9,020 mAh బ్యాటరీ, స్నాప్డ్రాగన్ 8 ఎలైట్ ప్రాసెసర్, 2.3K 165Hz OLED డిస్ప్లేతో గేమింగ్ ట్యాబ్లెట్ iQOO Pad Pro లాంచ్..!
- ప్రాసెసర్: స్నాప్డ్రాగన్ 8 ఎలైట్ + Q3 గేమింగ్ చిప్
- డిస్ప్లే: 8.8 అంగుళాల 2.3K OLED, 165Hz రిఫ్రెష్ రేట్
- బ్యాటరీ: 9,020 mAh, 66W ఫాస్ట్ ఛార్జింగ్
- కెమెరాలు: 13 MP రియర్, 8 MP ఫ్రంట్..
- Follow Us :
-
-
Add as a preferred
source on google
iQOO Pad Pro Launched: ఐక్యూ (iQOO) నుండి సరికొత్త కాంపాక్ట్ గేమింగ్ ట్యాబ్లెట్ iQOO Pad Proను అధికారికంగా మార్కెట్లోకి విడుదల చేసింది. భారీ స్క్రీన్తో వచ్చిన iQOO Pad Ultra తర్వాత, గేమింగ్ ప్రియులను దృష్టిలో ఉంచుకుని పోర్టబుల్ సైజులో అత్యంత శక్తివంతమైన హార్డ్వేర్, అత్యాధునిక ఫీచర్లతో ఈ కాంపాక్ట్ డివైజ్ను రంగంలోకి దించింది. ప్రస్తుతం ఈ ట్యాబ్లెట్ చైనా మార్కెట్లో కొనుగోలుకు అందుబాటులోకి వచ్చింది.
డ్యూయల్-చిప్ పనితీరు
ఈ ట్యాబ్లెట్ డ్యూయల్ చిప్ ప్లాట్ఫామ్పై పనిచేస్తుంది. ఇందులో ప్రధానంగా క్వాల్కామ్ స్నాప్డ్రాగన్ 8 ఎలైట్ ఆక్టా-కోర్ 3nm ప్రాసెసర్తో పాటు.. కంపెనీకి చెందిన ప్రత్యేక Q3 గేమింగ్ చిప్ను జోడించారు. సిస్టమ్ పనితీరును సమతుల్యం చేయడానికి ‘మాన్స్టర్ సూపర్-కోర్ ఇంజిన్’ ఉపయోగపడగా.. Q3 చిప్, QNSS సూపర్ రెండరింగ్ ఇంజిన్ కలిసి 2K సూపర్ రిజల్యూషన్, ఫుల్-సీన్ రే ట్రేసింగ్, లాస్లెస్ ఫ్రేమ్ ఇంటర్పోలేషన్ వంటి గ్రాఫిక్స్ అనుభవాన్ని అందిస్తాయి. గేమింగ్ నియంత్రణను సులభతరం చేసేందుకు డార్క్ ఏరియా ఎన్హాన్స్మెంట్ ఫిల్టర్, మల్టీ-ఫింగర్ జిట్టర్ సప్రెషన్, 500Hz గైరోస్కోప్ శాంప్లింగ్ రేట్ వంటి ప్రత్యేక సదుపాయాలు ఉన్నాయి.
Also Read
- Redmi R80 5G, R80m 5G: 6,000mAh బ్యాటరీతో Redmi R80 5G, R80m 5G ఫోన్లు.. 6.9 ఇంచెస్ డిస్ప్లే, 33W ఛార్జింగ్!
- Huawei OSTA O1 Pro: ప్రపంచంలోనే తొలి Wide Screen ఫోన్ లాంచ్.. 7,000mAh బ్యాటరీ, 200MP కెమెరాతో Huawei OSTA O1 Pro!
- World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
- World Hello Day 2026 : ఒక్క 'హలో'తో ఇన్ని లాభాలా?.. నవంబర్ 21 ప్రత్యేకత ఇదే.!
ఐస్ డోమ్ కూలింగ్ ఆర్కిటెక్చర్
ఎక్కువ సమయం గేమింగ్ ఆడేటప్పుడు డివైజ్ వేడెక్కకుండా ఉండేందుకు ఇందులో ప్రత్యేకమైన ‘ఐస్ డోమ్ క్వాడ్-లేయర్’ కూలింగ్ వ్యవస్థను అమర్చారు. ఇందులో అమర్చిన 30 × 30 × 3.5 మి.మీ యాక్టివ్ కూలింగ్ ఫ్యాన్ దాదాపు 0.94 CFM గాలి ప్రవాహాన్ని అందిస్తూ వేడిని త్వరగా బయటకు పంపుతుంది. దీనికి తోడు డ్యూయల్ వేపర్ ఛాంబర్ (VC) కూలింగ్ ప్లేట్లు, గ్రాఫైట్ షీట్లతో కలిపి మొత్తం 23,000 చదరపు మిల్లీమీటర్లకు పైగా విస్తీర్ణంలో వేడి తగ్గేలా పాసివ్ కూలింగ్ సదుపాయం కల్పించారు. దీనివల్ల భారీ గ్రాఫిక్స్ ఉన్న గేమ్లలో కూడా నిరంతరాయంగా సగటున 60.2 fps ఫ్రేమ్ రేట్ స్థిరంగా అందుతుంది.
