Chiranjeevi: వయసు ఒక నంబర్ మాత్రమే..! ప్రేమ, అభిమానమే నాకు ఎనర్జీ..
- Follow Us :
-
-
Add as a preferred
source on google
Chiranjeevi: కపిలేశ్వరపురంలో జీఎస్ఎల్-సూర్య హెల్త్ కేర్ సెంటర్ను మెగాస్టార్ చిరంజీవి ప్రారంభించారు. అనంతరం నిర్వహించిన సభలో ప్రజలను ఉద్దేశించి మాట్లాడిన ఆయన ఆరోగ్యం, క్యాన్సర్పై అవగాహన, ప్లాస్టిక్ వినియోగంతో కలిగే ముప్పుతో పాటు ఆంధ్రప్రదేశ్లో పరిస్థితులపై పలు వ్యాఖ్యలు చేశారు.
తనపై ప్రజలు చూపిస్తున్న ప్రేమాభిమానాలపై చిరంజీవి ఆనందం వ్యక్తం చేశారు. ‘‘గోదావరి కంటే ఎక్కువ అభిమానం చూపిస్తున్నారు. వయసు అంటే ఒక నంబర్ మాత్రమే. అభిమానుల ప్రేమ వల్ల నాకు ఎనర్జీ వస్తుంది. మీ ప్రేమ, అభిమానం నాకు ఇంజిన్లా పనిచేస్తాయి’’ అని పేర్కొన్నారు. డాక్టర్ నాగేశ్వర్ రెడ్డికి తాను అభిమానినని చిరంజీవి తెలిపారు. ఆయన చెప్పే ఆరోగ్య సూచనలను పాటిస్తూ తాను జాగ్రత్తలు తీసుకుంటానని చెప్పారు.
Also Read
- Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
- Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
- CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
క్యాన్సర్పై ప్రజల్లో అవగాహన చాలా తక్కువగా ఉందని చిరంజీవి పేర్కొన్నారు. ఈ వ్యాధిపై మరింత అవగాహన పెంచుకోవాల్సిన అవసరం ఉందన్నారు. క్యాన్సర్ అంటే భయపడకుండా ముందస్తు పరీక్షలు, నివారణ చర్యలపై దృష్టి పెట్టాలని సూచించారు. పాన్ పరాగ్, గుట్కా, ధూమపానం వంటి అలవాట్లకు దూరంగా ఉండటం ఆరోగ్యానికి మంచిదన్నారు. తన కుటుంబ సభ్యులకు బ్రెస్ట్ క్యాన్సర్కు సంబంధించిన మామోగ్రామ్ పరీక్షలు చేయిస్తుంటానని తెలిపారు. గర్భాశయ ముఖద్వార క్యాన్సర్ నివారణకు చిన్నారులకు సంబంధిత వ్యాక్సిన్ వేయించడంపై అవగాహన పెంచుకోవాలని సూచించారు.
మరోవైపు ప్లాస్టిక్ వినియోగంపై కూడా చిరంజీవి కీలక వ్యాఖ్యలు చేశారు. ప్లాస్టిక్ మానవాళికి పెను ముప్పుగా మారిందని, ప్లాస్టిక్ వ్యర్థాల వల్ల మానవ శరీరానికి ప్రమాదం కలుగుతుందని చెప్పారు. ప్లాస్టిక్ బాటిళ్ల వినియోగాన్ని తగ్గించాలని సూచించారు. తాను గాజు గ్లాసులోని నీటినే తాగుతానని, ఇందుకోసం హైదరాబాద్ నుంచి కూడా ఏర్పాట్లు చేసుకుని వచ్చినట్లు తెలిపారు.
అలాగే ఆంధ్రప్రదేశ్లో పరిపాలన, అభివృద్ధి గురించి కూడా చిరంజీవి స్పందించారు. తాను ఏపీకి వచ్చి చాలా రోజులైందని, గతానికి ఇప్పటికీ చాలా తేడా కనిపిస్తోందన్నారు. రోడ్ల పరిస్థితిలో మార్పు కనిపిస్తోందని, నెమ్మదిగా అన్నీ బాగుపడుతున్నాయని వ్యాఖ్యానించారు. రాష్ట్ర ప్రజలకు మేలు జరగాలని, న్యాయం జరగాలని కోరుకుంటున్నట్లు చిరంజీవి తెలిపారు. పంచాయతీరాజ్ శాఖ గతంలో 23వ స్థానంలో ఉండగా ఇప్పుడు మొదటి స్థానానికి చేరుకుందని పేర్కొన్నారు.
తాజావార్తలు
-
Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!