Delhi Elections: అభ్యర్థి కాళ్లు మొక్కిన ప్రధాని మోడీ.. వీడియో వైరల్.. అసలేం జరిగిందంటే..!

దేశ రాజధాని ఢిల్లీ అసెంబ్లీ ఎన్నికల్లో చిత్రవిచిత్రాలు చోటుచేసుకుంటున్నాయి. ఎన్నికలు అంటేనే ఇలాంటి వింతలు.. విశేషాలు కామన్‌గా జరుగుతుంటాయి. అయితే ఇటీవల ఎన్నికల ప్రచారంలో ఆసక్తికర పరిణామం చోటుచేసుకుంది. సభా వేదికపై ప్రధాని మోడీ కాళ్లకు బీజేపీ అభ్యర్థి నమస్కరించారు. అందుకు ప్రతిగా ప్రధాని మోడీ కూడా అభ్యర్థి పాదాలను మూడు సార్లు మొక్కారు. ఇందుకు సంబంధించిన దృశ్యాలు సోషల్ మీడియాలో తెగ వైరల్ అవుతున్నాయి. ఇంతకీ ఆ అభ్యర్థి ఎవరు? ఆయన పాదాలకు మోడీ ఎందుకు నమస్కరించారని నెటిజన్లు సర్చ్ చేస్తున్నారు.

ఇది కూడా చదవండి: Boondi Laddoo: “బూందీ లడ్డూ”తో పరారీలో ఉన్న హత్య దోషి అరెస్ట్..

రవీందర్‌ సింగ్‌ నేగి.. ఢిల్లీ అసెంబ్లీ ఎన్నికల్లో పట్పర్‌గంజ్ నియోజకవర్గం నుంచి బీజేపీ అభ్యర్థిగా ఉన్నారు. అంతేకాదు ప్రస్తుతం ఢిల్లీ మున్సిపల్‌ కార్పొరేషన్‌ కౌన్సిలర్‌ కూడా. పట్పర్‌గంజ్‌లోని వినోద్‌ నగర్‌కు ప్రాతినిధ్యం వహిస్తున్నారు. ఇక బీజేపీ తరపున పట్పర్‌గంజ్‌లో పోటీ చేస్తున్నారు. ప్రత్యర్థులుగా కాంగ్రెస్ నుంచి అనిల్ కుమార్, ఆప్ నుంచి అవధ్ ఓజా ఉన్నారు. అంతేకాదు 2020లో మాజీ డిప్యూటీ సీఎం సిసోడియాపై పోటీ చేసి 2 శాతం ఓట్ల తేడాతో ఓడిపోయారు. ఇక 2022లో జరిగిన ఢిల్లీ మున్సిపల్ ఎన్నికల్లో ఆప్ అభ్యర్థిపై 2 వేలకు పైగా ఓట్లతో ఘన విజయం సాధించారు. అయితే ఇటీవల జరిగిన ఎన్నికల ప్రచారంలో రవీందర్ సింగ్ నేగి పాదాలను మోడీ మూడు సార్లు మొక్కారు. దీంతో సోషల్ మీడియాలో రవీందర్ సింగ్ నేగి ఎవరంటూ చర్చ జరిగింది.

ఇది కూడా చదవండి: Squid Game 3: స్క్విడ్ గేమ్ 3 స్ట్రీమింగ్ డేట్ ప్రకటన.. ఎప్పుడంటే?

ఇక ఢిల్లీ ఎన్నికల ప్రచారం దగ్గర పడింది. మరో మూడు రోజుల్లో ప్రచారం ముగియనుంది. ఫిబ్రవరి 5న పోలింగ్ జరగనుంది. ఎన్నికల ఫలితాలు మాత్రం ఫిబ్రవరి 8న విడుదల కానున్నాయి. ప్రధాన పార్టీలన్నీ జోరుగా ప్రచారం సాగిస్తున్నాయి.

 

यह बड़प्पन है हमारे पीएम नरेंद्र मोदी का नहीं चाहते कि कोई भी उनके पास छुए
*BJP candidate Ravindra Negi touches PM Modi's feet.* फिर PM Modi did it thrice. pic.twitter.com/KFtyHBqPHm

— Srivatsan (@kj_srivatsan) January 29, 2025