2.3K 165Hz OLED డిస్ప్లే
ఈ ట్యాబ్లెట్లో 8.8 అంగుళాల 2.3K (2304 × 1440 పిక్సెల్స్) OLED డిస్ప్లేను అందించారు. ఇది 93.3% స్క్రీన్-టు-బాడీ రేషియో మరియు కేవలం 2.65 మి.మీ సన్నని అంచులతో ప్రీమియం లుక్ను ఇస్తుంది. ఈ స్క్రీన్ 165Hz గేమింగ్ రిఫ్రెష్ రేట్, 5000Hz ఇన్స్టంట్ టచ్ శాంప్లింగ్ రేట్, 4,500 నిట్స్ గరిష్ట పీక్ బ్రైట్నెస్ను సపోర్ట్ చేస్తుంది. అంతేకాకుండా 100% DCI-P3 కలర్ గ్యామట్, HDR10+, TÜV రైన్ల్యాండ్ ఐ-కేర్ సర్టిఫికేషన్ మరియు గేమ్ ఐ ప్రొటెక్షన్ 3.0 ఫీచర్లతో ఎక్కువ సమయం స్క్రీన్ చూసినా కళ్లకు శ్రమ కలగకుండా చూస్తుంది.
భారీ బ్యాటరీ
iQOO Pad Proలో ఫోర్త్-జెన్ సిలికాన్-కార్బన్, సెమీ-సాలిడ్-స్టేట్ టెక్నాలజీతో రూపొందించిన 9,020 mAh భారీ ‘బ్లూ ఓషన్’ బ్యాటరీని చేర్చారు. ఇది 66W ఫాస్ట్ ఛార్జింగ్కు సపోర్ట్ చేస్తుంది. గేమ్ ఆడుతున్నప్పుడు బ్యాటరీ వేడెక్కకుండా నేరుగా మదర్బోర్డుకు పవర్ అందించే ‘డైరెక్ట్ డ్రైవ్ పవర్ సప్లై 2.0’ (బైపాస్ ఛార్జింగ్) ఫీచర్ దీని ప్రత్యేకత. ఈ బ్యాటరీ ద్వారా 10.75 గంటల నిరంతర గేమింగ్, 21 గంటల లైవ్ స్ట్రీమింగ్ లేదా 27 గంటల ఆఫ్లైన్ వీడియో ప్లేబ్యాక్ లభిస్తుందని కంపెనీ స్పష్టం చేసింది. 1,200 ఛార్జ్ సైకిల్స్ తర్వాత కూడా ఈ బ్యాటరీ 80 శాతానికి పైగా సామర్థ్యాన్ని నిలుపుకుంటుంది.
కెమెరాలు, డిజైన్
ఈ ట్యాబ్లెట్ సరికొత్త ఆండ్రాయిడ్ 17 ఆధారిత OriginOS 7 HD ఆపరేటింగ్ సిస్టమ్తో పనిచేస్తుంది. ఫోటోలు, డాక్యుమెంట్ స్కానింగ్ కోసం వెనుక వైపు 13 MP కెమెరా, వీడియో కాల్స్ కోసం ముందు వైపు 8 MP కెమెరా ఉన్నాయి. ఆడియో కోసం డ్యూయల్ స్పీకర్లు, భద్రత కోసం పవర్ బటన్తో కూడిన ఫింగర్ప్రింట్ సెన్సార్ను అందించారు. కేవలం 5.74 మి.మీ మందం, 298 గ్రాముల తేలికపాటి బరువుతో ఇది చాలా స్లిమ్గా ఉంటుంది. కనెక్టివిటీ పరంగా Wi-Fi 7, బ్లూటూత్ 5.4, వేగవంతమైన డేటా బదిలీ కోసం USB Type-C 3.2 Gen 2 పోర్ట్ను కలిగి ఉంది.
ధర
చైనా మార్కెట్లో విడుదలైన ఈ ట్యాబ్లెట్ వివిధ స్టోరేజ్ వేరియంట్లలో అందుబాటులో ఉంది. వీటిలో బేస్ వేరియంట్ 8GB + 256GB ధర 4,299 యువాన్లు (భారత కరెన్సీలో సుమారు రూ. 61,390) కాగా, 12GB + 256GB మోడల్ ధర 4,699 యువాన్లు (సుమారు రూ. 67,100) గా నిర్ణయించారు. అలాగే 16GB + 256GB వేరియంట్ ధర 5,099 యువాన్లు (సుమారు రూ. 72,810), 12GB + 512GB మోడల్ ధర 5,399 యువాన్లు (సుమారు రూ. 77,095), టాప్-ఎండ్ వేరియంట్ అయిన 16GB + 512GB ధర 5,799 యువాన్లు (సుమారు రూ. 82,810) గా ఉంది.
తాజావార్తలు
-
Story Board : రాయితీలు తీసుకుంటూ ఉద్యోగాలు ఎందుకు ఇవ్వరు?
-
Koti Deepotsavam 2026 : కోటి దీపోత్సవంలో అద్భుత ఘట్టం.. వైభవంగా తులసీ దామోదర కల్యాణం.!
-
Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..
-
Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!
-
OTR: రాజాం మున్సిపాలిటీలో జనసేనకు సొంత పార్టీ సెగ.. టీడీపీ నేతల అలక
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!