Prabhutva Junior Kalasala Teaser Launched By Trivikram: యదార్థ సంఘటనలు ఆధారంగా సినిమాలు తెరకెక్కించడానికి ఆసక్తి చూపుతున్నారు ఈ తరం దర్శకనిర్మాతలు. ఈ క్రమంలోనే ఓ యదార్థ సంఘటనను ఆధారంగా చేసుకుని ఎంతో ఆసక్తికరంగా ఒక సినిమా తెరకెక్కించారు డైరెక్టర్ శ్రీనాథ్ పులకురం. ఆ సినిమాకి ‘ప్రభుత్వ జూనియర్ కళాశాల పుంగనూరు-500143′ టైటిల్ ఫిక్స్ చేసి రిలీజ్ కి రెడీ చేస్తున్నారు. ప్రమోషన్స్పై ఫోకస్ పెట్టిన మేకర్స్ ఇక ప్రమోషన్స్ లో భాగంగా దసరా శుభాకంక్షలతో ప్రభుత్వ జూనియర్ కళాశాల మూవీ టీజర్ ని రిలీజ్ చేయించారు. దర్శకుడు త్రివిక్రమ్ శ్రీనివాస్ చేతుల మీదగా రిలీజ్ అయిన ఈ టీజర్ ఆద్యంతం ఆకట్టుకునేలా ఉందని అంటున్నారు.
Aadikeshava: విజ్జి పాప గ్లామర్ డ్యాన్స్.. ఇరగదీసింది అంతే
ఇంటర్మీడియట్ టీనేజ్ లవ్ స్టోరీగా ప్రేక్షకుల ముందుకు రాబోతున్న ఈ ‘ప్రభుత్వ జూనియర్ కళాశాల’ సినిమాలో ప్రణవ్ సింగంపల్లి, షాజ్ఞ శ్రీ వేణున్, రామ్ పటాస్, తేజ గౌడ్, బాంబే పద్మ, శ్రీమునిచంద్ర, మండపేట మల్లిక జాగుల ముఖ్యపాత్రల్లో నటించినట్టు తెలుస్తోంది. ఇక ఈ టీజర్ గురించి త్రివిక్రమ్ మాట్లాడుతూ టీనేజ్ లవ్ స్టోరీ లో ఉండాల్సిన ఇన్నోసెన్సీ ఇందులే కన్పిస్తుందని, కచ్చితంగా యువతకి నచ్చుతుందని అన్నారు. ఈ సినిమా ఆడియో హక్కులను ఫాన్సీ రేటుకు టీ సిరీస్ తెలుగు సంస్థ దక్కించుకోగా బ్లాక్ ఆంట్ పిక్చర్స్ అన్ని హంగులు జోడించి రూపొందించిన ఈ సినిమాకు శ్రీమతి కొవ్వూరి అరుణ సమర్పణలో భువన్ రెడ్డి కొవ్వూరి నిర్మాతగా వ్యవహరించారు. కార్తీక్ రోడ్రీగుజ్ స్వరాలను అందించగా కమ్రాన్ బ్యాక్ గ్రౌండ్ స్కోర్ ను అందించారు. శ్రీ సాయి కిరణ్ లిరిక్స్ అందించగా నిఖిల్ సురేంద్రన్ సినిమాటోగ్రఫీ బాధ్యతలు చేపట్టారు.
