Murder: భార్య, కుమార్తెను చంపేసి ఆత్మహత్యాయత్నం చేసుకున్న భర్త.. విషమ పరిస్థితులలో కొడుకు..

కేరళలోని దక్షిణ జిల్లా కొల్లాంలోని పరవూర్లో మంగళవారం ఓ వ్యక్తి తన భార్య, కుమార్తెకు విషపూరిత పదార్థం ఇచ్చి, ఆపై వారి గొంతులను కోసి, ఆత్మహత్యకు ప్రయత్నించాడు. పూతక్కుళానికి చెందిన 46 ఏళ్ల శ్రీజు అనే నిందితుడు తన పెద్ద కుమారుడు శ్రీరాగ్ (17) ను గొంతు కోసి చంపడానికి ప్రయత్నించాడని, తరువాత అతని పొడిచి ఆత్మహత్యకు ప్రయత్నించాడని పరవూర్ పోలీసులు తెలిపారు. నేడు ఉదయం తండ్రి, కొడుకు ఇద్దరూ తమ ఇంట్లో విషమ పరిస్థితిలో కనిపించారని, వారిని సమీపంలోని ఆసుపత్రికి తరలించినట్లు వారు తెలిపారు. ఈ సంఘటన సోమవారం రాత్రి జరిగిందని అనుమానిస్తున్నట్లు వారు తెలిపారు.

Also read: Liquor Stock : ఎక్సైజ్ శాఖకు టీఎస్‌ వైన్ డీలర్స్ అసోసియేషన్ లేఖ

ఇక ఈ ఘటనలో భార్య ప్రీతా (39), కుమార్తె శ్రీనంద (12) మృతదేహాలను ఇంట్లో సమీపంలోని బంధువులు కనుగొన్నారని సీనియర్ పోలీసు అధికారి తెలిపారు. ఎవరి నుంచి ఎలాంటి స్పందన రాకపోవడంతో బంధువులు ఇంటి తలుపులు పగులగొట్టారు. వారు ఇంట్లోకి ప్రవేశించినప్పుడు, రక్తపు మడుగులో ఉన్న నలుగురు కుటుంబ సభ్యుల మృతదేహాలను కనుగొన్నారు. “భార్య, కుమార్తె, కుమారుడి గొంతుకు గాయాలయ్యాయి. భార్య, కుమార్తెకు కూడా విషపూరిత పదార్థం ఇచ్చినట్లు వారు అనుమానించారు.

Also read: CNG Bikes: వావ్.. ఇకపై సీఎన్‌జీ బైక్స్.. అప్పుడే మార్కెట్‌లోకి విడుదల..

ఒక ప్రైవేట్ ఆసుపత్రిలో శ్రీరాగ్ కు శస్త్రచికిత్స జరిగిందని, అయితే ఆయన ఆరోగ్య పరిస్థితి గురించి వివరాలను వెల్లడించలేదని ఆ అధికారి తెలిపారు. నిందితుడు శ్రీజును తిరువనంతపురంలోని ప్రభుత్వ వైద్య కళాశాలకు తరలించినప్పటికీ, అతని పరిస్థితి ఇంకా స్థిరీకరించబడలేదని ఆయన చెప్పారు. ఈ హత్యలు, ఆత్మహత్యాయత్నం వెనుక ఆర్థిక ఇబ్బందులున్నాయని అనుమానిస్తున్నట్లు వారి బంధువులు పోలీసులకు తెలిపారు. శ్రీజు వృత్తిరీత్యా తాపీమేస్త్రీ కాగా, ప్రీతా జిల్లాలోని స్థానిక సహకార బ్యాంకులో పనిచేస్తోంది. ఇందుకు సంబంధించి సమగ్ర దర్యాప్తు కొనసాగుతోందని పోలీసులు తెలిపారు.