Gunturu Kaaram: మనలో మన మాట.. అసలు ఈ సినిమా రిలీజ్ అవుతుందంటారా మాస్టరూ..?

Gunturu Kaaram: కొన్ని సినిమాల కోసం ప్రేక్షకులు ఎంతగా ఎదురుచూస్తున్నారో ప్రత్యేకంగా చెప్పాల్సిన అవసరం లేదు. అలా ఈగర్ గా ఎదురుచూస్తున్న సినిమాల్లో గుంటూరు కారం ఒకటి. అతడు, ఖలేజా సినిమాల తరువాత సూపర్ స్టార్ మహేష్ బాబు- మాటల మాంత్రికుడు త్రివిక్రమ్ కాంబోలో వస్తున్న చిత్రం గుంటూరు కారం. హారిక అండ్ హాసిని బ్యానర్ పై చినబాబు మరియు సూర్యదేవర నాగవంశీ సంయుక్తంగా నిర్మిస్తున్నారు. ఈ సినిమా ఏ ముహూర్తాన మొదలయ్యిందో కానీ, అప్పటి నుంచి ఆటంకాలే.. ఆటంకాలు. సజావుగా షూటింగ్ సాగింది లేదు. ఒకదాని తరువాత ఒకటి ఈ సినిమాకు అడ్డుగోడలుగా నిలుస్తూ వచ్చాయి. ఇక మధ్యలో ఫస్ట్ లుక్ పోస్టర్ రిలీజ్ చేసి కొద్దిగా అభిమానులకు ఉపశమనం అందించారు. సరే ఇకనుంచి అయినా షూటింగ్ పూర్తిచేస్తారు అనుకుంటే..సినిమా నుంచి ఒక్కొక్కరిగా వెళ్లిపోవడం ఎన్నో అనుమానాలకు తావిస్తోంది. మొదట మ్యూజిక్ డైరెక్టర్ థమన్ అవుట్ అన్నారు.. లేదు ఆ తరువాత పూజా హెగ్డే అవుట్ అంటూ చెప్పుకొచ్చారు. ఇక థమన్ ఇన్ అని పూజా మాత్రమే అవుట్ అని చెప్పుకొచ్చారు.

Snakes: అల్లుళ్లకు కట్నంగా స్నేక్ రాజాలు.. అదే వారి ఆచారం..!

పూజా ప్లేస్ లో మీనాక్షి చౌదరి వచ్చి చేరింది. ఇక సరే ఇకనుంచి అయినా షూటింగ్ నార్మల్ గా సాగుతుంది అనుకున్నారు. అంతలో మహేష్ బాబు వెకేషన్ అంటూ చెక్కేశాడు. ఈలోపే మరో పిడుగులాంటి వార్త. తాజాగా సినిమాటోగ్రాఫర్ మారిపోయాడు. కొన్ని అనివార్య కారణాల వలన ps వినోద్ గుంటూరు కారం నుంచి తప్పుకున్నాడని, ఆయన ప్లేస్ లో కె రవిచంద్రన్ వచ్చి చేరాడని వార్తలు వినిపిస్తున్నాయి. అసలు ఈ సినిమాకు ఏమయ్యింది. ఎందుకు ఇలా క్యాస్ట్ అండ్ క్రూ ఒక్కొక్కరిగా తప్పుకుంటున్నారు. అసలు ఈ సినిమా రిలీజ్ అయ్యే ఛాన్స్ ఏమైనా ఉందా.. ? అనే అనుమానాలు తలెత్తుతున్నాయి. మరి ఈ విషయమై త్రివిక్రమ్ అసలు స్పందిస్తాడా.. ? లేదా.. ? అనేది చూడాలి.