Duleep Trophy 2024: దులీప్ ట్రోఫీ టైటిల్ గెలుచుకున్న ఇండియా ‘A’..

దులీప్ ట్రోఫీ 2024 టైటిల్‌ను ఇండియా ‘A’ గెలుచుకుంది. ఆడిన మూడు మ్యాచ్‌ల్లో ఇండియా ఏ రెండింట్లో విజయం సాధించగా.. ఒక మ్యాచ్‌లో ఓడిపోయింది. రెండు విజయాలతో ఈ జట్టు గరిష్టంగా 12 పాయింట్లను కలిగి ఉంది. దీంతో.. జట్టు ఛాంపియన్‌గా నిలిచింది. భారత్ సి 9 పాయింట్లతో పాయింట్ల పట్టికలో రెండో స్థానంలో నిలిచింది. కాగా.. భారత్ ఎ జట్టు 61వ సారి దులీప్ ట్రోఫీ టైటిల్ గెలుచుకుంది. ఈ మ్యాచ్‌లో శాశ్వత్ రావత్ ప్లేయర్ ఆఫ్ ద మ్యాచ్‌గా ఎంపికయ్యాడు.

దులీప్ ట్రోఫీ 2024 మొదటి మ్యాచ్‌లో ఇండియా A జట్టుకు శుభ్‌మన్ గిల్ కెప్టెన్‌గా వ్యవహరించాడు. ఈ మ్యాచ్‌లో ఇండియా A జట్టు 76 పరుగుల తేడాతో ఇండియా B చేతిలో ఓడిపోయింది. ఈ మ్యాచ్ తర్వాత.. బంగ్లాదేశ్‌తో టెస్ట్ సిరీస్ ఆడేందుకు గిల్ టీమ్ ఇండియాలో చేరాడు. ఈ క్రమంలో.. జట్టు కెప్టెన్సీని మయాంక్ అగర్వాల్‌కు అప్పగించారు. ఈ టోర్నీలో మయాంక్ కెప్టెన్సీలో జరిగిన రెండో మ్యాచ్‌లో ఇండియా ఎ 186 పరుగుల తేడాతో ఇండియా డిని ఓడించగా, మూడో మ్యాచ్‌లో ఇండియా ఎ 132 పరుగుల తేడాతో ఇండియా సిని ఓడించి టైటిల్‌ను కైవసం చేసుకుంది.

Devara: ప్రీ రిలీజ్ ఈవెంట్ పై అంతా సస్పెన్స్.. జరుగుతుందా? లేదా?

టైటిల్ మ్యాచ్‌లో శశ్వత్ రావత్ (124) సెంచరీతో చెలరేగాడు. అవేష్ ఖాన్ అజేయంగా 51 పరుగులతో భారత్ ఎ తొలి ఇన్నింగ్స్‌లో 297 పరుగులు చేసింది. ఇండియా సి తరఫున విజయ్ కుమార్ వ్యాసక్ తొలి ఇన్నింగ్స్‌లో 4 వికెట్లు పడగొట్టాడు. ఆ తర్వాత తొలి ఇన్నింగ్స్‌లో అభిషేక్ పోరెల్ 82 పరుగుల సాయంతో ఇండియా సి 234 పరుగులు చేసింది. తొలి ఇన్నింగ్స్‌లో భారత్ ఎ తరఫున అవేష్ ఖాన్, ఆకిబ్ ఖాన్ తలో 3 వికెట్లు తీశారు.

తొలి ఇన్నింగ్స్‌ ఆధారంగా భారత్‌ ఎ 63 పరుగుల ఆధిక్యాన్ని పొందగా.. రెండో ఇన్నింగ్స్‌లో భారత్‌ ఎ 286 పరుగులు చేయడంతో జట్టు మొత్తం 349 పరుగుల ఆధిక్యంలో ఉంది. భారత్ ఎ తరఫున శశ్వత్ రావత్ రెండో ఇన్నింగ్స్‌లో 53 పరుగులు చేశాడు. దీంతో.. రెండో ఇన్నింగ్స్‌లో భారత్ సికి 350 పరుగుల విజయ లక్ష్యం లభించింది. అయితే సాయి సుదర్శన్ (111) సెంచరీతో రాణించినప్పటికీ, 217 పరుగులకే ఆలౌట్ అయి 132 పరుగుల తేడాతో మ్యాచ్‌ను కోల్పోవాల్సి వచ్చింది. రెండో ఇన్నింగ్స్‌లో భారత్‌ ఎ తరఫున ప్రముఖ్‌ కృష్ణ, తనుష్‌ కోటియన్‌ తలో 3 వికెట్లు తీశారు.

Rishabh Pant: తన బ్యాట్ గ్లోవ్స్, హెల్మెట్‌కి మొక్కిన రిషబ్ పంత్.. ఫలించిన పూజలు