Jr NTR: ఫ్యాన్స్‌కు గుడ్ న్యూస్.. గాయం తర్వాత ఫస్ట్ టైం రాజమౌళి కొడుకు కోసం పబ్లిక్‌లోకి ఎన్టీఆర్!

Jr NTR: గత కొన్ని రోజులుగా గాయం కారణంగా విశ్రాంతి తీసుకుంటూ కెమెరాలకు, షూటింగ్‌కి దూరంగా ఉంటున్న యంగ్ టైగర్ జూనియర్ ఎన్టీఆర్ ఎట్టకేలకు అభిమానుల ముందుకు రాబోతున్నారు. గాయం నుంచి కోలుకున్న తర్వాత ఆయన హాజరవుతున్న ఫస్ట్ పబ్లిక్ ఈవెంట్ ఇదే కావడం విశేషం. దర్శకధీరుడు ఎస్.ఎస్.రాజమౌళి కుటుంబంతో తారక్‌కు ఉన్న స్పెషల్ బాండింగ్ అందరికీ తెలిసిందే. ఈ అనుబంధం, స్నేహం కోసమే తారక్ తాజా కీలక నిర్ణయం తీసుకున్నట్లు తెలుస్తోంది. రాజమౌళి తనయుడు ఎస్.ఎస్. కార్తికేయ నిర్మాతగా మారి ఆర్కా మీడియా వర్క్స్ భాగస్వామ్యంతో నిర్మిస్తున్న ప్రతిష్టాత్మక చిత్రం “డోంట్ ట్రబుల్ ది ట్రబుల్” . విలక్షణ నటుడు ఫహద్ ఫాజిల్ హీరోగా నటిస్తున్న ఈ సినిమా ప్రీ-రిలీజ్ ఈవెంట్‌కి ముఖ్య అతిథిగా వచ్చేందుకు ఎన్టీఆర్ గ్రీన్ సిగ్నల్ ఇచ్చారు. ఇటీవల చేతికి గాయం కావడంతో కొన్ని వారాల పాటు పూర్తిగా ఇంటికే పరిమితమైన ఎన్టీఆర్, కార్తికేయ నిర్మిస్తున్న సినిమా ప్రమోషన్లకు తన వంతు సహకారం అందించేందుకు రెడీ అయ్యారు.

ఈ భారీ ప్రీ-రిలీజ్ ఈవెంట్‌ను సెప్టెంబర్ 29న హైదరాబాద్‌లోని జేఆర్సీ కన్వెన్షన్ సెంటర్‌లో అత్యంత ఘనంగా నిర్వహించేందుకు మేకర్స్ ఏర్పాట్లు చేస్తున్నారు. గాయం తర్వాత తారక్ మొదటిసారి వేదికపైకి వచ్చి మైక్ పట్టుకోనుండటంతో టైగర్ ఫ్యాన్స్‌లో జోష్ కనిపిస్తుంది. ఈ వేదికపై ఎన్టీఆర్ ఇచ్చే స్పీచ్, ఆయన ఎనర్జీ ఎలా ఉండబోతోందన్న ఆసక్తి సర్వత్రా నెలకొంది. శశాంక్ యేలేటి దర్శకత్వంలో తెరకెక్కుతున్న ఈ చిత్రానికి దర్శకధీరుడు రాజమౌళి సమర్పకుడిగా వ్యవహరిస్తుండటంతో జాతీయ స్థాయిలో దృష్టిని ఆకర్షిస్తోంది. డబ్బు, వ్యక్తిగత సమస్యలతో సతమతమయ్యే ఒక సాధారణ వ్యక్తి జీవితంలోకి ఓ చిన్న పాప ప్రవేశించిన తర్వాత ఎలాంటి అద్భుతం జరిగింది? అనే ఎమోషనల్ అండ్ ఫాంటసీ స్టోరీతో ఈ సినిమా రాబోతున్నట్లు తెలుస్తుంది. విలక్షణ నటనతో దేశవ్యాప్తంగా ప్రత్యేక గుర్తింపు తెచ్చుకున్న ఫహద్ ఫాజిల్ ఈ మూవీలో ప్రధాన పాత్రలో నటిస్తుండటం, దానికి తోడు ఎన్టీఆర్ చీఫ్ గెస్ట్‌గా హాజరవుతుండటంతో ‘డోంట్ ట్రబుల్ ది ట్రబుల్’ ప్రాజెక్ట్‌పై హైప్ ఒక్కసారిగా తారాస్థాయికి చేరింది.

Annaaaaaaaa….❤️❤️❤️

Here comes my APOCALYPTIC MASS HURRICANE moment 🤗🤗🤗@tarak9999 anna is coming to meet us all after a long time… ❤️
Let’s have some amazing evening together on Sep 29th 🙂#DontTroubleTheTrouble #DTTTMovie #DTTTonOct2nd pic.twitter.com/8Qplghr0x7

— S S Karthikeya (@ssk1122) September 26, 2026