Koo Layoffs : భారతదేశంలో Twitter ప్రత్యర్థి Koo ఇటీవలి నెలల్లో దాదాపు మూడింట ఒక వంతు మంది ఉద్యోగులను తొలగించింది. సంస్థకు నష్టాలు, నిధులను సేకరించలేకపోవడం వల్ల యాజమాన్యం ఈ నిర్ణయం తీసుకుంది. కంపెనీ ప్రతినిధి మీడియాతో మాట్లాడుతూ కంపెనీలో పనిచేసే 260మంది ఉద్యోగుల్లో 30శాతం మందిని తొలగించిందని పేర్కొన్నారు. ట్విటర్ వివాదాల కారణంగా అనేక మంది ప్రభుత్వ అధికారులు, క్రికెట్ స్టార్లు, సెలబ్రిటీలు, సామాన్యులు స్థానిక ప్రత్యామ్నాయంగా Kuని ఉపయోగించడం ప్రారంభించారు. కంపెనీ తమ ఆర్థిక పరిస్థితిని చక్కదిద్దుకోవడానికి మరింత చర్యలు తీసుకోనున్నట్లు సమాచారం.
Read Also: Pamela Chopra : ప్రముఖ బాలీవుడ్ నిర్మాత యశ్ చోప్రా భార్య కన్నుమూత
బెంగళూరుకు చెందిన మైక్రోబ్లాగింగ్ కంపెనీ ‘కూ’…. ట్విట్టర్ కి, ప్రభుత్వం మధ్య వివాదాల కారణంగా మొదట్లో లాభపడింది. కానీ ప్రజలు మళ్లీ ట్విట్టర్కి తిరిగి రావడం ప్రారంభించడంతో కంపెనీకి సమస్యలు పెరిగాయి. అయితే గ్లోబల్ మార్కెట్లో ఐటి కంపెనీల షేర్లు నష్టాల పాలుకావడంతో కంపెనీ ప్రస్తుతం నగదు కొరత ఎదుర్కొ్ంటుంది. లాంగ్ ఫ్లైయింగ్ స్టార్టప్గా తనదైన ముద్ర వేసిన ‘కూ’ ఈ కాలంలో వాల్యుయేషన్లో భారీ క్షీణతను నమోదు చేసుకుంది.
Read Also: Amritpal Singh Wife: లండన్కు అమృత్పాల్ సింగ్ భార్య పయనం.. అదుపులోకి తీసుకున్న అధికారులు
60 మిలియన్లకు పైగా డౌన్లోడ్లతో, కూ బాగా క్యాపిటలైజ్ చేయబడింది. మానిటైజేషన్ ప్రయోగాలతో లాభదాయకమైన కంపెనీగా మారడానికి ప్రయత్నిస్తున్నట్లు కంపెనీ సహ వ్యవస్థాపకుడు మయాంక్ బిదావత్కా ఒక ఇంటర్వ్యూలో తెలిపారు. ప్రస్తుతం ఉన్న ఇతర సోషల్ మీడియా కంపెనీలతో పోలిస్తే ఆదాయం కూడా అత్యధికమని ఆయన తెలిపారు. గత సంవత్సరం $273 మిలియన్ల విలువతో కూ నిధులను సేకరించింది. తీసివేతకు గురైన ఉద్యోగులకు పరిహారం, కొత్త ఉద్యోగాల వెతుకులాటలో సహకారం వంటి ప్రయోజనాలను స్టార్టప్ అందించిందని కంపెనీ ప్రతినిధి చెప్పారు.
