Delhi Elections 2025: త్వరలో జరగనున్న ఢిల్లీ అసెంబ్లీ ఎన్నికల షెడ్యూల్‌ను భారత ఎన్నికల సంఘం (ఈసీ) ఈరోజు (జనవరి 7) ప్రకటించనుంది. నేటి మధ్యాహ్నం 2 గంటలకు విజ్ఞాన్ భవన్‌లో ఎలక్షన్ కమిషన్ విలేకరుల సమావేశం నిర్వహించి.. ఎన్నికల తేదీల వివరాలను వెల్లడిస్తుంది. 70 మంది సభ్యుల అసెంబ్లీ పదవీకాలం ఫిబ్రవరి 23తో ముగుస్తుంది. దీంతో కొత్త అసెంబ్లీని ఏర్పాటు చేయడానికి కంటే ముందే ఎన్నికలు నిర్వహించాల్సి ఉంటుంది. ఢిల్లీ అసెంబ్లీ ఎన్నికలను ఒకే దశలో నిర్వహించే అవకాశం ఉంది.
Read Also: Champions Trophy 2025: భారత జట్టులోకి ముగ్గురు రీ ఎంట్రీ!
అయితే, ఢిల్లీ అసెంబ్లీ ఎన్నికల పోలింగ్ తేదీని ఫిబ్రవరి రెండవ వారంలో నిర్ణయించే అవకాశం ఉంది. కేంద్ర పాలిత ప్రాంతమైన ఢిల్లీలో మొత్తం 70 అసెంబ్లీ స్థానాలను కలిగి ఉంది. ఈ ఎన్నికలు ఒకే దశలో నిర్వహించబడుతుందని అంచనా. భారత ఎన్నికల సంఘం అధికారికంగా ఎలక్షన్ డేట్స్ ను అధికారికంగా ప్రకటించనుండటంతో.. దేశ రాజధానిలో తీవ్రమైన రాజకీయ ఉత్కంఠ కొనసాగుతుంది.