Governor Tamilisai: బోనాల కోసం నాకు ప్రభుత్వం నుంచి ఇన్విటేషన్ రాలేదు..

తెలంగాణ రాష్ట్రంలో బోనాల పండగ ఘనంగా కొనసాగుతుంది. రాజ్ భవన్ లో బోనాల వేడుకలు గ్రాండ్ గా జరిగాయి. ఈ వేడుకల్లో తెలంగాణ గవర్నర్ తమిళిసై సౌందర రాజన్ స్వయంగా బోనం ఎత్తుకున్నారు. రాజ్ భవన్ లోపల నుంచి బయట వరకు ఊరేగింపుగా బోనాన్ని గవర్నర్, మహిళా సిబ్బంది తీసుకొచ్చారు. ఈ సందర్భంగా గవర్నర్ తమిళిసై మాట్లాడుతూ.. అందరికి బోనాల శుభాకాంక్షలు తెలియజేశారు. బోనాల కోసం నాకు ఎక్కడ నుంచి అధికారిక ఇన్విటేషన్ రాలేదు అని ఆమె పేర్కొన్నారు. రాజ్ భవన్ మహిళలు మాత్రం నన్ను బోనాలకు ఆహ్వానించారు.. ఎప్పటిలాగే ఈసారి కూడా ప్రభుత్వం నుంచి ఆహ్వానం లేదు అని గవర్నర్ తెలిపారు.

Read Also: Anganwadi Jobs : అంగన్వాడీ లో భారీగా ఉద్యోగాలు.. పది పాసైన వాళ్ళు అర్హులు..

అందరూ ఆరోగ్యంగా ఉండాలని కోరుకుంటున్నాను.. తెలంగాణలో బోనాలకు చాలా ప్రాముఖ్యత ఉంటుంది అని ఆమె అన్నారు. రాజ్ భవన్ లో బోనాల వేడుకలు జరుపుకోవడం చాలా ఆనందంగా ఉందని గవర్నర్ తెలిపారు. చంద్రాయాన్ ప్రవేశ పెట్టిన శాస్త్రవేత్తలకు తెలంగాణ గవర్నర్ తమిళిసై శుభాకాంక్షలు చెప్పారు. రాష్ట్ర ప్రజలను ఆ అమ్మవారు చల్లంగా చూడాలని కోరుకున్నట్లు గవర్నర్ తమిళి సై చెప్పారు.

Read Also: Momos Eating: మోమోస్‌ పందెం.. యువకుడి మృతి