Mega 157: మొన్న అనుష్క.. ఇప్పుడు ఐశ్వర్య.. చిరుకు సెట్ అయ్యేనా.. ?

Mega 157: మెగాస్టార్ చిరంజీవి ప్రస్తుతం వరుస సినిమాలతో బిజీగా ఉన్న విషయం తెల్సిందే. కళ్యాణ్ కృష్ణతో మెగా 156 ఇంకా మొదలుకాలేదు .. కానీ, వశిష్ఠతో మెగా 157 మాత్రం పరుగులు పెడుతుంది. యూవీ క్రియేషన్స్ ఈ సినిమాను నిర్మిస్తుంది. ఇప్పటికే ప్రీ ప్రొడక్షన్ పనులను శరవేగంగా పూర్తిచేసి.. సెట్స్ మీదకు వెళ్ళడానికి సిద్దమయ్యింది. మూడు లోకాలకు.. పంచభూతాలకు సంబంధించిన కథతో ఈ సినిమాను వశిష్ఠ తెరకెక్కించనున్నాడట. మొదటి సినిమానే బింబిసార లాంటి పీరియాడిక్ డ్రామాతో ప్రేక్షకులను అలరించిన వశిష్ఠ.. ఈసారి అంతకుమించి చిరును చూపించనున్నాడు అని తెలుస్తోంది. కేవలం కథ మాత్రమే కాకుండా క్యాస్టింగ్ కూడా మెగా రేంజ్ లోనే చేయబోతున్నాడని టాక్ నడుస్తోంది. ఇప్పటికే ఈ సినిమాలో అనుష్క శెట్టిని కన్ఫర్మ్ చేసినట్లు తెలుస్తోంది. యూవీ క్రియేషన్స్ తో పాటు కథ కూడా నచ్చడంతో స్వీటీ చిరు సరసన నటించడానికి ఓకే చెప్పిందని టాక్.

RIPMeera: మీరా మేధావి కాదు.. దాంతో బాధపడేది.. సంచలన నిజాలు చెప్పిన టీచర్లు

ఇక స్వీటీ తో పాటు మరో హీరోయిన్ కు కూడా ఛాన్స్ ఉందట. ఆ హీరోయిన్ కోసం ఐశ్వర్య రాయ్ ను అనుకుంటున్నారని టాక్ వినిపిస్తోంది. ఇప్పటివరకు ఐష్.. తెలుగులో డైరెక్ట్ మూవీ చేసింది లేదు. డబ్బింగ్ సినిమాల ద్వారా అమ్మడు తెలుగువారికి పరిచయం అయ్యింది. దీంతో ఐష్ ను చిరు సరసన నటించడానికి ఒప్పించే కార్యక్రమాలు జరుగుతున్నాయని అంటున్నారు. ఇదే కనుక నిజమైతే.. ఈ సినిమా పాన్ ఇండియా రేంజ్ సినిమా అవ్వడం ఖాయమని అంటున్నారు. ఇక ఇంకోపక్క స్వీటీ, ఐష్.. చిరు పక్కన సెట్ అవుతారా.. ? అని మరికొందరు చెప్పుకొస్తున్నారు. అసలు ముందు ఓకే అయితే .. పాత్రను చూడాలే కానీ, హీరోయిన్స్ ను కాదు గా అని ఇంకొందరు చెప్పుకొస్తున్నారు. మరి ఇందులో నిజమెంత అనేది తెలియాల్సి ఉంది.