పాకిస్థాన్లో ఎన్నికల ప్రచార సందడి ఆగిపోయింది. రేపు (ఫిబ్రవరి 8న) నేషనల్ అసెంబ్లీ, ప్రావిన్షియల్ అసెంబ్లీలలోని 242 స్థానాలకు కూడా ఓటింగ్ జరుగనుంది. అయితే, ఆర్థిక సంక్షోభంపై పాకిస్తాన్లోని దాదాపు అన్ని రాజకీయ పార్టీలు ఓటర్లను ప్రలోభపెట్టడానికి పెద్ద ఎన్నికల వాగ్దానాలు ఇచ్చాయి. కోటి ఉద్యోగాలు కల్పిస్తామని కొందరు వాగ్దానం చేయగా.. విద్యుత్ బిల్లులు తగ్గిస్తామని, ద్రవ్యోల్బణాన్ని 6 శాతానికి తగ్గిస్తామని మరికొన్ని పార్టీలు హామీలు ఇచ్చాయి.
Read Also: Ponnam Prabhakar: ఆర్టీసి మనందరిది దానిని కాపాడుకోవాలి..
మాజీ ప్రధాని నవాజ్ షరీఫ్ పార్టీ పీఎంఎల్-ఎన్ సుదీర్ఘ నిరీక్షణ తర్వాత జనవరి 27న తన ఎన్నికల మేనిఫెస్టోను విడుదల చేసింది. అనేక వాగ్దానాలతో పాటు ఆర్థిక సంక్షోభంలో కొట్టుమిట్టాడుతున్న పాకిస్థాన్లో ఆర్థిక సంస్కరణలు చేపడుతామని పేర్కొన్నారు. 2027 నాటికి ద్రవ్యోల్బణం రేటును 6 శాతానికి తగ్గిస్తానని హామీ ఇచ్చారు. జాతీయ నిరుద్యోగిత రేటును 5 శాతానికి తగ్గిస్తామని హామీ ఇచ్చింది. పాకిస్తాన్ జీడీపీ వృద్ధి రేటు 6 శాతం నుంచి 7 శాతం మధ్య ఉండాలి.. ఇది ప్రస్తుత పరిస్థితుల్లో దాదాపు అసాధ్యం.. గత ఏడాది జూన్లో, షెహబాజ్ షరీఫ్ నేతృత్వంలోని పాకిస్తాన్ డెమోక్రటిక్ మూవ్మెంట్ ప్రభుత్వం 2023-24 ఆర్థిక సంవత్సర బడ్జెట్ కోసం 3.5 శాతం అంచనా వేసిన జీడీపీ వృద్ధి లక్ష్యాన్ని ఆమోదించింది.
Read Also: NZ vs SA: రచిన్ రవీంద్ర సంచలన ఇన్నింగ్స్.. దక్షిణాఫ్రికాపై న్యూజిలాండ్ రికార్డు విజయం!
అయితే, పీఎంఎల్-ఎన్, పీపీపీతో పాటు పీటీఐ సహా అన్ని రాజకీయ పార్టీలు ఎన్నికల మేనిఫెస్టోలను విడుదల చేశాయి. అయితే, భారత ప్రధాని నరేంద్ర మోడీ ఎన్నికల విజయాన్ని పాకిస్తాన్లోని అన్ని రాజకీయ పార్టీలు ఫాలో అవుతున్నాయి. ద్రవ్యోల్బణం, నిరుద్యోగం, పేదరికం, అవినీతి, పన్నుల నుంచి విముక్తి కల్పిస్తామని 2014లో నరేంద్రమోడీ ఎన్నికల వాగ్దానం చేశారు. అప్పుడు భారత్ లో బీజేపీ అధికారంలోకి వచ్చింది.
