Jayalalithaa: రూ. 4,000 కోట్ల జయలలిత ఆస్తులు ప్రభుత్వానికి అప్పగింత

Jayalalithaa: తమిళనాడు మాజీ ముఖ్యమంత్రి, దివంగత నేత జయలలితకు సంబంధించిన ఆస్తులను ఇప్పుడు తమిళనాడు ప్రభుత్వానికి అప్పగింత చర్యలు ప్రారంభించారు. బెంగళూరులోని ప్రత్యేక న్యాయస్థానం ఫిబ్రవరి 14, 15వ తేదీలలో జయలలిత ఆస్తులను తమిళనాడు ప్రభుత్వానికి అప్పగించడానికి ఆదేశాలు జారీ చేసింది. ఈ ఆస్తులలో జయలలితకు చెందిన 1562 ఎకరాల భూమి, 27 కిలోల బంగారం, వజ్రాభరణాలు, పది వేలకు పైగా చీరలు, 750కి పైగా జతల చెప్పులు, గడియారాలు, ఇంకా ఇతర విలువైన వస్తువులు కూడా ఉన్నాయి. ఈ ఆస్తుల విలువను అంచనా వేస్తే ప్రస్తుతం వాటి మార్కెట్ విలువ రూ. 4000 కోట్లకు పైగా ఉండవచ్చని అంచనా.

Also Read: Whatsapp Update: వాట్సాప్ వినియోగదారుల కోసం సరికొత్త ఫోన్ కాల్ డయలర్ ఫీచర్

జయలలిత వారసులుగా పలు వివాదాలు వినిపించినప్పటికీ, జయలలిత బంధువులు అయిన జె.దీపక్, జె.దీప్ వీటిని తమ ఆస్తిగా ప్రకటించడానికి ఇటీవలే కర్ణాటక హైకోర్టులో పిటిషన్ దాఖలు చేశారు. అయితే, ఆ పిటిషన్‌ను కర్ణాటక హైకోర్టు కొట్టివేసింది. సుమారు 10 సంవత్సరాల క్రితం ఈ ఆస్తులను స్వాధీనం చేసుకున్నప్పుడు, ఈ ఆస్తుల విలువ రూ. 913 కోట్లు అని అంచనా వేశారు అధికారులు. ప్రస్తుతం, తమిళనాడు ప్రభుత్వం ఈ ఆస్తులను స్వాధీనం చేసుకొని వాటిని సరైన పద్దతిలో ఉపయోగించే ప్రయత్నాలు చేయనున్నట్లు సమాచారం.