IPL 2022: కేఎల్ రాహుల్ ఖాతాలో మరో సెంచరీ.. ముంబై టార్గెట్ ఎంతంటే..?

ముంబైలోని వాంఖడే స్టేడియం వేదికగా ముంబై ఇండియన్స్‌తో జరిగిన మ్యాచ్‌లో లక్నో సూపర్ జెయింట్స్ నిర్ణీత 20 ఓవర్లలో ఆరు వికెట్ల నష్టానికి 168 పరుగులు చేసింది. దీంతో ముంబై ముందు 169 పరుగుల టార్గెట్ నిలిచింది. ఈ మ్యాచ్‌లో టాస్ ఓడి ముందుగా బ్యాటింగ్ చేసిన లక్నో సూపర్ జెయింట్స్ ఆరంభంలో వరుసగా వికెట్లు కోల్పోయింది. అయితే ఓపెనర్ కేఎల్ రాహుల్ మాత్రం వన్ మ్యాన్ షో చేశాడు. 62 బంతుల్లో 103 నాటౌట్‌తో జట్టుకు గౌరవప్రదమైన స్కోరును సాధించిపెట్టాడు.

ఈ సీజన్‌లో కేఎల్ రాహుల్‌కు ఇది రెండో సెంచరీ. ముంబై బౌలర్లలో పొలార్డ్, మెరిడిత్ తలో 2 వికెట్లు తీయగా.. బుమ్రా, డానియల్ శామ్స్ చెరో వికెట్ సాధించారు. కాగా అంతకుముందు ఈ మ్యాచ్ వేదిక వాంఖడే తమ అడ్డా అని ముంబై ఇండియన్స్ కెప్టెన్ రోహిత్ శర్మ అన్నాడు. తమకు అచ్చొచ్చిన, బాగా తెలిసిన మైదానంలో టాస్ గెలిచి ఫీల్డింగ్ ఎంచుకోవడం సంతోషంగా ఉందన్నాడు. తమ ప్రేక్షకుల మద్దతుతో ఈ మ్యాచ్‌లో విజయం సాధిస్తామని రోహిత్ ధీమా వ్యక్తం చేశాడు. ఈ స్టేడియంలో తమ విన్నింగ్ రికార్డు కూడా బాగానే ఉందని పేర్కొన్నాడు.

IPL 2022: ప్లే ఆఫ్స్ వేదికలు ఖరారు.. ఆ రెండు వేదికల్లోనే మ్యాచ్‌లు