Vaibhav Sooryavanshi Debut: ఆడించమని వైభవ్ సూర్యవంశీకి చెప్పండి!
- ఐర్లాండ్, ఇంగ్లండ్ సిరీస్లలో వైభవ్కు చోటు
- వైభవ్ అరంగేట్రం కోసం ఆసక్తిగా ఎదురుచూస్తున్న అభిమానులు
- వైభవ్తో సరైన కమ్యూనికేషన్ అవసరం అంటున్న పార్థివ్
- Follow Us :
-
-
Add as a preferred
source on google
Parthiv Patel about Vaibhav Sooryavanshi Debut: భారత యువ సంచలనం వైభవ్ సూర్యవంశీ అంతర్జాతీయ అరంగేట్రం కోసం అభిమానులు ఆసక్తిగా ఎదురుచూస్తున్నారు. 15 ఏళ్ల ఈ బ్యాటర్కు ఐర్లాండ్, ఇంగ్లండ్తో జరిగిన టీ20 సిరీస్లకు భారత జట్టులో చోటు దక్కినప్పటికీ.. ఇప్పటివరకు తుది జట్టులో అవకాశం మాత్రం రాలేదు. ఈ అంశంపై మాజీ క్రికెటర్లు, అభిమానుల్లో భిన్నాభిప్రాయాలు వ్యక్తమవుతున్నాయి. తాజాగా మాజీ వికెట్ కీపర్ బ్యాటర్ పార్థివ్ పటేల్ ఈ విషయంపై స్పందించాడు. అరంగేట్రంపై వైభవ్తో టీమ్ మేనేజ్మెంట్ స్పష్టంగా మాట్లాడాలని సూచించాడు. నిన్ను ఇప్పుడే ఆడించమని అతడికి చెప్పడం టీమ్ మేనేజ్మెంట్ బాధ్యత అని పేర్కొన్నాడు.
స్టార్ స్పోర్ట్స్లో పార్థివ్ పటేల్ మాట్లాడుతూ.. ఇంగ్లండ్ సిరీస్లో ఏదో ఒక దశలో వైభవ్కు ఛాన్స్ వచ్చే అవకాశం ఉందని అభిప్రాయపడ్డాడు. అయితే అంతకంటే ముఖ్యమైనది అతడితో సరైన కమ్యూనికేషన్ ఉండటమేనని పేర్కొన్నాడు. ‘కోచింగ్ స్టాఫ్లో ఉన్నప్పుడు యువ ఆటగాళ్లకు సరైన సంకేతాలు ఇవ్వడం చాలా ముఖ్యం. వైభవ్ను ఆడించకూడదని నిర్ణయించినా.. ఆ విషయాన్ని అతడికి నేరుగా చెప్పాలి. అతడు కేవలం 15 ఏళ్ల బాలుడు. అతడితో చాలా జాగ్రత్తగా మాట్లాడాలి. కొంత ఓపికగా ఉండాలని అర్థమయ్యేలా చెప్పాలి’ అని పార్థివ్ పటేల్ సూచించాడు.
Also Read
- Rohit Sharma: ఆ ఫోన్ కోసం గంటల తరబడి ఎదురుచూశా.. కునుకు పట్టలేదు.. చివరకు..!
- Suryakumar Yadav: "ప్రధాని మోడీని కలిశాకే నా లక్ మారింది.. మళ్లీ ఫామ్లోకి వచ్చా".. సూర్యకుమార్ ఆసక్తికర వ్యాఖ్యలు..
- Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
- IND vs NZ: నికోల్స్ అజేయ సెంచరీ.. ఫిలిప్స్ శతకం.. తొలి ఇన్నింగ్స్ న్యూజిలాండ్ ఆలౌట్!
ప్రస్తుతం భారత టీ20 జట్టులో ఓపెనర్గా అభిషేక్ శర్మ, సంజు శాంసన్, ఇషాన్ కిషన్ వంటి ఆటగాళ్లు బలమైన పోటీ ఇస్తున్నారని పార్థివ్ గుర్తు చేశాడు. టీ20 ప్రపంచకప్ 2026లో ఈ ముగ్గురు కీలక పాత్ర పోషించారని, అందువల్ల ప్రస్తుతం వైభవ్కు తుది జట్టులో చోటు దక్కడం అంత సులభం కాదని పేర్కొన్నాడు. ‘సంజు ప్రపంచకప్లో ప్లేయర్ ఆఫ్ ది సిరీస్గా నిలిచాడు. ఇషాన్ ప్రస్తుతం ఐసీసీ టీ20 ర్యాంకింగ్స్లో నంబర్ వన్ బ్యాటర్, అభిషేక్ రెండో స్థానంలో ఉన్నాడు. ఇలాంటి పరిస్థితుల్లో వైభవ్కు వెంటనే అవకాశం దక్కకపోవచ్చు. కానీ ఆ విషయాన్ని అతడికి స్పష్టంగా తెలియజేయడం టీమ్ మేనేజ్మెంట్ బాధ్యత’ అని పార్థివ్ చెప్పుకొచ్చాడు.
ఇటీవల ఐర్లాండ్తో జరిగిన రెండు మ్యాచ్ల టీ20 సిరీస్లో భారత్ అనూహ్యంగా 0-2తో ఓటమిపాలైంది. ఆ సిరీస్లోనూ వైభవ్ సూర్యవంశీ బెంచ్కే పరిమితమయ్యాడు. ఇక ఇంగ్లండ్తో తొలి టీ20 మ్యాచ్ వర్షం కారణంగా ఫలితం లేకుండా ముగిసింది. అందులోనూ బుడ్డోడికి అవకాశం దక్కలేదు. దీంతో రెండో టీ20లోనైనా ఈ యువ సంచలనానికి అరంగేట్రం అవకాశం దక్కుతుందా? అనే ఉత్కంఠ అభిమానుల్లో కొనసాగుతోంది. చూడాలి మరి టీమ్ మేనేజ్మెంట్ ఏ నిర్ణయం తీసుకుంటుందో.
తాజావార్తలు
-
Ram Nithin: రామ్ నితిన్ కొత్త మూవీ.. ఇద్దరు అందాల భామలతో క్రేజీ ప్రాజెక్ట్!
-
Rohit Sharma: ఆ ఫోన్ కోసం గంటల తరబడి ఎదురుచూశా.. కునుకు పట్టలేదు.. చివరకు..!
-
Motorola Razr Flex 2027: 12GB RAM, 50MP కెమెరా, 165Hz డిస్ప్లే.. Motorola కొత్త ఫోల్డబుల్ ఫోన్ వచ్చేస్తోంది!
-
AP MPP Election Results: ఎంపీపీ ఎన్నికల్లో పార్టీల బలమెంత? అధ్యక్ష, ఉపాధ్యక్ష స్థానాల పూర్తి లెక్కలివే!
-
Copper Prices: బంగారం, వెండి బాటలోనే రాగి.. ఇక ఏసీలు, ఫ్రిడ్జ్లు చౌకగా దొరుకుతాయా?
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!