Devara: మళ్లీ నెగటివ్ ట్రెండ్… ఈసారి డైరెక్ట్ గా ఎన్టీఆర్ రంగంలోకి దిగాలేమో

యంగ్ టైగర్ ఎన్టీఆర్ ఫ్యాన్స్… సోషల్ మీడియాని కబ్జా చేసి దేవర సినిమా టీజర్ అప్డేట్ కావాలి అంటూ మేకర్స్ ని ట్యాగ్ చేసి బ్యాక్ టు బ్యాక్ ట్వీట్స్ వేస్తున్నారు. దీంతో #Devara #WeWantDevaraUpdate ట్యాగ్స్ ట్విట్టర్ లో ట్రెండ్ అవుతోంది. కొరటాల శివ, ఎన్టీఆర్ కాంబినేషన్ లో ఎన్టీఆర్ 30 అనే వర్కింగ్ టైటిల్ ని ఈ మూవీ అనౌన్స్ అయినప్పటి నుంచి ఇప్పటివరకూ ఎన్టీఆర్ ఫాన్స్ అప్డేట్ కావాలన్నప్పుడల్లా సోషల్ మీడియాలో హల్చల్ చేస్తున్నారు. ఈ మూవీ టీజర్ అప్డేట్ ఇవ్వండి అంటూ సోషల్ మీడియాలో ఫ్యాన్స్ చేస్తున్న రచ్చ మాములుగా లేదు. ఇటీవలే డెవిల్ ట్రైలర్ లాంచ్ ఈవెంట్ లో కళ్యాణ్ రామ్ మాట్లాడుతూ ఒక హ్యూజ్ అప్డేట్ తో త్వరలో బయటకి రాబోతున్నాం అని చెప్పాడు.

ఆ త్వరలో ఎప్పుడు అనేదే ఇప్పుడు నందమూరి అభిమానుల ప్రశ్న. డిసెంబర్ 25న వస్తారా? జనవరి 1న వస్తారా లేక న్యూ ఇయర్ కి వస్తారా? టీజర్ కి ఎప్పుడు రిలీజ్ చేస్తారు డేట్ చెప్పండి అంటూ ఫ్యాన్స్ ట్వీట్స్ చేస్తున్నారు. ఇలానే గతంలో ఒకసారి ఫ్యాన్స్ సోషల్ మీడియాలో హంగామా చేస్తే స్వయంగా ఎన్టీఆర్… అమిగోస్ స్టేజ్ పైన “ఊరికే అప్డేట్ అప్డేట్ అని అడగకండి. అప్డేట్ నిజంగానే ఉంటే మా ఇంట్లో వాళ్ల కన్నా ముందు మీకే చెప్తాము, అప్పటివరకు వెయిట్ చెయ్యండి” అని చెప్పాడు. అప్పటినుంచి ఇప్పటివరకు సైలెంట్ గా ఉన్న ఫ్యాన్స్ ఇప్పుడు మళ్లీ అప్డేట్ కావాలి అంటున్నారు. మరి అభిమానులకి ఎన్టీఆర్ నుంచి మెసేజ్ వస్తుందా లేక మేకర్స్ నుంచి అప్డేట్ వస్తుందా కొరటాల బయటకి వచ్చి అప్డేట్ రివీల్ చేస్తాడా అనేది చూడాలి.