎన్నికల్లో పోటీ చేయనన్న సుదర్శన్ రెడ్డి.. వైరాగ్యమా? అసంతృప్తా?
-
OTR: కాకినాడపై కూటమి స్పెషల్ ఫోకస్.. కులాల వారీగా మంత్రుల ప్రచారం!
-
OTR: రేఖా నాయక్ రైస్ మిల్ పై ఈడీ దాడులు.. సొంత పార్టీ నేతలే కుట్ర చేశారా?
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!