Dragon Glimpse: ‘డ్రాగన్’ బాక్సాఫీస్ ఊచకోత ఖాయం.. ప్రశాంత్ నీల్ మైండ్ బ్లాకింగ్ గ్లింప్స్!

జూనియర్ ఎన్టీఆర్ హీరోగా, ప్రశాంత్ నీల్ దర్శకత్వంలో రూపొందుతున్న చిత్రానికి ‘డ్రాగన్’ అనే టైటిల్ ఫిక్స్ చేసినట్లు ముందు నుంచి ప్రచారం జరుగుతోంది. జూనియర్ ఎన్టీఆర్ పుట్టినరోజు సందర్భంగా ఈ టైటిల్‌ని రివీల్ చేయడమే కాదు, సుమారు నాలుగు నిమిషాల నిడివిగల ఒక పూర్తిస్థాయి ట్రైలర్ లాంటి గ్లింప్స్ వీడియోని రిలీజ్ చేసింది సినిమా టీమ్.

మే 20వ తేదీ జూనియర్ ఎన్టీఆర్ పుట్టినరోజు సందర్భంగా ఈ సినిమా గ్లింప్స్ రిలీజ్ చేయగా, ఈ గ్లింప్స్ మొత్తం సినిమా కంటెంట్ ఎలా ఉండబోతోంది అనే విషయం మీద క్లారిటీ ఇచ్చేసినట్లు అయింది. ‘సలార్’, ‘కేజీఎఫ్’ సిరీస్ సినిమాలతో తనకంటూ ప్రత్యేకమైన గుర్తింపు తెచ్చుకున్న ప్రశాంత్ నీల్, తన మార్క్ ఏమాత్రం తగ్గకుండానే ఈ గ్లింప్స్ కట్ చేశాడు.

మొత్తం మీద గ్లింప్స్ చూస్తుంటే మాత్రం, ఎన్టీఆర్ – నీల్ సినిమా అయిన ‘డ్రాగన్’ మీద ఒక్కసారిగా అంచనాలు ఏర్పడేలా చేసింది. నిజానికి ఈ సినిమా ఈ ఏడాది రిలీజ్ కావాల్సి ఉంది, కానీ షూట్లు వాయిదా పడుతూ వస్తూ ఉండడంతో, వచ్చే ఏడాది రిలీజ్ చేయబోతున్నట్లు అధికారికంగా ప్రకటించారు.
మరి ఇంకెందుకు ఆలస్యం, తాజాగా సినిమా టీమ్ రిలీజ్ చేసిన ఆ వీడియో మీరు కూడా చూసేయండి.