Honey Trap: హోటళ్లో ఎంజాయ్ చేసేందుకు వచ్చింది.. కోడి రక్తంతోని కోట్లు డిమాండ్ చేసింది

Honey Trap: ప్రస్తుతం హనీట్రాప్ అనే పదం చాలా కామన్ అయిపోయింది. అందమైన మహిళల ద్వారా శత్రు దేశాలు ఇలాంటి హనీ ట్రాప్‌లను ఏర్పాటు చేసేవి. కొల్హాపూర్‌లో ఓ వ్యాపారిపై ఓ మహిళ వేసిన హనీ ట్రాప్ సంచలనం సృష్టించింది. ఇందులో వ్యాపారవేత్త తనను ముంబైలోని ఓ ఫైవ్ స్టార్ హోటల్‌కు ఆహ్వానించి లైంగికంగా వేధించాడని ఆరోపించింది. మహిళ ఫిర్యాదు చేసి రక్తస్రావం జరిగినట్లు ఆధారాలు సమర్పించింది. వ్యాపారవేత్త జీవితమంతా అస్యవస్యం అయ్యేలా ప్లాన్ వేసింది. కానీ ముంబై పోలీసులు ఆమె వేసిన ప్లాన్ ను చిత్తు చేశారు. విచారణలో వారికి ఒక షాకింగ్ నిజం వెల్లడైంది.

2019 సంవత్సరంలో ఒక వ్యాపారవేత్త ముంబైలోని ఫైవ్ స్టార్ హోటల్‌లో బస చేశారు. తనను అక్కడికి మోనికా అనే మహిళను రప్పించుకున్నాడు. తను డబ్బున్నవాడని తెలుసుకున్న మోనికా అతడిని ఎలాగైనా లొంగదీసుకుని డబ్బు కాజేయాలని ప్లాన్ చేసింది. ఈ క్రమంలోనే అంతా అయ్యాక.. అక్కడ వ్యాపారవేత్త తనను లైంగికంగా వేధించాడని మోనికా ఆరోపించింది. తనను కొట్టడం వల్లే తనకు గాయాలయ్యాయని చెప్పింది. ఆ తర్వాత వీడియో కూడా షూట్ చేసి.. బ్లాక్ మెయిల్ చేస్తూ 3.25 కోట్లు డిమాండ్ చేసింది.

Read Also:Gold Price Today: బంగారం ప్రియులకు శుభవార్త.. తెలుగు రాష్ట్రాల్లో నేటి ధరలు ఎలా ఉన్నాయంటే?

2017లో ఈ బ్లాక్ మెయిల్ కథ ప్రారంభమైందని పోలీసులు తెలిపారు. అనిల్ చౌదరి, సప్నా ఈ వ్యాపారవేత్తతో స్నేహం చేసి అతని సమాచారాన్ని మొత్తం బయటకు తీసింది. ఆ తర్వాతే అతడిని మోసం చేయాలని ప్లాన్ చేసింది. సరిగ్గా రెండేళ్ల తర్వాత ఈ సంఘటన 2019 సంవత్సరంలో జరిగింది. ఈ కేసును విచారించిన తర్వాత మోనికా చౌదరి, ఆమె స్నేహితుడు అనిల్ చౌదరి అలియాస్ ఆకాష్, ఫ్యాషన్ డిజైనర్ లుబ్నా వజీర్ అలియాస్ సప్నా, నగల వ్యాపారి మనీష్ సోధిలపై ఛార్జ్ షీట్ దాఖలు చేశారు. పోలీసుల విచారణలో ఆమె సర్పించిన రక్తం నమూనాలు కోడివని తేలింది.

హనీట్రాప్‌లో చిక్కుకోకూడదనుకుంటే ఈ విషయాలను గుర్తుంచుకోండి..
ఇప్పుడు ఇంట్లో దాదాపు ప్రతి ఒక్కరి దగ్గర స్మార్ట్‌ఫోన్ ఉంది. దీంతో సైబర్ నేరాల సంఖ్య పెరిగింది. ఇందులో అత్యధికంగా 50 ఏళ్లు పైబడిన వారు హనీట్రాప్‌లో చిక్కుకుంటున్నారు. హనీట్రాప్‌లో చిక్కుకోకుండా ఉండటానికి ఈ క్రింది అంశాలను జాగ్రత్తగా చూసుకోండి.
– మరీ ముఖ్యంగా, మీ సోషల్ మీడియా ఖాతాలలో మీ స్వభావాన్ని వ్యక్తపరచకుండా ఉండండి. ఎందుకంటే మీరు ఎలా ఉన్నారో నిందితులకు ఇది ఒక ఆలోచనను ఇస్తుంది.
– మరొక ముఖ్యమైన విషయం ఏమిటంటే మీ సోషల్ మీడియా ఖాతాల ప్రొఫైల్‌లను లాక్ చేయడం. అప్పుడు మీకు తెలిసిన వారిని మాత్రమే స్నేహితుల జాబితాలో చేర్చండి.
-సోషల్ మీడియాలో మీ వ్యక్తిగత జీవితం గురించిన వివరాలను పంచుకోవడం మానుకోండి. అలాగే మీ పుట్టిన తేదీని పేర్కొనవద్దు.
-మీకు పుట్టినరోజు శుభాకాంక్షలు తెలియజేయడం, మీ నమ్మకాన్ని గెలుచుకోవడం అనే సాకుతో మిమ్మల్ని సంప్రదించడం ద్వారా వారు మిమ్మల్ని మోసగించవచ్చు.
– మీ వ్యక్తిగత జీవితాన్ని బహిరంగంగా పంచుకునేటప్పుడు జాగ్రత్తగా ఉండండి, లేకుంటే మీరు సులభంగా అలాంటి ఉచ్చులో పడవచ్చు.

Read Also:Delhi Weather: ఢిల్లీలో మరో నాలుగు రోజులు వర్షాలు.. ఉగ్రరూపం దాల్చనున్న యమునా నది