RRR స్పెషల్ స్క్రీనింగ్.. ‘వారణాసి’ స్పెషల్ వీడియోతో డబుల్ ట్రీట్!

దర్శక దిగ్గజం రాజమౌళి దర్శకత్వంలో ఎన్టీఆర్ – రామ్ చరణ్ కాంబోలో వచ్చిన ఆర్ఆర్ఆర్ సినిమా తెలుగు వెండితెరపైనే కాకుండా, ప్రపంచవ్యాప్తంగా అశేష ప్రేక్షకాదరణ పొందింది. ఈ చిత్రంలోని నాటు నాటు పాటకు గాను సంగీత దర్శకుడు ఎం ఎం కీరవాణి ఆస్కార్ అవార్డును సైతం అందుకున్నాడు.  ఈ చిత్రం విడుదలై నాలుగేళ్లు గడిచినా, ఇప్పటికీ దీనికి ఉన్న క్రేజ్ ఏమాత్రం తగ్గలేదు. తాజాగా అమెరికాలోని ప్రముఖ థియేటర్ చైన్ ‘రీగల్’ స్పెషల్ స్క్రీనింగ్ ను ప్లాన్ చేసింది. మార్చి నెలలో ప్రతిరోజూ ఒక ఆస్కార్ నామినేటెడ్ చిత్రాన్ని ప్రదర్శించే సిరీస్‌లో భాగంగా మార్చి 2న RRR చిత్రాన్ని రీరిలీజ్ చేయబోతున్నారు.

Also Read : Tollywood : వన్స్ ఆపాన్ ఎ టైమ్.. ఆయనో మెగాస్టార్

ఈ రీ-రిలీజ్ కేవలం సినిమా కోసమే కాదు మరో బిగ్ సర్ప్రైజ్ కోసం కూడా ప్లాన్ చేస్తున్నారట. మార్చి 2న జరిగే RRR స్పెషల్ స్క్రీనింగ్స్‌లో వారణాసి చిత్రానికి సంబంధించిన ఫస్ట్ రివీల్ వీడియోను  ప్రదర్శించబోతున్నట్లు అధికారికంగా ప్రకటించారు. ఇది వారణాసి చిత్రాన్ని అంతర్జాతీయ ప్రేక్షకులకు మరింత దగ్గర చేసే ప్రయత్నంగా కనిపిస్తోంది. ఒకవైపు ఆస్కార్ గెలిచిన ‘నాటు నాటు’ పాటతో అలరించిన RRR సినిమాను మళ్ళీ బిగ్ స్క్రీన్‌పై చూసే అవకాశం రావడం, మరోవైపు ‘వారణాసి’ ఫస్ట్ లుక్ వీడియోను అటాచ్ చేయడం పెద్ద సర్ప్రైజ్ అని చెప్పాలి. మార్చి 2న జరిగే ఈ స్పెషల్ స్కీనింగ్ కు రాజమౌళి అండ్ టీమ్ హాజరయ్యే అవకాశం ఉంది.