Annapurna: అలనాటి నటి అన్నపూర్ణ గురించి ఇప్పటితరానికి తెలియకపోవచ్చు కానీ, అప్పటితరానికి ఆమె అంటే ఎవరో చెప్పనవసరం లేదు. నిర్మలమ్మ తరువాత అన్ని క్యారెక్టర్స్ చేసి ఎంతో మంచి పేరు తెచ్చుకుంది. ఇక 60 ఏళ్లు దాటినా కూడా ఇప్పటికీ బామ్మ పాత్రలు చేస్తూ ప్రేక్షకులను మెప్పిస్తుంది. ఇక సినిమాలే కాకుండా జబర్దస్త్, శ్రీదేవి డ్రామా కంపెనీ లాంటి కామెడీ షోస్ లో కూడా అన్నపూర్ణ పాల్గొని నవ్విస్తోంది. ఆ నవ్వుల వెనుక విషాదం ఉందని మొదటిసారి తెలిసింది. తాజాగా అన్నపూర్ణ.. సుమ షోలో తన జీవితంలో జరిగిన విషాదాన్న చెప్పుకొని స్టేజిపైనే కన్నీరు పెట్టుకుంది. ఎదిగిన కూతురు.. తోడుగా ఉంటుంది అనుకున్న కూతురు.. ఉరి వేసుకొని ఆత్మహత్య చేసుకొని మృతి చెందడం .. తట్టుకోలేని బాధను మిగిల్చిందని ఆమె ఏడుస్తుంటే.. ప్రతి ఒక్కరు కంటతడి పెట్టుకున్నారు. అన్నపూర్ణ కెరీర్ పీక్స్ లో ఉన్నప్పుడే వివాహం చేసుకుంది. కానీ, ఆమెకు పిల్లలు లేరు. ఒక పాపను పెంచుకున్నామని ఆమె చెప్పుకొచ్చారు.
Rakshit Shetty: ఆమెను ఎంతో ప్రేమించా.. కానీ, వాడు ఆ పని చేసి..
” నాకు పిల్లలు లేరు. అందుకే బాగా ఆలోచించి. కీర్తిని దత్తత తీసుకున్నాం. తనను ఎంతో అల్లారుముద్దుగా పెంచాను. చదివించాను. పెళ్లి చేసాను. వారికి ఒక పాప పుట్టింది. ఆ పాపకు ఐదేళ్లు వచ్చినా కూడా మాటలు రాలేదు. డాక్టర్స్ దగ్గరకు తీసుకెళ్లారు.. థెరపీ చేయించారు. కానీ లాభం లేకుండా పోయింది. అలా పాప విషయమై బెంగ పెట్టుకున్నకీర్తి.. ఆ బెంగతోనే ఉరివేసుకొని ఆత్మహత్య చేసుకుంది. ఆరోజు నాకు ఇంకా గుర్తుంది. నేను బజ్జీలు పట్టుకొచ్చి పిలిచాను. రెండు తిని ఇక చాలు మమ్మీ అని చెప్పింది. వాళ్ల అత్తగారు ఊరెళ్తున్నారని అంటే ఇక్కడే పడుకో అమ్మా అని అన్నాను. లేదు లేదు మా ఆయన ఉంటాడు కదా నేను అక్కడే పడుకుంటాను అని చెప్పి వెళ్లిపోయింది. తాను ఉరివేసుకుంటుందనే ఆలోచనే నాకు రాలేదు” అని కంటతడి పెట్టింది. ప్రస్తుతం ఈ వీడియో నెట్టింట వైరల్ గా మారింది. ఇక ఈ షో చూసిన అభిమానులు అన్నపూర్ణమ్మ స్ట్రాంగ్ గా ఉండండి అని కామెంట్స్ పెడుతున్నారు.
