Israel Palestine Conflict: 50 మంది బందీలకు బదులుగా 150 మంది పాలస్తీనా ఖైదీలు.. కుదిరిన డీల్

Israel Palestine Conflict: ఇజ్రాయెల్, హమాస్ మధ్య జరుగుతున్న యుద్ధంపై ప్రపంచ దేశాల దృష్టి సారించాయి. ఈ యుద్ధం ప్రారంభమై దాదాపు రెండు నెలలు కావొస్తుంది. దాడుల్లో చాలా మంది ఇళ్లు ధ్వంసం కాగా చాలా మంది మరణించారు. ఇంతలో ఓ పెద్ద వార్త బయటకు వస్తోంది. బందీలుగా ఉన్న పౌరుల విడుదల కోసం హమాస్‌తో ఒప్పందంపై ఇజ్రాయెల్ వార్ క్యాబినెట్ అంగీకరించిందని తెలుస్తోంది. దీని ప్రకారం హమాస్ నాలుగు నుండి ఐదు రోజుల కాల్పుల విరమణకు బదులుగా బందీలను విడుదల చేయవచ్చు. హమాస్ రేపటి నుండి దశలవారీగా 50 బందీలను విడుదల చేయడం ప్రారంభించవచ్చు. ఈ బందీల్లో 20 మంది మహిళలు, 30 మంది చిన్నారులు ఉన్నారు. అదే సమయంలో ఇజ్రాయెల్ 150 మంది పాలస్తీనా ఖైదీలను కూడా విడిపించాల్సి ఉంటుంది. బందీల విడుదల కోసం చాలా కాలంగా ప్రయత్నాలు జరుగుతున్నాయి. బందీల విడుదలపై ఇజ్రాయెల్, హమాస్ మధ్య ఒప్పందం కుదుర్చుకునేందుకు అమెరికా నుంచి అరబ్ దేశాల వరకు ప్రయత్నాలు జరుగుతున్నాయి. ఒప్పందానికి 45 రోజుల తరువాత ఈ ప్రయత్నం విజయవంతం అయినట్లు తెలుస్తోంది. ఇజ్రాయెల్ మీడియా నివేదికల ప్రకారం, బందీల విడుదల కోసం యుద్ధ కేబినెట్ కాల్పుల విరమణ ఒప్పందాన్ని ఆమోదించింది. అమెరికా అధ్యక్షుడు జో బిడెన్ కూడా ఈ విషయాన్ని వెల్లడించారు.

* ఇజ్రాయెల్‌లో ఖైదు చేయబడిన పాలస్తీనా ఖైదీలకు బదులుగా మొదటి దశలో 50 మంది బందీలను విడుదల చేయడం.
* 4 నుంచి 5 రోజుల కాల్పుల విరమణ
* గాజాకు వైద్య సహాయం అందించడం
* గాయపడిన వారికి సక్రమంగా చికిత్స చేయడం
* క్యాబినెట్ ఒప్పందానికి ఆమోదం తెలుపుతుంది
* పాలస్తీనా ఖైదీల పేర్లు 24 గంటల్లో బహిరంగపరచబడతాయి

Read Also:IND vs AUS: భారత్, ఆస్ట్రేలియా మొదటి టీ20 మ్యాచ్‌.. వైజాగ్‌లో కట్టుదట్టమైన బందోబస్తు!
నవంబర్ 21న హమాస్ చీఫ్ ఇస్మాయిల్ హనియే ప్రకటన వెలువడింది. ఇందులో పాలస్తీనా ఉగ్రవాద సంస్థ ఇజ్రాయెల్‌తో కాల్పుల విరమణ ఒప్పందానికి దగ్గరగా ఉందని చెప్పారు. ఖతార్ మధ్యవర్తులకు గ్రూప్ తన సమాధానం ఇచ్చిందని ఆయన చెప్పారు. అయితే, కాల్పుల విరమణకు సంబంధించిన షరతులు, నిబంధనలను ఆయన ఇవ్వలేదు. ఖతార్ మధ్యవర్తులు మూడు రోజుల కాల్పుల విరమణకు బదులుగా 50 మంది బందీలను విడుదల చేయడానికి హమాస్, ఇజ్రాయెల్ కోసం ఒక ఒప్పందాన్ని డిమాండ్ చేశారు. తద్వారా గాజా పౌరులు అత్యవసర సహాయం పొందవచ్చు. అమెరికాలో ఇజ్రాయెల్ రాయబారి మైఖేల్ హెర్జోగ్ కూడా రాబోయే రోజుల్లో ఒప్పందంపై ఆశాభావం వ్యక్తం చేశారు.

హమాస్ 240 మందిని బందీలుగా చేసుకుంది
అక్టోబర్ 7 న, హమాస్ ఉగ్రవాదులు ఇజ్రాయెల్‌పై దాడి చేశారని, ఇందులో సుమారు 12 వేల మంది మరణించారు. ఈ సమయంలో ఉగ్రవాదులు దాదాపు 240 మందిని బందీలుగా పట్టుకున్నారు. అప్పటి నుంచి ఇజ్రాయెల్ నిరంతరం హమాస్ లక్ష్యాలపై దాడులు చేస్తోంది. ఇజ్రాయెల్ గాజాలోని అతిపెద్ద ఆసుపత్రి అల్ సిఫాను కూడా స్వాధీనం చేసుకుంది.

Read Also:President Draupadi Murmu AP Tour: నేడు పుట్టపర్తికి రాష్ట్రపతి ద్రౌపది ముర్ము..