దక్షిణాది సినీ పరిశ్రమలో రెండు దశాబ్దాలుగా అగ్ర కథానాయికగా కొనసాగుతున్న బ్యూటీ త్రిష కృష్ణన్ (Trisha Krishnan). తన నటనతో, అందంతో కోట్లాది మంది అభిమానులను సంపాదించుకున్న ఈమె పెళ్లి గురించి ఎప్పుడూ ఏదో ఒక వార్త సోషల్ మీడియాలో నిలుస్తూనే ఉంటుంది. తాజాగా పెళ్లి, విడాకులు, సహజీవనంపై త్రిష గతంలో చేసిన కొన్ని ఆసక్తికర వ్యాఖ్యలు ఇప్పుడు నెట్టింట మళ్ళీ వైరల్ అవుతున్నాయి.
Also Read : Krrish-4 : ‘క్రిష్ 4’ విషయంలో హృతిక్ రోషన్ షాకింగ్ నిర్ణయం..
ఒక ఇంటర్వ్యూలో తన పెళ్లి ఎప్పుడు అనే ప్రశ్నకు త్రిష చాలా స్పష్టమైన సమాధానం ఇచ్చారు.. ‘నన్ను చాలా మంది పెళ్లి ఎప్పుడు అని అడుగుతుంటారు. దానికి నా దగ్గర ఒకటే సమాధానం ఉంది. నాకు నచ్చిన, సరైన వ్యక్తి దొరికితేనే పెళ్లి చేసుకుంటాను. ఒకవేళ అలాంటి వ్యక్తి దొరకకపోతే, అసలు పెళ్లి జరగకపోయినా నాకు ఎలాంటి అభ్యంతరం లేదు. ఎందుకంటే నేను పెళ్లి చేసుకుంటే విడాకుల వరకు వెళ్లకూడదని భావిస్తున్నాను. అందుకే తొందరపడి ఎటువంటి తప్పుడు నిర్ణయం తీసుకోను’ అని ఆమె వివరించారు. పెళ్లి అనేది కేవలం సమాజం కోసం తీసుకునే నిర్ణయం కాకూడదని, జీవితాంతం కలిసి ఉండగలమనే నమ్మకం కలిగినప్పుడే ఆ అడుగు వేయాలని ఆమె అభిప్రాయపడ్డారు. ‘నా స్నేహితుల్లో చాలా మంది ఇష్టం లేని పెళ్లిళ్లు చేసుకుని బాధపడుతున్నారు. అలాంటి జీవితం నాకు వద్దు. ఇష్టం లేని వ్యక్తితో కలిసి నరకం అనుభవించడం కంటే ఒంటరిగా ఉండటమే ఉత్తమం’ అని త్రిష చెప్పుకొచ్చారు. తనకు ప్రేమలో పడటం కంటే, తన జీవితాన్ని పంచుకోగలిగే ఒక మంచి తోడు (Partner) కావాలని, నచ్చిన వ్యక్తితో కలిసి ఉండటమే తనకు ఇష్టమని ఆమె ఆసక్తికరమైన కామెంట్స్ చేశారు.
