DA Increase: దీపావళి సందర్భంగా ఉద్యోగులకు కేంద్రం గుడ్‌న్యూస్..

దీపావళికి ముందే కేంద్రంలోని నరేంద్రమోడీ ప్రభుత్వం కేంద్ర ఉద్యోగులకు భారీ కానుకను అందించింది. తాజా నివేదిక ప్రకారం.. కేంద్ర ప్రభుత్వం ఉద్యోగుల డియర్‌నెస్ అలవెన్స్ (డిఎ పెంపు)లో 3 శాతం పెంపును ప్రకటించింది. ఈ పెంపు తర్వాత డీఏ 53 శాతానికి చేరుకుంది. అంతకుముందు ఈ ఏడాది మార్చిలో 4 శాతం డీఏ పెంపును అందించారు.

READ MORE: Jaishankar Pakistan Visit :పాకిస్థాన్‌లో టెన్షన్ టెన్షన్.. జైశంకర్ ప్రసంగానికి పాక్ భయాందోళన?

ఉద్యోగుల డీఏను 53%కి పెంచారు..
ప్రస్తుతం కేంద్ర ప్రభుత్వ ఉద్యోగులు 50% డీఏ పొందుతున్నారు. ప్రభుత్వ వర్గాల ప్రకారం.. దీపావళికి ముందే, ప్రభుత్వం వారికి 3% పెంచడం ద్వారా పెద్ద బహుమతిని అందించింది. డీఏలో ఈ తాజా పెంపు ప్రయోజనం జూలై 1, 2024 నుంచి అందుబాటులో ఉంటుంది. అంటే కేంద్ర ఉద్యోగుల దీపావళి మరింత శోభాయమానంగా మారింది.

READ MORE:Bomb threats: మరో రెండు విమానాలకు బాంబు బెదిరింపులు.. రెండు రోజుల్లో 12 విమానాలకు హెచ్చరికలు..

ఉద్యోగుల జీతం లెక్కింపు:
ప్రభుత్వం డియర్‌నెస్ అలవెన్స్‌ను 3 శాతం పెంచిన తర్వాత ఉద్యోగుల జీతం ఎంత పెరుగుతుందో తెలుసుకుందాం.. ఒక ఉద్యోగి ప్రాథమిక వేతనం రూ. 55,200 అయితే, ప్రస్తుతం అతని డియర్‌నెస్ అలవెన్స్ 50% రూ. 27,600. అయితే డీఏ 53 శాతానికి పెరిగితే, వారి డియర్‌నెస్ అలవెన్స్ రూ.29,256కి పెరుగుతుంది. అంటే ఉద్యోగుల జీతం రూ.29,256 – రూ.27,600 = రూ.1,656 పెరుగుతుంది. మోడీ ప్రభుత్వం పెంచిన డియర్‌నెస్ అలవెన్స్ తర్వాత, ఇప్పుడు కేంద్ర ఉద్యోగులకు కూడా మూడు నెలల బకాయిలు వస్తాయి . ఇందులోభాగంగా ఉద్యోగులకు వచ్చే అక్టోబర్ జీతానికి జూలై, ఆగస్టు, సెప్టెంబర్ నెలల బకాయిలు కూడా కలుపుతారు. అంటే దీపావళి సందర్బంగా వారికి భారీగా డబ్బులు అందుతాయి.