Viral Video: నడిరోడ్డుపై పడిపోయిన వజ్రాలు.. మనకి దొరక్కపోతుందా అంటూ తెగ వెతికిన జనం

ప్రతి మధ్యతరగతి వారికి ఎప్పుడో ఒకప్పుడు తమకు లక్ కలిసి వస్తుంది వెంటనే రిచ్ కిడ్స్ అయిపోతాం అనే ఆశలు ఉంటాయి. ఏదో ఒక రోజు లాటరీ తగులుతుందని లేదా రోడ్డుపై డైమెండ్స్, డబ్బు సంచులు దొరుకుతాయనే ఆశలు ఉంటాయి. ఆ ఆశతోనే రోడ్డుపై కొంతమంది జనం వెతుకులాట ప్రారంభించారు. ఓ వ్యాపారి పొరపాటున తన వజ్రాల ప్యాకెట్ పొగొట్టుకున్నాడని తెలిసి వారంతా ఇలా రోడ్డుపై పడిపోయారు. దీనికి సంబంధించిన వీడియో సోషల్ మీడియాలో ప్రస్తుతం వైరల్ అవుతుంది.

Also Read: Mutual Fund: మ్యూచువల్ ఫండ్‌లో ఇన్వెస్ట్ చేసే ముందు ఈ 10 విషయాలు గుర్తుంచుకోండి

వజ్రాల వ్యాపారానికి ప్రసిద్ధి గుజరాత్‌లోని సూరత్‌ పట్టణం. వజ్రాల కొనుగోలు, అమ్మకానికి ప్రసిద్ధి చెందిన వరచ్చా ప్రాంతంలో ఓ వ్యాపారి పొరపాటున తన వజ్రాల ప్యాకెట్‌ను జారవిడిచినట్లు  ఆ ప్రాంతంలో పుకార్లు వ్యాపించాయి. అయితే ఆ ప్యాకెట్లో కోట్లు విలువ చేసే వజ్రాలు ఉన్నట్లు కొంతమంది మెసేజ్ లు పంపారు. అవి దొరికితే ఇవ్వాలంటూ కోరారు. అయితే ఆ వార్త అంతటా వ్యాపించడంతో ఎక్కడెక్కడి నుంచో జనం వచ్చి ఆ రోడ్డుపై పడిపోయారు. వెంటనే వెతకడం మొదలు పెట్టేశారు. చాలా మంది రోడ్డుపై కూర్చొని శ్రద్దగా అణువణువు వెతుకుతుంటే కొందరు చీపురుతో సైతం రోడ్డును ఊడ్చేస్తున్నారు. ఈ క్రమంలో వారు రోడ్డుపై వస్తున్న వాహనాలను సైతం ఆపేస్తున్నారు. దీంతో ఆ ప్రాంతం జనంతో కిక్కిరిసిపోయింది. అయితే కొంతమందికి కొన్ని వజ్రాలు దొరికినా అవి అసలైనవి కావు ఇమిటేషన్ జ్యూలరీలో వాడే అమెరికన్ డైమండ్స్ అని తేలింది. దీంతో ఎంతో కష్టపడి వెతికిన వారంతా ఊసూరుమన్నారు. అయితే ఆ మెసేజ్ లు ఉత్తివే అని ప్రాంక్ అయి ఉండవచ్చని కొంతమంది అభిప్రాయపడుతున్నారు.

#સુરત વરાછા મિનિબજાર રાજહંસ ટાવર પાસે હીરા ઢોળાયાની વાત થતા હીરા શોધવા લોકોની ભીડ થઈ.
પ્રાથમિક સૂત્રો દ્વારા જાણવા મળેલ છે કે આ હીરા CVD અથવા અમેરિકન ડાયમંડ છે..#Diamond #Surat #Gujarat pic.twitter.com/WdQwbBSarl

— 𝑲𝒂𝒍𝒑𝒆𝒔𝒉 𝑩 𝑷𝒓𝒂𝒋𝒂𝒑𝒂𝒕𝒊 🇮🇳🚩 (@KalpeshPraj80) September 24, 2023