Mass Killings: సామూహిక హత్యలు జరిగే దేశాల జాబితాలో పాకిస్థాన్‌దే అగ్రస్థానం!

Mass Killings: సామూహిక హత్యలు జరిగే దేశాల జాబితాలో వరుసగా మూడోసారి పాకిస్థాన్‌ అగ్రస్థానంలో నిలిచినట్లు యూఎస్‌ థింక్ ట్యాంక్ ఎర్లీ వార్నింగ్ ప్రాజెక్ట్ తాజాగా అంచనా వేసింది. తెహ్రీక్-ఇ-తాలిబాన్ పాకిస్తాన్(టీటీపీ) ద్వారా పెరుగుతున్న హింసతో సహా పలు భద్రత, మానవ హక్కుల సవాళ్లను పాకిస్థాన్‌ ఎదుర్కొంటుందని ఎర్లీ వార్నింగ్ ప్రాజెక్ట్ తన 28 పేజీల నివేదికలో పేర్కొంది. ఎర్లీ వార్నింగ్ ప్రాజెక్ట్ అనేది యునైటెడ్ స్టేట్స్ హోలోకాస్ట్ మెమోరియల్ మ్యూజియంలోని సైమన్-స్క్జోడ్ట్ సెంటర్ ఫర్ ప్రివెన్షన్ ఆఫ్ జెనోసైడ్, డార్ట్‌మౌత్ కాలేజీలోని డిక్కీ సెంటర్ ఫర్ ఇంటర్నేషనల్ అండర్‌స్టాండింగ్ సంయుక్త చొరవతో ఏర్పాటైన ఓ పరిశోధనా సంస్థ. మొదటి పది జాబితాలోని ఇతర ఆసియా దేశాలలో మయన్మార్ రెండవ స్థానంలో, యెమెన్ మూడవ స్థానంలో ఉన్నాయి.

ఎర్లీ వార్నింగ్ ప్రాజెక్ట్ అనేది సామూహిక హింసకు గురయ్యే ప్రమాదం ఉన్న దేశాలను గుర్తించే పరిశోధనా సంస్థ. ఇప్పటికే రాజకీయ, ఆర్థిక సంక్షోభాలను ఎదుర్కొంటున్న దేశం ఎదుర్కొంటున్న ప్రధాన సవాళ్లలో తాలిబన్‌కు చెందిన స్థానిక శాఖ హింసను నివేదిక పేర్కొంది. ముఖ్యంగా, తెహ్రీక్-ఇ-తాలిబన్ పాకిస్తాన్ (TTP) ఈ వారం ప్రభుత్వంతో కాల్పుల విరమణను విరమించుకున్నందున ఈ నివేదిక వచ్చింది. టీటీపీ జూన్‌లో ప్రభుత్వంతో అంగీకరించిన కాల్పుల విరమణను ముగించింది. దేశవ్యాప్తంగా దాడులు నిర్వహించాలని యోధులను ఆదేశించింది. “వివిధ ప్రాంతాలలో ముజాహిదీన్‌లకు వ్యతిరేకంగా సైనిక కార్యకలాపాలు కొనసాగుతున్నందున కాబట్టి మీరు మొత్తం దేశంలో మీకు వీలైన చోట దాడులు చేయడం అత్యవసరం” అని నిషేధిత సంస్థ టీటీపీ ఒక ప్రకటనలో తెలిపింది.

China Zero Covid Policy: చైనా జీరో-కొవిడ్ పాలసీని ఎత్తేస్తే.. 20 లక్షల మంది చనిపోతారట!

గత నెలలో ఖైబర్ పఖ్తున్‌ఖ్వా ప్రావిన్స్‌లోని లక్కీ మార్వత్ జిల్లాలో జరిగిన అత్యంత ముఖ్యమైన దాడితో ఇస్లామిక్ సమూహం హింసాత్మక ప్రచారం ఇటీవలి నెలల్లో వేగవంతమైంది. ఇందులో కనీసం ఆరుగురు పోలీసులు మరణించారు.టీటీపీ అమెరికా, ఐక్యరాజ్యసమితిచే విదేశీ ఉగ్రవాద సంస్థగా జాబితా చేయబడింది. ఇది ఆఫ్ఘనిస్తాన్‌లో 4,000 నుండి 6,500 మధ్య ఫైటర్లను కలిగి ఉంది. దీని వ్యాప్తి గిరిజన ప్రాంతాలను దాటి పాకిస్తానీ నగరాలకు విస్తరించింది. 2021 చివరి నాటికి పాకిస్తాన్‌లో తాలిబన్ ఉద్యమం, అనుబంధ మిలీషియాలచే సామూహిక హత్యలు జరుగుతున్నాయని ఎర్లీ వార్నింగ్ ప్రాజెక్ట్ నిర్ధారించింది.