Naveen Chandra : భయానక ప్రపంచంలోకి తీసుకెళ్లిన నవీన్ చంద్ర ‘హనీ’ గ్లింప్స్

నవీన్ చంద్ర, దివ్య పిళ్లై ప్రధాన పాత్రల్లో నటించిన సైకలాజికల్ హారర్ మూవీ ‘హనీ’ ఫిబ్రవరి 6న ప్రపంచవ్యాప్తంగా థియేటర్లలో విడుదల కానుంది. ‘పలాస 1978’ వంటి విలక్షణమైన సినిమాలతో గుర్తింపు తెచ్చుకున్న కరుణ కుమార్ ఈ చిత్రానికి దర్శకత్వం వహించారు. నిజ జీవిత సంఘటనల ఆధారంగా రూపొందిన ఈ చిత్రం సమాజంలోని మూఢనమ్మకాలు, అంధ విశ్వాసాలు మరియు డార్క్ సైకలాజికల్ ఎలిమెంట్స్ చుట్టూ తిరుగుతుంది. OVA ఎంటర్‌టైన్‌మెంట్స్ బ్యానర్‌పై రవి పీట్ల, ప్రవీణ్ కుమార్ రెడ్డి నిర్మించిన ఈ చిత్రాన్ని శేఖర్ స్టూడియోస్ సమర్పిస్తోంది. ఇందులో దివి, రాజా రవీంద్ర కీలక పాత్రలు పోషిస్తుండగా, అజయ్ అరసాడ సంగీతాన్ని అందించారు. కాగా తాజాగా ఈ మూవీకి సంబంధించిన గ్లింప్స్ విడుదల చేశారు.

Also Read : Allu Arjun : 2026లోకి గ్రాండ్‌గా అడుగుపెట్టిన ఐకాన్ స్టార్.. ఫ్యాన్స్‌ కోసం ఎమోషనల్ నోట్!

ఈ చిత్రం ప్రేక్షకులకు ఒక కొత్త రకమైన సినిమాటిక్ ఎక్స్‌పీరియన్స్‌ను అందించడమే కాకుండా, సామాజిక అంశాలను కూడా చర్చించబోతోందని తెలుస్తోంది. టాప్ టెక్నీషియన్స్ పనిచేసిన ఈ మూవీ డిజిటల్ రైట్స్ విషయంలో కూడా క్రేజ్ సంపాదించుకుంది. ‘హనీ’ పోస్ట్-థియేట్రికల్ డిజిటల్ స్ట్రీమింగ్ హక్కుల్ని ప్రముఖ ఓటీటీ సంస్థ అమెజాన్ ప్రైమ్ వీడియో భారీ ధరకు సొంతం చేసుకోవడం విశేషం. సైకలాజికల్ డెప్త్ మరియు హారర్ అంశాల సమ్మేళనంగా వస్తున్న ఈ సినిమా ఫిబ్రవరి 6న ప్రేక్షకులను భయపెట్టేందుకు సిద్ధంగా ఉంది.