Green Moong Dal Laddu: ఫిట్నెస్ ప్రియుల కోసం స్పెషల్ రెసిపీ.. చక్కెర, బెల్లం లేకుండానే తియ్యని పెసరపప్పు లడ్డూలు..
- Follow Us :
-
-
Add as a preferred
source on google
Healthy Moong Dal Dry Fruit Laddu Recipe: భోజనం తర్వాత కాస్త తియ్యగా ఏదైనా తింటేనే ఆ మజాయే వేరు. కానీ ఫిట్నెస్ కాపాడుకోవాలనే ఉద్దేశంతో చాలామంది స్వీట్లకు దూరంగా ఉంటారు. ఒకవేళ మీకు తీపి తినాలనిపించినా, మైదా, పంచదార, బెల్లం వంటివి వద్దు అనుకుంటే పచ్చి పెసరపప్పు, డ్రై ఫ్రూట్స్తో చేసే ఈ హెల్దీ లడ్డూలను హ్యాపీగా ట్రై చేయవచ్చు. వీటిని తయారు చేయడం చాలా సులభం. ముందుగానే చేసి ఎయిర్టైట్ బాక్స్లో నిల్వ చేసుకుంటే, సాయంత్రం వేళ ఆకలి వేసినప్పుడు చక్కటి హెల్దీ స్నాక్లా లాగించేయవచ్చు. ఈ లడ్డూల ప్రత్యేకత ఏంటంటే వీటి తయారీలో రిఫైండ్ షుగర్ లేదా బెల్లం అసలు వాడము. ఖర్జూరం, కిస్మిస్ సహజమైన తీపిని ఇస్తాయి. అలాగే పెసరపప్పు, డ్రై ఫ్రూట్స్, గింజలు లడ్డూకు కావాల్సిన పోషకాలను అందిస్తాయి. పచ్చి పెసరపప్పులో ప్రొటీన్ పుష్కలంగా ఉంటుంది. బాదం, వాల్నట్స్, జీడిపప్పు, వేర్వేరు గింజల ద్వారా శరీరానికి కావాల్సిన హెల్దీ ఫ్యాట్స్, విటమిన్లు అందుతాయి. మరి ఈ రుచికరమైన, ఆరోగ్యకరమైన లడ్డూలను ఎలా తయారు చేసుకోవాలో చూద్దాం.
కావలసిన పదార్థాలు:
పచ్చి పెసరపప్పు – 1 కప్పు (కడిగి 5-6 గంటలు నానబెట్టింది)
బాదం – పావు కప్పు
జీడిపప్పు – పావు కప్పు
వాల్నట్స్ – పావు కప్పు
పిస్తా – 2 టేబుల్ స్పూన్లు
గుమ్మడి గింజలు – 2 టేబుల్ స్పూన్లు
పొద్దుతిరుగుడు గింజలు (సన్ఫ్లవర్ సీడ్స్) – 2 టేబుల్ స్పూన్లు
చియా గింజలు – 1 టేబుల్ స్పూన్
వేయించిన అవిసె గింజలు (ఫ్లాక్స్ సీడ్స్) – 1 టేబుల్ స్పూన్
యాలకుల పొడి – అర టీస్పూన్
నెయ్యి – 2 టేబుల్ స్పూన్లు
కిస్మిస్ – పావు కప్పు
ఖర్జూరం – 8 నుంచి 10 (గింజలు తీసేసి చిన్న ముక్కలుగా తరిగినవి)
Also Read
- Healthy Winter Breakfast: చలికాలంలో ఆరోగ్యకరమైన అల్పాహారం.. వేడివేడిగా సజ్జల వెజిటబుల్ ఉప్మా!.. 5 నిమిషాల్లో రెడీ..!
- Healthy Breakfast: ఈ చలికాలంలో తప్పకుండా తినాల్సిన హెల్దీ బ్రేక్ఫాస్ట్! 10 నిమిషాల్లో ఈజీగా చేసుకోండిలా..
- Tandoori Roti Recipe: ఇంట్లోనే కరకరలాడే తందూరీ రోటీ.. ప్రెషర్ కుక్కర్లోనే సింపుల్గా హోటల్ స్టైల్ తందూరీ రోటీ..!
- Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
తయారీ విధానం:
మొదట నానబెట్టిన పచ్చి పెసరపప్పులో నీళ్లు పూర్తిగా వంపేయాలి. ఆ పప్పును ఒక శుభ్రమైన కాటన్ గుడ్డపై 15 నుంచి 20 నిమిషాల పాటు ఆరబెట్టాలి, తద్వారా అదనపు తేమ పోతుంది. ఇప్పుడు స్టవ్ మీద పాన్ పెట్టి, నూనె లేదా నెయ్యి వేయకుండానే పచ్చి పెసరపప్పును సన్నని మంటపై వేయించాలి. పప్పు రంగు తేలికపాటి గోధుమ రంగులోకి మారి మంచి సువాసన వచ్చే వరకు కలుపుతూ ఉండాలి. వేయించిన పప్పు పూర్తిగా చల్లారిన తర్వాత మిక్సీలో వేసి మరీ మెత్తగా కాకుండా బరకగా గ్రైండ్ చేసుకోవాలి.
ఇప్పుడు అదే పాన్ లో బాదం, జీడిపప్పు, వాల్నట్స్, పిస్తా, గుమ్మడి గింజలు, పొద్దుతిరుగుడు గింజలు, అవిసె గింజలను వేసి తేలికగా వేయించుకోవాలి. మంట ఎక్కువగా పెడితే డ్రై ఫ్రూట్స్ మాడిపోతాయి కాబట్టి జాగ్రత్త వహించాలి. ఇవి చల్లారిన తర్వాత కొద్దిగా బరకగా కట్ చేసుకోవాలి. ఆ తర్వాత అదే పాన్లో రెండు చెంచాల దేశీ నెయ్యి వేడి చేయాలి. అందులో సన్నగా తరిగిన ఖర్జూరం, కిస్మిస్ వేసి రెండు మూడు నిమిషాల పాటు కలుపుతూ ఉడికించాలి. దీనివల్ల ఖర్జూరం, కిస్మిస్ మెత్తబడి మిశ్రమం ఒకదానికొకటి చక్కగా కలిసిపోతుంది.
ఇప్పుడు అందులో బరకగా పట్టుకున్న పెసరపప్పు పొడి, వేయించి పెట్టుకున్న డ్రై ఫ్రూట్స్, అన్ని రకాల గింజలు, యాలకుల పొడి వేసి బాగా కలపాలి. ఆ తర్వాత స్టవ్ ఆఫ్ చేసి మిశ్రమాన్ని కొద్దిగా చల్లారనివ్వాలి. మిశ్రమం గోరువెచ్చగా ఉన్నప్పుడే చేతికి కొద్దిగా నెయ్యి రాసుకుని మీకు నచ్చిన సైజులో లడ్డూలు చుట్టుకోవాలి. ఈ లడ్డూలు పూర్తిగా చల్లారిన తర్వాత ఎయిర్టైట్ డబ్బాలో భద్రపరుచుకోవాలి. ఇలా చేస్తే ఎలాంటి రసాయనాలు, పంచదార లేని ఆరోగ్యకరమైన గ్రీన్ మూంగ్ డ్రై ఫ్రూట్ లడ్డూలు సిద్ధమవుతాయి. ఈ లడ్డూల్లో ప్రత్యేకత ఏంటంటే.. ఇందులో తీపి కోసం ఎక్కడా షుగర్ లేదా బెల్లం జోడించలేదు. కేవలం ఖర్జూరం, కిస్మిస్ ద్వారా వచ్చే నేచురల్ స్వీట్నెస్ వీటికి అద్భుతమైన రుచిని ఇస్తుంది. ఒకవేళ మీరు అస్సలు తీపి లేకుండా లడ్డూలు చేయాలనుకుంటే ఖర్జూరం, కిస్మిస్లను పూర్తిగా పక్కన పెట్టేయవచ్చు.
తాజావార్తలు
-
SCO Forum 2026: నేడు తొలి SCO ఫోరమ్ను ప్రారంభించనున్న ప్రధాని మోడీ.. ఢిల్లీలో 3 రోజుల పాటు ప్రత్యేక కార్యక్రమాలు
-
IND vs NZ 1st Test: కివీస్కు దీటుగా భారత్ బదులు.. జైస్వాల్ సెంచరీ మిస్, రాహుల్ హాఫ్ సెంచరీ!
-
Supreme Court: హైవేలపై వీధి పశువుల సమస్య పరిష్కారానికి రూ.5 వేల కోట్లు.. చేతులెత్తేసిన ఎన్హెచ్ఏఐ
-
Mohammed Siraj: తప్పించేందుకు కుట్రలు చేశారు.. ఇది ట్రైలర్ మాత్రమే.. సిరాజ్ భవిష్యత్తుపై అశ్విన్ సంచలన వ్యాఖ్యలు!
-
Satvika Veeravalli: ఒకవైపు డెబ్యూ మూవీ రిలీజ్.. మరోవైపు నాగచైతన్య సినిమాలో ఫిక్స్! అసలు ఎవరీ లక్కీ హీరోయిన్?
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!