Parliament Session December 2026: డిసెంబర్ 10 నుంచి పార్లమెంట్ సమావేశాలు..!?.. కీలక బిల్లుపై ఉత్కంఠ
- Follow Us :
-
-
Add as a preferred
source on google
Parliament Session December 2026: మహిళలకు చట్టసభల్లో 33 శాతం రిజర్వేషన్ల అమలుకు మార్గం సుగమం చేసే డీలిమిటేషన్ సంబంధిత రాజ్యాంగ సవరణ బిల్లును ఆమోదింపజేసుకునేందుకు కేంద్ర ప్రభుత్వం ప్రయత్నాలు చేస్తున్నట్లు సమాచారం. ఈ నేపథ్యంలో పార్లమెంట్ సమావేశాల నిర్వహణపై ఆసక్తికర పరిణామాలు చోటుచేసుకుంటున్నాయి. డిసెంబర్ 10 నుంచి 12 రోజుల పాటు పార్లమెంట్ ఉభయ సభలను సమావేశపరిచే ఆలోచనలో ప్రభుత్వం ఉన్నట్లు ప్రచారం జరుగుతోంది. అయితే దీనిపై అధికారిక ప్రకటన వెలువడాల్సి ఉంది.
లోక్సభ, రాష్ట్రాల శాసనసభల్లో మహిళలకు 33 శాతం రిజర్వేషన్లు కల్పించే ప్రక్రియను ముందుకు తీసుకెళ్లేందుకు కేంద్ర ప్రభుత్వం ప్రయత్నిస్తోంది. ఇందుకు సంబంధించిన డీలిమిటేషన్, రాజ్యాంగ సవరణ ప్రతిపాదనలకు పార్లమెంట్ ఆమోదం అవసరం. రాజ్యాంగ సవరణ బిల్లు ఆమోదం పొందాలంటే ఉభయ సభల్లో ప్రత్యేక మెజారిటీ అవసరం. ముఖ్యంగా లోక్సభలో మూడింట రెండొంతుల మెజారిటీ సాధించడం ప్రభుత్వానికి కీలకంగా మారింది. ఈ నేపథ్యంలో అవసరమైన సంఖ్యాబలాన్ని సమకూర్చుకునేందుకు ప్రభుత్వం రాజకీయ పార్టీల మద్దతు కూడగట్టే ప్రయత్నాలు చేస్తున్నట్లు సమాచారం.
Also Read
- Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!
- IIT Kharagpur Turns 75: దేశాభివృద్ధిలో ఐఐటీ ఖరగ్పూర్ కీలక పాత్ర.. 75 ఏళ్ల ప్రస్థానంపై ప్రధాని మోడీ ప్రశంసలు!
- MP Nishikant Dubey: ఏంటి!! మారుతి అసలు యజమాని సోనియా గాంధీ హా? బీజేపీ ఎంపీ సంచలన ఆరోపణలు..
- Supreme Court on Cousin Marriages: దగ్గరి బంధువుల మధ్య వివాహాలపై కొత్త చట్టం?.. కేంద్రానికి సుప్రీంకోర్టు కీలక సూచన
సాధారణంగా పార్లమెంట్ వర్షాకాల సమావేశాలు ముగిసిన తర్వాత శీతాకాల సమావేశాలు నిర్వహించడం ఆనవాయితీగా వస్తోంది. అయితే ఈసారి వర్షాకాల సమావేశాలు ముగిసినప్పటికీ వాటిని అధికారికంగా ప్రొరోగ్ చేస్తూ రాష్ట్రపతి ప్రకటన వెలువడలేదు. దీంతో ప్రస్తుత సమావేశాలనే పొడిగించి ప్రత్యేకంగా మరో 12 రోజుల పాటు నిర్వహించే అవకాశం ఉందనే చర్చ జరుగుతోంది. ముందుగా డిసెంబర్ 4 నుంచి శీతాకాల సమావేశాలు నిర్వహించే అంశం పరిశీలనలో ఉన్నట్లు వార్తలు వచ్చాయి. తాజాగా డిసెంబర్ 10 నుంచి సమావేశాలు నిర్వహించాలనే ప్రతిపాదన తెరపైకి వచ్చినట్లు సమాచారం. అయితే సమావేశాల తేదీలు, వ్యవధిపై కేంద్ర ప్రభుత్వం నుంచి అధికారిక నిర్ధారణ రావాల్సి ఉంది.
ప్రొరోగ్ అంటే ఏమిటి?
