WPL Auction 2027: చాలా తక్కువ ధరకే స్టార్ ప్లేయర్లు.. ముంబై ఇండియన్స్ భలే లక్కీ.. ఫుల్ స్క్వాడ్ ఇదే!
- Follow Us :
-
-
Add as a preferred
source on google
Mumbai Indians WPL 2027 Full Squad: మహిళల ప్రీమియర్ లీగ్ (డబ్ల్యూపీఎల్) 2027 సీజన్ కోసం ముంబై ఇండియన్స్ తమ స్క్వాడ్ను బలోపేతం చేసుకుంది. కొచ్చిలో బుధవారం జరిగిన వేలంలో పలువురు భారత యువ ఆటగాళ్లను ముంబై సొంతం చేసుకుంది. బ్యాటర్ దిశా కసత్, వికెట్కీపర్ బ్యాటర్ లతికా ఇనామ్దార్, స్పిన్నర్ భారతి రావల్లను ఒక్కొక్కరిని రూ.10 లక్షల బేస్ ప్రైస్కు కొనుగోలు చేసింది. వీరితో పాటు సానికా చాల్కే, శ్వేతా సెహ్రావత్, ఆల్రౌండర్ అక్షితా భగత్లను కూడా జట్టులోకి తీసుకుంది. ఇప్పటికే సీనియర్ విదేశీ ఆటగాళ్లు, భారత స్టార్ క్రికెటర్లతో బలంగా ఉన్న ముంబై.. కొత్త ఆటగాళ్ల చేరికతో మరింత పటిష్టంగా మారింది.
రూ.10 లక్షలకే దిశా కసత్, లతికా ఇనామ్దార్:
విదర్భ తరఫున దేశవాళీ క్రికెట్లో రాణిస్తున్న దిశా కసత్ గతంలో రాయల్ ఛాలెంజర్స్ బెంగళూరు (ఆర్సీబీ) తరఫున ప్రాతినిధ్యం వహించింది. ఇటీవల సీనియర్ మహిళల టీ20 ట్రోఫీలో పంజాబ్తో జరిగిన మ్యాచ్లో ఆమె కీలక ఇన్నింగ్స్ ఆడింది. ఓపెనర్గా బరిలోకి దిగి 52 బంతుల్లో అజేయంగా 66 పరుగులు సాధించింది. ఆమె బ్యాటింగ్తో పాటు ఫీల్డింగ్లోనూ ఆకట్టుకుంది. మరోవైపు వికెట్కీపర్ బ్యాటర్ లతికా ఇనామ్దార్ కూడా అదే మ్యాచ్లో ధాటిగా పరుగులు చేసింది. విదర్భ ఛేదనలో కీలక సమయంలో క్రీజులోకి వచ్చిన ఆమె ఎనిమిది బంతుల్లోనే 17 పరుగులు చేసింది. ఇద్దరినీ రూ.10 లక్షల చొప్పున ముంబై కొనుగోలు చేసింది. కమలిని జట్టులో లేకపోవడంతో దిశా లేదా లతికాకు వచ్చే సీజన్లో ఆడే అవకాశం లభించవచ్చు.
Also Read
- Jasprit Bumrah Record: టెస్టుల్లో మరో అరుదైన ఘనత.. టాప్-10లోకి జస్ప్రీత్ బుమ్రా!
- NZ vs IND 1st Test: నికోల్స్ సెంచరీ, ఫిలిప్స్ విధ్వంసం.. 70కే 5 వికెట్స్ కోల్పోయినా కివీస్దే పైచేయి!
- World Cup Final 2023: నవంబర్ 19.. భారత క్రికెట్ అభిమానులు ఎప్పటికీ మర్చిపోలేని చేదు జ్ఞాపకం..
- MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
శ్వేతా సెహ్రావత్కు రూ.20 లక్షలు:
ఢిల్లీకి చెందిన బ్యాటర్ శ్వేతా సెహ్రావత్ను ముంబై ఇండియన్స్ రూ.20 లక్షలకు కొనుగోలు చేసింది. ఆమె 2023 అండర్-19 ప్రపంచకప్ విజేత భారత జట్టులో సభ్యురాలు. వేలంలో ఢిల్లీ క్యాపిటల్స్తో పోటీ తర్వాత ముంబై ఆమెను దక్కించుకుంది. శ్వేతా చేరికతో బ్యాటింగ్ విభాగంమరింత పటిష్టం కానుంది. దిశా కసత్, లతికా ఇనామ్దార్లతో పాటు శ్వేతా సెహ్రావత్ వంటి యువ బ్యాటర్ల రాకతో ముంబై జట్టు బలంగా మారింది. మరోవైపు ఢిల్లీకి చెందిన ఎడమచేతి వాటం స్పిన్నర్ భారతి రావల్ను కూడా రూ.10 లక్షలకు సొంతం చేసుకుంది.
యువ ఆల్రౌండర్ అక్షితా భగత్కు చోటు:
ముంబై ఇండియన్స్ వేలంలో యువ ఆల్రౌండర్ అక్షితా భగత్ను రూ.10 లక్షలకు తీసుకుంది. 19 ఏళ్ల అక్షితా డబ్ల్యూపీఎల్ స్పీడ్ క్వీన్ అండర్-23 పోటీలో విజేతగా నిలిచింది. ఇటీవల భారత జట్టు తరఫున కూడా ఆడింది. యువ ప్రతిభను ప్రోత్సహించడంతో పాటు భవిష్యత్తుకు ఉపయోగపడే ఆటగాళ్లను సిద్ధం చేసుకోవడంపై ముంబై దృష్టి సారించింది. వేలంలో ముంబై ప్రధానంగా భారత యువ ఆటగాళ్లకు అవకాశం కల్పించడంపై దృష్టి పెట్టింది. బ్యాటింగ్, వికెట్కీపింగ్, స్పిన్ బౌలింగ్, ఆల్రౌండ్ విభాగాల్లో ప్రత్యామ్నాయాలను పెంచుకునేలా ఆటగాళ్లను ఎంపిక చేసింది. సీనియర్ అంతర్జాతీయ క్రికెటర్లకు తోడు కొత్త ఆటగాళ్లన తీసుకోవడంతో జట్టు సమతూకంగా మారింది.
ముంబై ఇండియన్స్ పూర్తి స్క్వాడ్:
వేలంలో కొనుగోలు చేసిన ఆటగాళ్లు:
దిశా కసత్ — రూ.10 లక్షలు
లతికా ఇనామ్దార్ — రూ.10 లక్షలు
భారతి రావల్ — రూ.10 లక్షలు
సానికా చాల్కే — రూ.10 లక్షలు
శ్వేతా సెహ్రావత్ — రూ.20 లక్షలు
అక్షితా భగత్ — రూ.10 లక్షలు
మిగతా జట్టు సభ్యులు:
హర్మన్ప్రీత్ కౌర్
అమన్జోత్ కౌర్
అమేలియా కెర్
హేలీ మాథ్యూస్
నాట్ సీవర్-బ్రంట్
నికోలా క్యారీ
రహీలా ఫిర్దౌస్
సజీవన్ సజనా
సంస్కృతి గుప్తా
షబ్నిమ్ ఇస్మాయిల్
వైష్ణవి శర్మ
తాజావార్తలు
-
B2B UPI Payment Charges: వ్యాపార లావాదేవీలపై రూ.5 ఛార్జీ?.. NPCI కొత్త ప్రతిపాదన ఇదే!
-
Jasprit Bumrah Record: టెస్టుల్లో మరో అరుదైన ఘనత.. టాప్-10లోకి జస్ప్రీత్ బుమ్రా!
-
Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
-
WhatsApp New Update: వాట్సాప్ యూజర్లకు శుభవార్త.. కొత్త ఫీచర్ వివరాలివే!
-
Hyderabad: అండాల దందా.. ఓయాసిస్ ఫెర్టిలిటీ సెంటర్ల రిమాండ్ రిపోర్టులో విస్తుపోయే నిజాలు..
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!