Tamannaah : ఈడీ విచారణకు సినీ నటి తమన్నా..

ప్రముఖ సినీ నటి తమన్నా చిక్కులో పడింది.హెచ్‌పీజెడ్‌ ( HPZ ) టోకెన్‌ మొబైల్‌ యాప్‌కు సంబంధించిన మనీలాండరింగ్‌ కేసులో తమన్నా భాటియాను ప్రశ్నించినట్లు ఈడీ అధికార వర్గాలు తెలిపాయి. బిట్ కాయిన్ సహా పలు క్రిప్టో కరెన్సీ మైనింగ్ పేరిట ఇన్వెస్టర్లను HPZ టోకెన్‌ మొబైల్‌ యాప్‌ మోసం చేసినట్లు కేసులు నమోదయ్యాయి. దీంతో రంగంలోకి దిగిన ఈడీ ఈ యాప్ నిర్వాహకాన్నీతేల్చే పనిలో ఉంది. HPZ టోకెన్‌ మొబైల్‌ యాప్‌ కు సంబంధించిన ప్రతి ఒక్కరిని ఈడీ ప్రశ్నిస్తోంది.

Also Read : UnstoppableWithNBK : అన్ స్టాపబుల్ షోలో తమిళ స్టార్ హీరో..

అందులో భాగంగానే ప్రముఖ నటి తమన్నాను గురువారం ఎన్‌ఫోర్స్‌మెంట్ డైరెక్టరేట్ గౌహతి కార్యాలయంలో విచారించింది. ఈడీ అధికారులు తమన్నా నుండి వాంగ్మూలం సేకరించారు. HPZ టోకెన్‌ మొబైల్‌ యాప్‌ లో ఎవరైనా రూ. 57వేల పెట్టుబడి పెడితే మూడునెలల పాటు రోజుకు రూ.4వేల రూపాయలు తిరిగి ఇస్తామని నిర్వాహకులు భారీ ఈవెంట్స్ వంటివి పెట్టి కస్టమర్స్ ను నమ్మించారు. అలా ఈ అప్లికేషన్ కు సంబంధించిన ఓ ఈవెంట్ కు తమన్నా హాజరయి యాప్ ను ప్రమోట్ చేసింది. దీంతో ఈ యాప్ లో భారీగా డబ్బులు పెట్టారు. అలా నమ్మి పెట్టుబడి పెట్టిన వారికి ఒక నెల డబ్బులు చెల్లించి నమ్మకం కలిగేలా చేసి ఆ తర్వాత నెల నుండి ఏవో సాకులు చెప్తూ డబ్బులు చెల్లించడం  ఆపేసారు.  నిందితులు పెట్టుబడిదారులను మోసం చేసేందుకు ‘హెచ్‌పీజెడ్ టోకెన్’ మొబైల్ ఫోన్ అప్లికేషన్‌ను ఉపయోగించారని పోలీసులు తెలిపారు. ఆ తర్వాత ఈడీ దాడులు నిర్వహించి రూ.455కోట్ల విలువైన స్థిరాస్తులు, డిపాజిట్లను స్వాధీనం చేసుకున్నది.