6,100mAh బ్యాటరీ, కిరిన్ 8000S చిప్‌సెట్, AI సెక్యూరిటీ ఫీచర్లతో Huawei Enjoy 100 స్మార్ట్‌ఫోన్ లాంచ్..!
- డిస్‌ప్లే: 6.56 అంగుళాల ఎల్‌సీడీ, 1612 × 720 పిక్సెల్స్
- ప్రత్యేక ఫీచర్: ఎల్‌సీడీ స్క్రీన్‌లో ఆల్వేస్-ఆన్ డిస్‌ప్లే
- ప్రాసెసర్: కిరిన్ 8000S చిప్‌సెట్
- కెమెరాలు: 13 MP ప్రైమరీ, 8 MP ఫ్రంట్ కెమెరా
- బ్యాటరీ: 6,100 mAh, 40W టర్బో ఫాస్ట్ ఛార్జింగ్..
- Follow Us :
-
-
Add as a preferred
source on google
Huawei Enjoy 100 Launched: చైనీస్ టెక్ దిగ్గజం హువావే (Huawei) నుండి సరికొత్త ‘ఎంజాయ్ 100’ సిరీస్‌లో అత్యంత సరసమైన బడ్జెట్ మోడల్ Huawei Enjoy 100 స్మార్ట్‌ఫోన్‌ను అధికారికంగా విడుదల చేసింది. ఎంజాయ్ 100 ప్రో, ఎంజాయ్ 100 ప్రో మ్యాక్స్ ఫోన్‌లతో పాటే ఈ బేస్ మోడల్‌ను కూడా కంపెనీ లాంచ్ చేసింది. తక్కువ ధరలో భారీ బ్యాటరీ, అత్యాధునిక సాఫ్ట్‌వేర్ ఫీచర్లు కోరుకునే యూజర్లను లక్ష్యంగా చేసుకుని ఈ మొబైల్ ను రూపొందించారు.
డిస్‌ప్లే & ఆల్వేస్-ఆన్ డిస్‌ప్లే
హువావే ఎంజాయ్ 100 స్మార్ట్‌ఫోన్‌లో 6.56 అంగుళాల LCD స్క్రీన్‌ను అందించారు. ఇది 1612 x 720 పిక్సెల్స్ రిజల్యూషన్, 1,150 నిట్స్ పీక్ బ్రైట్‌నెస్‌ను సపోర్ట్ చేస్తుంది. సాధారణంగా OLED స్క్రీన్లలో కనిపించే ఆల్వేస్-ఆన్ డిస్‌ప్లే (AOD) ఫీచర్‌ను ఈ LCD ప్యానెల్‌లో కూడా అందించడం విశేషం. దీని ద్వారా స్క్రీన్‌ను పూర్తిగా ఆన్ చేయకుండానే సమయం, ముఖ్యమైన నోటిఫికేషన్‌లను సులభంగా చూసుకోవచ్చు.
ప్రాసెసర్
ఈ స్మార్ట్‌ఫోన్ అంతర్గతంగా కిరిన్ 8000S (Kirin 8000S) చిప్‌సెట్‌తో పాటు సరికొత్త HarmonyOS 7 ఆపరేటింగ్ సిస్టమ్‌పై పనిచేస్తుంది. సిస్టమ్ వనరులను సమర్థవంతంగా వినియోగించుకోవడానికి హువావే సొంత ‘ఆర్క్ ఇంజిన్’ (Ark Engine) సపోర్ట్‌ను ఇందులో చేర్చారు. దీనివల్ల సాధారణ మల్టీటాస్కింగ్‌తో పాటు భారీ డెస్క్‌టాప్ స్థాయి కార్యకలాపాలను కూడా ఈ ఫోన్ సులభంగా నిర్వహించగలదని హువావే పేర్కొంది.
అధునాతన సెక్యూరిటీ టూల్స్
యూజర్ల భద్రత కోసం ఈ ఫోన్‌లో ప్రత్యేకమైన AI సాఫ్ట్‌వేర్ టూల్స్‌ను పొందుపరిచారు. కాల్స్ మాట్లాడుతున్నప్పుడు ఏఐ ద్వారా రూపొందించిన నకిలీ గొంతులను (Fake Voices) గుర్తించి యూజర్‌ను హెచ్చరించే ఫీచర్ ఇందులో ప్రధాన ఆకర్షణ. అలాగే బ్రౌజింగ్ చేసే సమయంలో అనుమానాస్పద వెబ్‌సైట్లు, స్కామర్ల కార్యకలాపాలను విశ్లేషించి హెచ్చరికలు జారీ చేస్తుంది. సైబర్ మోసాలు, అనుమానాస్పద కాల్స్, లింకుల బారిన పడకుండా ఇవి ఎంతగానో ఉపయోగపడతాయి.
కెమెరాలు, బ్యాటరీ
ఫోటోగ్రఫీ కోసం వెనుక వైపు f/1.8 ఎపర్చర్‌తో 13 MP ప్రైమరీ కెమెరా.. సెల్ఫీలు, వీడియో కాల్స్ కోసం ముందు వైపు 8 MP కెమెరా ఉన్నాయి. ఈ డివైజ్‌లో 6,100mAh భారీ బ్యాటరీ ఉండగా.. ఇది 40W టర్బో ఫాస్ట్ ఛార్జింగ్‌కు సపోర్ట్ చేస్తుంది. ఫోన్ బరువు సుమారు 204 గ్రాములుగా ఉంది. కనెక్టివిటీ పరంగా Wi-Fi 7, 5A నెట్‌వర్క్ సపోర్ట్, హువావే సొంత ‘స్టార్ ఫ్లాష్’ (Star Flash) టెక్నాలజీలను కలిగి ఉంది.
ధర
హువావే ఎంజాయ్ 100 స్మార్ట్‌ఫోన్ గ్లేసియర్ వైట్ (Glacier White), సన్‌సెట్ ఆరెంజ్ (Sunset Orange), మిడ్‌నైట్ బ్లాక్ (Midnight Black) రంగుల్లో లభిస్తుంది. అక్టోబర్ 31 నుండి చైనాలో దీని అమ్మకాలు ప్రారంభం కానున్నాయి. 128GB వేరియంట్ ధర 1,399 యువాన్లు (సుమారు $207 / భారత కరెన్సీలో దాదాపు రూ. 17,200) కాగా.. 256GB వేరియంట్ ధర 1,699 యువాన్లు (సుమారు $252 / భారత కరెన్సీలో దాదాపు రూ. 20,900) గా నిర్ణయించారు.