Whatsapp Update: వాట్సాప్ వినియోగదారుల కోసం సరికొత్త ఫోన్ కాల్ డయలర్ ఫీచర్

Whatsapp Update: వాట్సాప్ ఎప్పటికప్పుడు సరికొత్త ఫీచర్లతో యూజర్లను ఆకట్టుకుంటూనే ఉంటుంది. ఇందులో భాగంగానే తాజాగా iOS యూజర్ల కోసం ఒక కొత్త ఫోన్ కాల్ డయలర్ ఫీచర్‌ను విడుదల చేసింది. ఈ అప్‌డేట్ ద్వారా ఐఫోన్, ఐప్యాడ్ యూజర్లు మరింత సులభంగా కాల్స్ చేయగలుగుతారు. ఇప్పటివరకు కాంటాక్ట్ లిస్టులో లేని నంబర్లకు కాల్ చేయడం కష్టం. కానీ. ఈ కొత్త ఫీచర్‌తో ఇది మరింత సులభం కానుంది. వాట్సాప్ కొత్త అప్‌డేట్‌లో భాగంగా, కాల్స్ ట్యాబ్‌లో సెకండరీ వ్యూను జోడించింది.

Also Read: Hyderabad: ఇన్స్టాలో పరిచయం.. పెళ్లి పేరుతో మోసం.. ట్విస్ట్ ఏంటంటే..?

ఇందులో మూడు ముఖ్యమైన షార్ట్‌కట్స్ ఉన్నాయి. కొత్త కాల్ చేయడం, కాల్ లింక్ క్రియేట్ చేయడం, మాన్యువల్‌గా ఫోన్ నంబర్ ఎంటర్ చేయడం (ఇది ఈ అప్‌డేట్‌కు ముఖ్యమైన ఫీచర్)ని జోడించారు. ఇందులో మూడో ఆప్షన్ ద్వారా మీరు మీ కాంటాక్ట్స్‌లో సేవ్ చేయని నంబర్‌కు కూడా డైరెక్ట్‌గా కాల్ చేయవచ్చు. ఈ కొత్త ఫీచర్ ద్వారా మీరు నంబర్ సేవ్ చేయకుండానే వాట్సాప్‌లో కాల్ చేయవచ్చు. మీరు కాల్ చేయాలనుకున్న నంబర్ వాట్సాప్‌లో ఉంటే, ఆ నంబర్‌ను కాంటాక్ట్స్‌లో సేవ్ చేసుకోవచ్చు లేదా డైరెక్ట్‌గా చాట్ ప్రారంభించవచ్చు. ఇది వాట్సాప్ యూజర్లకు చాలా ఉపయోగకరంగా ఉంటుంది.

iOS యూజర్లు కాల్స్ ట్యాబ్‌లో ఉన్న ‘+’ గుర్తుపై నొక్కితే, ‘డయల్ నంబర్’ అనే ఆప్షన్ కనిపిస్తుంది. ఈ ఆప్షన్ ద్వారా నేరుగా ఫోన్ నంబర్ ఎంటర్ చేసి, దానికి సంబంధించిన వెరిఫికేషన్ చెక్ చేయవచ్చు. ఒకవేళ ఆ నంబర్ వాట్సాప్‌లో ఉంటే నేరుగానే కాల్ చేయవచ్చు లేదా చాట్ ప్రారంభించవచ్చు. ఇది ప్రతి వాట్సాప్ యూజర్‌కు మరింత సులభమైన కమ్యూనికేషన్‌ను అందిస్తుంది. ఈ కొత్త ఫీచర్‌ను వాట్సాప్ దశలవారీగా విడుదల చేయనుంది. ప్రస్తుతం ఇది కొంతమంది యూజర్లకు మాత్రమే అందుబాటులో ఉంది. కానీ, కొంతకాలంలో ఈ ఫీచర్ అన్ని యూజర్లకు అందుబాటులో వస్తుంది. మీరు వెంటనే ఈ ఫీచర్ పొందాలంటే వాట్సాప్‌ను యాప్ స్టోర్ లేదా టెస్ట్‌ఫ్లైట్ ద్వారా అప్‌డేట్ చేసుకోవచ్చు.

Also Read: Donald Trump : టీవీ యాంకర్ అడిగిన ఏ ప్రశ్నకు కోపంతో ఊగిపోయిన ట్రంప్

వాట్సాప్ ఎప్పటికప్పుడు కొత్త ఫీచర్లతో యూజర్లకు మరింత సులభమైన కమ్యూనికేషన్ అనుభవాన్ని అందించడానికి ప్రయత్నిస్తోంది. ఈ కొత్త ఫోన్ కాల్ డయలర్ ఫీచర్ ద్వారా మీ ఫోన్ కాంటాక్ట్స్‌లో ఉన్నవాళ్లకైనా, లేనివాళ్లకైనా సులభంగా కాల్ చేయవచ్చు. ఇది అన్ని యూజర్లకు మరింత సులభమైన, వేగవంతమైన కాలింగ్ అనుభవాన్ని అందిస్తుంది.