Simple One Gen 2: సింపుల్ వన్ సెకండ్ జనరేషన్ ఎలక్ట్రిక్ స్కూటర్ రిలీజ్.. ఓలా, ఏథర్, బజాజ్, టీవీఎస్ ఈవీలతో పోటీ

ఆటోమొబైల్ మార్కెట్ లో ఎలక్ట్రిక్ వాహనాల హవా కొనసాగుతోంది. బైకులు, స్కూటర్లు, కార్లు హైటెక్ ఫీచర్లతో వాహనదారులను అట్రాక్ట్ చేస్తున్నాయి. బడ్జెట్ ధరల్లోనే లభిస్తుండడంతో సేల్స్ లో దూసుకెళ్తున్నాయి. తాజాగా భారతీయ స్టార్టప్ సింపుల్ ఎనర్జీ సెకండ్ జనరేషన్ ఎలక్ట్రిక్ స్కూటర్‌ను భారత మార్కెట్లో విడుదల చేసింది. మునుపటి వెర్షన్‌తో పోలిస్తే కంపెనీ స్కూటర్‌లో అనేక ముఖ్యమైన మార్పులు చేశారు. అంతేకాకుండా సింపుల్ వన్ అల్ట్రాను కూడా ప్రవేశపెట్టింది. ఈ స్కూటర్ ఒక్కసారి ఛార్జ్ చేస్తే 400 కిలోమీటర్ల వరకు ప్రయాణిస్తుందని కంపెనీ తెలిపింది. కంపెనీ సెకండ్ జనరేషన్ సింగిల్ వన్ స్కూటర్‌ను రూ. 1.40 లక్షల (ఎక్స్-షోరూమ్) ధరకు విడుదల చేయగా, టాప్-స్పెక్ వేరియంట్ ధర రూ. 1.78 లక్షల (ఎక్స్-షోరూమ్)గా ఉంది.

Also Read:Indrakeeladri Dispute: ఇంద్రకీలాద్రిపై పవర్ పంచాయతీ.. సీఎంఓకు చేరిన వివాదం

సింపుల్ వన్ స్కూటర్ కోసం మూడు బ్యాటరీ ఎంపికలను అందిస్తుంది. వాటిలో 3.7, 4.5, 5 kWh సామర్థ్యాలు ఉన్నాయి. ఇది స్కూటర్‌కు ఒకే ఛార్జ్‌పై 400 కిలోమీటర్ల వరకు IDC పరిధిని ఇస్తుంది. మోటారు 2.55 సెకన్లలో 0-40 కిలోమీటర్ల నుండి వేగాన్ని అందుకుంటుంది. ఇది గంటకు 115 కిలోమీటర్ల గరిష్ట వేగంతో దూసుకెళ్తుంది. ఇది మల్టీ రైడింగ్ మోడ్‌లను కూడా అందిస్తుంది.

Also Read:Venezuela: నికోలస్ మదురో.. డెల్సీ రోడ్రిగ్జ్ ఇద్దరూ సాయిబాబా భక్తులే.. ఫొటోలు వైరల్

ఫీచర్లు

కంపెనీ తన స్కూటర్‌లో అనేక అద్భుతమైన ఫీచర్లను అందించింది. దీని సెకండ్ జనరేషన్ లో టెలిస్కోపిక్ ఫోర్కులు, వెనుక మోనోషాక్ సస్పెన్షన్, 12-అంగుళాల టైర్లు, అల్లాయ్ వీల్స్, LED లైట్లు, ఏడు-అంగుళాల డిజిటల్ ఇన్స్ట్రుమెంట్ క్లస్టర్, స్మార్ట్‌ఫోన్ కనెక్టివిటీ, OTA అప్‌డేట్‌లు, రోడ్, రెయిన్, ట్రాక్, ర్యాలీ మోడ్‌లు, రీజెనరేటివ్ బ్రేకింగ్, ఎకో, రైడ్, ఎయిర్, సోనిక్, ఎకో X, సోనిక్ X రైడింగ్ మోడ్‌లు, క్రూయిజ్ కంట్రోల్, డ్రాప్ సేఫ్టీ, హిల్ హోల్డ్ అసిస్ట్, పార్క్ మోడ్, లింప్ హోమ్ మోడ్, క్రాల్ మోడ్, 35 లీటర్ల బూట్ స్పేస్, గ్లోవ్ బాక్స్ స్టోరేజ్, USB ఛార్జింగ్ పోర్ట్, LED లైట్లు, ఉన్నాయి.