Yogi Adityanath: 1.27 కోట్ల మంది హిందువుల ఓట్లు గల్లంతు.. యోగి సంచలన వ్యాఖ్యలు..
- ఓటర్ల జాబితాలో 1.27 కోట్ల హిందువుల పేర్లు లేవు..
- అర్హులైన ప్రతీ ఒక్కరి పేరు జాబితాలో ఉండేలా చూడాలి..
- కార్యకర్తలకు సీఎం యోగి ఆదిత్య నాథ్ ఆదేశాలు..
- Follow Us :
-
-
Add as a preferred
source on google
Yogi Adityanath: ఉత్తర్ ప్రదేశ్ ఓటర్ల జాబితాలో భారీ సంఖ్యలో హిందువుల పేర్లు గల్లంతయ్యాయని సీఎం యోగి ఆదిత్యనాథ్ ఆరోపించారు. సుమారు 1.27 కోట్ల మంది హిందువుల పేర్లు ఓటర్ల జాబితాలో లేవని చెప్పారు. అర్హులైన ప్రతీ ఒక్కరి పేరును ఓటర్ల జాబితాలో చేర్చేలా బీజేపీ కార్యకర్తలు అప్రమత్తంగా వ్యవహరించాలని సూచించారు. శుక్రవారం జరిగిన బీజేపీ రాష్ట్ర కార్యవర్గ సమావేశంలో యోగి ఈ వ్యాఖ్యలు చేశారు. ఓటర్ల జాబితా స్పెషల్ ఇంటెన్సివ్ రివిజన్(SIR) ప్రక్రియపై పార్టీ నాయకులు, కార్యకర్తలు ప్రత్యేక దృష్టిపెట్టాలని చెప్పారు. బూత్ స్థాయి అధికారులతో (BLOs) సమన్వయం చేసుకుంటూ అర్హులైన ఓటర్ల పేర్లు జాబితాలో ఉండేలా చూడాలని ఆదేశించారు.
ఓటర్ల జాబితా నుంచి పేర్లు తొలగిపోవడం వల్ల రాష్ట్రంలోని 28 పట్టణ స్థానిక సంస్థల నియోజకవర్గాల్లో బీజేపీ బలహీనపడుతోందని యోగి వ్యాఖ్యానించారు. ఉత్తరప్రదేశ్లో 16 కోట్లకు పైగా ఓటర్లు ఉండాల్సి ఉండగా, ప్రస్తుతం సుమారు 13 కోట్ల మంది మాత్రమే ఓటర్లుగా ఉన్నారని ఆయన పేర్కొన్నారు. పంచాయతీ ఓటర్ల జాబితాలో పేర్లు ఉన్నప్పటికీ, అసెంబ్లీ నియోజకవర్గాల ఓటర్ల జాబితాలో 66 లక్షల మంది పేర్లు లేవని అన్నారు. ప్రభుత్వ సంక్షేమ పథకాల ద్వారా లబ్ధి పొందుతున్న 55 లక్షల మంది పేర్లు కూడా ఓటర్ల జాబితాలో లేవని ఆరోపించారు. 18 నుంచి 19 ఏళ్ల వయసున్న సుమారు 4.5 లక్షల మంది యువ ఓటర్ల పేర్లు కూడా జాబితాలో లేవని చెప్పారు.
Also Read
గతంలో జరిగిన ఎస్ఐఆర్ ప్రక్రియలో యూపీ ఓటర్ జాబితాలో కేవలం 4 లక్షల మంది పేర్లు మాత్రమే కొత్తగా చేరాయని, ఈసారి అర్హులైన ఓటర్ల పేర్లు జాబితాలో ఉండేలా బూత్ లెవల్ ఆఫీసర్లతో సమన్వయం చేసుకోవాలని బీజేపీ కార్యకర్తలకు సూచించారు. హిందూ ఓటర్ల పేర్లు ఓటర్ల జాబితాలో ఉండేలా ఎంపీలు, ఎమ్మెల్యేలు కూడా బాధ్యతలు తీసుకోవాలని అన్నారు.
ఇదిలా ఉంటే, ఉత్తర్ ప్రదేశ్ ఎస్ఐఆర్ ప్రక్రియ తర్వాత 2.04 కోట్లకు పైగా ఓటర్ల పేర్లు జాబితా నుంచి తొలగించారు. ఈ తొలగింపులు ఎక్కువగా పట్టణ ప్రాంతాల్లో నమోదయ్యాయని, వీరిలో మహిళలు అధిక శాతంలో ఉన్నట్లు తెలుస్తోంది. అదే సమయంలో 84 లక్షలకు పైగా కొత్త ఓటర్ల పేర్లు జాబితాలో చేర్చారు. దీంతో ఉత్తరప్రదేశ్ తుది ఓటర్ల సంఖ్య 13,39,84,792కు చేరింది.
తాజావార్తలు
-
Koti Deepotsavam 2026 Day-9 Live : నేడు మీనాక్షి సుందరేశ్వరుల దివ్య కల్యాణం.. తొమ్మిదో రోజు వేడుకలివే..!
-
PM Modi: 13 ఏళ్లలో 50 కోట్ల మందికి పేదరికం నుంచి విముక్తి..
-
Bheems: భోగి సినిమా హిట్ కాకపోతే నా పేరు మార్చుకుంటా.. మ్యూజిక్ డైరెక్టర్ భీమ్స్ సంచలన శపథం!
-
Ind Vs Pak: కాటేరమ్మ కొడుకు దూకుడు.. పాకిస్థాన్పై హాఫ్ సెంచరీ పూర్తి..
-
CM Revanth Reddy : కోటి ఓట్లు.. 90 సీట్లు మా టార్గెట్..
-
Man Rescued: డ్రైనేజీలో చిక్కుకున్న వ్యక్తి.. నాలుగు రోజుల తర్వాత సురక్షితంగా బయటకు..
ట్రెండింగ్
-
Store Fresh Coconut: కొబ్బరికాయ కొట్టాక త్వరగా పాడవుతోందా?.. ఈ టిప్స్ ట్రై చేయండి.!
-
Agniveers: కీలక నిర్ణయం తీసుకున్న కేంద్ర ప్రభుత్వం.. అగ్నివీరులకు భారీ ఊరట..
-
NASA Astronaut Video: అంతరిక్షంలో నీటి బిందువుల విన్యాసం.. వెనుక ఉన్న అసలు సైన్స్ ఇదే..
-
Yuvraj Singh: పంత్ విధ్వంసానికి యువరాజ్ ఫిదా.. బ్యాట్తోనే సమాధానమిచ్చావంటూ ప్రశంసలు!
-
Vegetable Biryani Recipe: ఇంట్లోనే రెస్టారెంట్ రుచి.. తెల్లగా, మెతుకు మెతుకు విడివిడిగా ఉండే ‘వెజిటబుల్ బిర్యానీ’ ఇలా చేసేయండి..!