Celebrity Marriage: సినీ ఇండస్ట్రీలో హీరోలు, హీరోయిన్ల మధ్య ఏర్పడే పరిచయాలు కొన్నిసార్లు వ్యక్తిగత జీవితాల్లోనూ ప్రత్యేకమైన బంధాలకు దారితీస్తుంటాయి. ముఖ్యంగా ఒకే కుటుంబానికి చెందిన ఇద్దరు సోదరులతో వేర్వేరు సందర్భాల్లో పరిచయం ఏర్పడటం, వారిలో ఒకరితో సినిమాల్లో నటించిన హీరోయిన్.. మరొకరిని జీవిత భాగస్వామిగా ఎంచుకోవడం ఆసక్తికరంగా ఉంటుంది. తాజాగా జాబితాలోకి టాలీవుడ్ హీరోయిన్ కావ్య కళ్యాణ్రామ్ చేరడం ఇప్పుడు సోషల్ మీడియాలో వైరల్గా మారింది. కావ్య కళ్యాణ్రామ్.. హీరో శ్రీ సింహా కోడూరితో కలిసి ‘ఉస్తాద్’ సినిమాలో హీరోయిన్గా నటించిన విషయం తెలిసిందే. ఈ సినిమాలో వీరిద్దరూ కలిసి వెండి తెరపై సందడి చేశారు. అయితే ఇప్పుడు కావ్య.. శ్రీ సింహా అన్న, ప్రముఖ సంగీత దర్శకుడు కీరవాణి పెద్ద కుమారుడు, మ్యూజిక్ డైరెక్టర్ కాలభైరవను వివాహం చేసుకోబోతున్నట్లు తెలుస్తోంది.
తాజాగా వారిద్దరూ ఒకరినొకరు ఇష్టపడుతున్నట్లు సోషల్ మీడియా వేదికగా వెల్లడించారు. దీంతో ‘తమ్ముడితో హీరోయిన్గా నటించి.. అన్నను పెళ్లాడుతున్న హీరోయిన్’ అంటూ కావ్య పేరు సోషల్ మీడియాలో వైరల్ అవుతోంది. అయితే ఇలాంటి సంఘటనలు సినీ పరిశ్రమలో ఇదే తొలిసారి కాదని నెటిజన్లు గుర్తుచేస్తున్నారు. గతంలో అతిలోక సుందరి శ్రీదేవి విషయంలోనూ ఇలాంటి ఆసక్తికరమైన బంధం ఏర్పడిందని చెబుతున్నారు. శ్రీదేవి.. నటుడు అనిల్ కపూర్తో కలిసి పలు సినిమాల్లో నటించారు. అనంతరం అనిల్ కపూర్ సోదరుడు, నిర్మాత బోనీ కపూర్ను వివాహం చేసుకున్నారు. వీరి వివాహం అప్పట్లో బాలీవుడ్లో సంచలనంగా మారింది. ఇదే తరహాలో నటి శ్రియా రెడ్డిని కూడా హీరో విశాల్తో కలిసి సినిమాల్లో నటించారు. అనంతరం విశాల్ సోదరుడు, నిర్మాత విక్రమ్ రెడ్డిని వివాహం చేసుకున్నారు. తాజాగా ఈ జాబితాలో కావ్య కళ్యాణ్రామ్ పేరు తెరపైకి వచ్చిన సందర్భంగా ‘ఇలా తమ్ముడితో లేదా అన్నతో నటించి.. అదే కుటుంబంలోని మరో వ్యక్తిని వివాహం చేసుకున్న హీరోయిన్లు ఇంకా ఎవరైనా ఉన్నారా?’ అంటూ సోషల్ మీడియాలో చర్చ జరుగుతోంది.