Varanasi : లీక్ అయిన.. మహేష్ బాబు ‘వారణాసి’ రాముడి పోస్టర్ నిజమేనా..?

దర్శక ధీరుడు ఎస్ఎస్ రాజమౌళి, సూపర్ స్టార్ మహేష్ బాబు కాంబినేషన్‌లో వస్తున్న ‘వారణాసి’ (Varanasi) కోసం ప్రపంచవ్యాప్తంగా సినీ ప్రియులు ఎంతగా ఎదురుచూస్తున్నారో తెలిసిందే. అయితే రీసెంట్‌గా ఈ సినిమా నుంచి మహేష్ బాబు ‘శ్రీరాముడి’ లుక్ లీక్ అయిందంటూ ఒక వార్త సోషల్ మీడియాలో సెన్సేషన్ సృష్టిస్తోంది. గుంటూరులోని మైత్రి సినిమాస్ వద్ద ఈ సినిమా హోర్డింగ్ పెట్టారని, అందులో మహేష్ రాముడి అవతారంలో ఉన్నారని ఒక పోస్టర్ బయటకు రావడంతో ఫ్యాన్స్ ఒక్కసారిగా షాక్ అయ్యారు.

Also Read : Ayesha Khan : అది నేను కాదు నమ్మకండి.. ఫేక్ అకౌంట్లపై ఆయేషా ఖాన్ ఫైర్..!

కాగా వైరల్ అవుతున్న ఆ పోస్టర్‌లో మహేష్ బాబు కాషాయ వస్త్రాలు ధరించి, చేతిలో విల్లు పట్టుకుని గంభీరంగా కనిపిస్తున్నారు.ఆ పోస్టర్ చూస్తుంటేనే రాజమౌళి మార్క్ పవర్ కనిపిస్తోందని నెటిజన్లు కామెంట్స్ చేస్తున్నారు. అయితే, ఈ లుక్ వెనుక ఉన్న అసలు నిజం ఏంటంటే.. ఇది అధికారికంగా వచ్చిన పోస్టర్ కాదు. సినిమా రిలీజ్‌కు ఇంకా ఏడాదిపైగా సమయం ఉండటం, రాజమౌళి లాంటి దర్శకుడు అంత ఈజీగా లుక్ లీక్ చేయరనేది సినీ విశ్లేషకుల మాట. చాలా మంది ఇది ఏఐ (AI) ద్వారా సృష్టించినది లేదా ఫ్యాన్ మేడ్ పోస్టర్ అయి ఉంటుందని కొట్టిపారేస్తున్నారు. ఏదేమైనా అధికారికంగా రాజమౌళి టీమ్ నుంచి అప్‌డేట్ వస్తే తప్ప ఈ ‘రాముడి’ లుక్ పై క్లారిటీ రాదు.