Aadarsha Kutumbam : ఆదర్శ కుటుంబం జాడేది?

‘ఆదర్శ కుటుంబం’ ఇప్పట్లో వచ్చేటట్టు కనిపించడం లేదా? షూటింగ్ పూర్తయింది. పోస్ట్ ప్రొడక్షన్ వర్క్ కూడా లేట్ కారణంగా, 9న రావాల్సిన ఆదర్శ కుటుంబాన్ని వాయిదా వేసినట్టుగా నిర్మాత నాగవంశీ ప్రకటించాడు. పోస్ట్ ప్రొడక్షన్ వర్క్ ఒక్కటే కారణమా, ఇంకేదైనా రీజన్ ఉందా? అనే చర్చ మొదలైంది. వెంకటేష్ – త్రివిక్రమ్ కాంబోలో రూపొందిన ‘ఆదర్శ కుటుంబం’ దసరా సెలవులను మిస్ చేసుకోవడమే కాదు, ఇప్పటికే చాలా రిలీజ్ డేట్స్ మార్చుకుంది. సినిమా మొదలైందో లేదో, మేలో విడుదల అవుతుందని ప్రకటించారు. అది కాస్త అక్టోబర్ సెకండ్, అక్టోబర్ 9 అంటూ రిలీజ్ డేట్స్ చేంజ్ చేసుకుంటూ పోతోంది. ఇప్పటికే అయిన ట్రోల్ చాలు అన్నట్టు, మరో రిలీజ్ డేట్ ఇవ్వడానికి నిర్మాతలు భయపడుతున్నారు.

తమన్ ఆ మధ్య ‘ఆదర్శ కుటుంబం’ 30న రిలీజ్ అవుతుంది అంటూ ‘ఎక్స్’ వేదికగా పోస్ట్ చేసి, వెంటనే డిలీట్ చేశాడు. రిలీజ్ డేట్ ప్లేస్‌లో ఎమోజీ పెట్టాడు. ఆ తర్వాత ఒక్కరు కూడా రిలీజ్ డేట్ గురించి స్పందించకపోవడంతో, రకరకాల కథనాలు మొదలయ్యాయి. కొన్ని సీన్స్‌ను రీషూట్ చేస్తారంటూ మరో న్యూస్ చక్కర్లు కొడుతోంది. ‘ఆదర్శ కుటుంబం’ ఎప్పుడు వచ్చినా వీకెండే దిక్కుగా మారింది. క్రిస్మస్ బరిలో ‘దాదా’, ‘కింగ్ 100’ ఉన్నాయి. సంక్రాంతి రేసులో వెంకటేష్ మరో మూవీ జనవరి 12న విడుదల, రిలీజ్ అవుతుంది. మరి ‘ఆదర్శ కుటుంబం’ రిలీజ్‌కు ఎప్పుడు ముహూర్తం ఫిక్స్ చేస్తారో చూడాలి మరి!