Mahesh Babu: మహేష్ బాబు ఇంట కరోనా!

టాలీవుడ్ సూపర్‌స్టార్ మహేష్ బాబు కుటుంబంలో కరోనా వైరస్ కలకలం సృష్టించింది. మహేష్ బాబు భార్య నమ్రతా శిరోద్కర్ సోదరి, బాలీవుడ్ నటి శిల్పా శిరోద్కర్‌కు కోవిడ్-19 సోకినట్లు తాజా సమాచారం. ఈ విషయాన్ని శిల్పా స్వయంగా సోషల్ మీడియా ద్వారా వెల్లడించారు. ప్రస్తుతం దుబాయ్‌లో నివసిస్తున్న శిల్పా, తన కోవిడ్-19 రిపోర్ట్ పాజిటివ్ వచ్చినట్లు అభిమానులకు తెలియజేస్తూ, సురక్షితంగా ఉండాలని, మాస్క్‌లు ధరించాలని సూచించారు.

Also Read:Jyoti Malhotra: జ్యోతి మల్హోత్రా గురించి సంచలన విషయాలు బయటపెట్టిన తండ్రి..

ప్రపంచవ్యాప్తంగా కరోనా వైరస్ మరోసారి విజృంభిస్తోంది. ఆసియా ఖండంలోని సింగపూర్, హాంకాంగ్, చైనా, థాయిలాండ్ వంటి దేశాల్లో కోవిడ్ కేసులు గణనీయంగా పెరుగుతున్నాయి. సింగపూర్‌లో రోజువారీ కేసులు 2,000 దాటగా, హాంకాంగ్‌లో ఆస్పత్రుల్లో బెడ్‌లు నిండిపోతున్నాయని సమాచారం. చైనాలోని కొన్ని నగరాల్లో మళ్లీ లాక్‌డౌన్ వైపు అడుగులు వేస్తున్నారని వార్తలు వస్తున్నాయి. ఈ నేపథ్యంలో, దుబాయ్‌లో నివసిస్తున్న శిల్పా శిరోద్కర్‌కు కోవిడ్ సోకడం సినీ పరిశ్రమలో ఆందోళన కలిగిస్తోంది.

Also Read:Vijay Sethupathi: ఆయనకు ఎప్పటికీ రుణపడి ఉంటా..

బాలీవుడ్‌లో 90వ దశకంలో అనేక చిత్రాల్లో నటించిన శిల్పా శిరోద్కర్, ఇటీవల హిందీ రియాలిటీ షో బిగ్ బాస్ 18 ద్వారా మరోసారి ప్రేక్షకుల దృష్టిని ఆకర్షించారు. షో తర్వాత వివిధ యాడ్స్, ఫోటోషూట్‌లు, వెబ్ ప్రాజెక్టులతో బిజీగా ఉన్న శిల్పా, ఈ క్రమంలో కోవిడ్ బారిన పడ్డారు. ఆమె సోషల్ మీడియా పోస్ట్‌లో, “నాకు కోవిడ్ పాజిటివ్ వచ్చింది. దయచేసి సురక్షితంగా ఉండండి, మాస్క్‌లు ధరించండి,” అని పేర్కొన్నారు. ఈ వార్త బాలీవుడ్, టాలీవుడ్ వర్గాల్లో చర్చనీయాంశంగా మారింది. మహేష్ బాబు కుటుంబంలో కరోనా కేసు నమోదవ్వడంతో అభిమానులు ఆందోళన వ్యక్తం చేస్తున్నారు. సోషల్ మీడియాలో శిల్పా త్వరగా కోలుకోవాలని, మహేష్ బాబు కుటుంబం సురక్షితంగా ఉండాలని కోరుతూ పోస్ట్‌లు పెడుతున్నారు. మహేష్ బాబు ప్రస్తుతం రాజమౌళి దర్శకత్వంలో ఓ భారీ చిత్రంలో నటిస్తున్నారు. ఈ నేపథ్యంలో, కుటుంబంలో కరోనా కేసు వార్త అభిమానులను కలవరపెడుతోంది.