Gujarat Elections: భారత్ జోడో యాత్రకు బ్రేక్‌.. నేడు గుజరాత్‌లో రాహుల్ పర్యటన
- Follow Us :
-
-
Add as a preferred
source on google
Gujarat Elections: గుజరాత్ అసెంబ్లీ ఎన్నికలు సమీపిస్తున్న తరుణంలో, కాంగ్రెస్ అగ్రనేత రాహుల్ గాంధీ సోమవారం తన తొలి ర్యాలీని చేపట్టనున్నారు. కాంగ్రెస్ ‘భారత్ జోడో యాత్ర’కు నాయకత్వం వహిస్తున్న రాహుల్ గాంధీ, రాష్ట్రంలో ఎన్నికలు ప్రకటించిన తర్వాత తొలిసారిగా గుజరాత్‌లో ఎన్నికల సభల్లో ప్రసంగించనున్నారు. రాహుల్ గాంధీ గుజరాత్‌లో గైర్హాజరు కావడంతో ఈ ఎన్నికల్లో ఇప్పటి వరకు రాష్ట్రంలో ప్రచారం చేయలేదు.
హిమాచల్ ప్రదేశ్‌లో ప్రచారానికి దూరంగా ఉన్న మాజీ కాంగ్రెస్ అధ్యక్షుడు, రాజ్‌కోట్, సూరత్‌లలో మొదటిసారిగా రెండు బహిరంగ సభల్లో ప్రసంగించనున్నారు. సోమవారం రాజ్‌కోట్‌లోని శాస్త్రి మైదాన్‌లో జరిగే తొలి ర్యాలీలో మధ్యాహ్నం 1 గంటలకు, అనవల్ గ్రామం సమీపంలోని పంచ్ కాకడ, సూరత్ జిల్లాలోని మహువ పట్టణం, ఇతర ర్యాలీలో మధ్యాహ్నం 3 గంటలకు ప్రసంగిస్తారు. దాదాపు రెండున్నర నెలల తర్వాత రాహుల్ గుజరాత్‌లో అడుగు పెట్టనున్నారు. ఆయన చివరిసారిగా సెప్టెంబర్‌ 5న గుజరాత్‌లో కనిపించారు. భారత్ జోడో యాత్ర ప్రారంభానికి రెండు రోజుల ముందు అహ్మదాబాద్‌లో పార్టీ కార్యకర్తలను ఉద్దేశించి ప్రసంగించారు.
Jammu Kashmir: భద్రతా దళాలు, ఉగ్రవాదుల మధ్య కాల్పులు.. ముగ్గురు ముష్కరులు అరెస్ట్
రాహుల్ గాంధీ నేడు గుజరాత్‌లో ర్యాలీలలో ప్రసంగించనున్నందున సోమవారం భారత్ జోడో యాత్రకు విరామం లభించినట్లు సమాచారం. ప్రస్తుతం రాహుల్ గాంధీ భారత్ జోడో యాత్రలో నిమగ్నమై ఉన్నారు. ఇటీవల ఎన్నికలు జరిగిన హిమాచల్ ప్రదేశ్‌లో ఆయన పర్యటించలేదు. దీంతో గుజరాత్ ఎన్నికల ప్రచారానికీ దూరంగా ఉంటారని ప్రచారం జరిగింది. ఇటీవల ఆ పార్టీ ప్రకటించిన స్టార్‌ క్యాంపెయినర్ల జాబితాలో రాహుల్ పేరు ఉన్నప్పటికీ.. ఆయన పర్యటనపై మాత్రం స్పష్టత రాలేదు. ఓటమి భయంతోనే ఎన్నికల ప్రచారానికి దూరంగా ఉంటున్నారంటూ బీజేపీ టార్గెట్‌ చేసింది. ఈ నేపథ్యంలో రాహుల్ పర్యటన ఖరారు కావడం గమనార్హం. బీజేపీ ప్రభుత్వాన్ని గద్దె దించేందుకు కాంగ్రెస్ కూడా తన అడుగు ముందుకు వేయాలని భావిస్తోంది. 182 మంది సభ్యులున్న రాష్ట్ర అసెంబ్లీకి డిసెంబర్ 1, 5 తేదీల్లో రెండు దశల్లో ఎన్నికలు జరుగనున్నాయి. ఓట్ల లెక్కింపు డిసెంబర్ 8న జరుగుతుంది.