పార్లమెంట్ సమావేశాలకు సంబంధించి ‘ప్రొరోగేషన్’ (Prorogation) అనేది కీలకమైన రాజ్యాంగ ప్రక్రియ. ఒక సమావేశంలో సభ నిరవధికంగా వాయిదా పడిన తర్వాత, ఆ సమావేశాల సెషన్ను అధికారికంగా ముగిస్తూ రాష్ట్రపతి ఉత్తర్వులు జారీ చేయడాన్ని ప్రొరోగేషన్ అంటారు. సాధారణంగా లోక్సభ, రాజ్యసభ సమావేశాలు నిరవధికంగా వాయిదా పడిన అనంతరం రాష్ట్రపతి ప్రొరోగ్ చేస్తూ ప్రకటన జారీ చేస్తారు. అయితే ఈసారి వర్షాకాల సమావేశాలు ముగిసినప్పటికీ ఇప్పటివరకు ఆ ప్రకటన వెలువడకపోవడం రాజకీయ, పార్లమెంటరీ వర్గాల్లో చర్చకు దారితీసింది.
భారత రాజ్యాంగంలోని ఆర్టికల్ 85(1) ప్రకారం పార్లమెంట్లోని ఒక సమావేశానికి చివరి సమావేశ తేదీకి, తదుపరి సమావేశం మొదటి తేదీకి మధ్య ఆరు నెలలకు మించి వ్యవధి ఉండకూడదు. అంటే పార్లమెంట్ సమావేశాల మధ్య గరిష్ఠంగా ఆరు నెలల విరామం మాత్రమే ఉండాలి. ఈ నిబంధన ప్రకారం పార్లమెంట్ సమావేశాలను నిర్వహించడం కేంద్ర ప్రభుత్వ బాధ్యత.
2023లో పార్లమెంట్ ఆమోదించిన మహిళా రిజర్వేషన్ చట్టం ప్రకారం లోక్సభ, రాష్ట్రాల శాసనసభల్లో మహిళలకు 33 శాతం సీట్లు కేటాయించే నిబంధన ఉంది. అయితే ఈ రిజర్వేషన్ల అమలు డీలిమిటేషన్ ప్రక్రియతో ముడిపడి ఉంది. ప్రస్తుతం ఈ అమలుకు సంబంధించిన రాజ్యాంగ నిబంధనల్లో మార్పులు తీసుకురావడానికి కేంద్రం ప్రయత్నిస్తున్నట్లు టాక్ వినిపిస్తోంది. ఈ నేపథ్యంలో డీలిమిటేషన్కు సంబంధించిన రాజ్యాంగ సవరణ బిల్లుకు పార్లమెంట్ ఆమోదం లభించడం కీలకంగా మారింది.
మరోవైపు, డిసెంబర్ 4 నుంచి 6 వరకు ఆంధ్రప్రదేశ్లోని తిరుపతిలో దేశవ్యాప్తంగా డీజీపీలు, ఐజీపీల జాతీయ స్థాయి సమావేశం జరగనుంది. ఈ సమావేశానికి ప్రధానమంత్రి నరేంద్ర మోడీ, కేంద్ర హోంమంత్రి అమిత్ షా హాజరుకానున్నట్లు సమాచారం. దేశవ్యాప్తంగా అంతర్గత భద్రత, సైబర్ నేరాలు, మాదకద్రవ్యాల అక్రమ రవాణా, రాష్ట్రాల మధ్య సమన్వయం వంటి అంశాలపై ఈ సమావేశంలో చర్చించనున్నారు. ఈ నేపథ్యంలో డిసెంబర్ 4న ప్రధాని, కేంద్ర హోంమంత్రి తిరుపతి పర్యటన కూడా పార్లమెంట్ సమావేశాల తేదీల ఖరారుపై చర్చకు మరో అంశంగా మారింది.
తాజావార్తలు
-
Parliament Session December 2026: డిసెంబర్ 10 నుంచి పార్లమెంట్ సమావేశాలు..!?.. కీలక బిల్లుపై ఉత్కంఠ
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Rohingya Genocide: రోహింగ్యాలను కావాలనే చంపారు..తేల్చేసిన అంతర్జాతీయ న్యాయస్థానం!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!
-
Chittoor Municipal Corporation: చిత్తూరు కార్పొరేషన్లో ట్విస్ట్.. ప్రమాణ స్వీకారానికి ముందే వైసీపీ కార్పొరేటర్ రాజీనామా
ట్రెండింగ్
-
Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!
-
Viral Video: ఛీ.. ఛీ.. వ్యూస్ కోసం ఇంతకు దిగజారాలా..? బస్సులో ప్రయాణికుడితో యువతి వికృత చేష్టలు..!
-
అబ్బా ఏముంది మామ కారు.. 1,100 కి.మీ. రేంజ్, లెవల్-2 ADAS తో రానున్న JSW Combat..!
-
IND vs NZ: ముగిసిన మూడోరోజు ఆట.. 118 పరుగుల ఆధిక్యంలో భారత్.!
-
Royal Enfield బైక్ లవర్స్కు క్రేజీ న్యూస్.. 10 ఏళ్ల వారంటీ.. ఎక్స్ట్రా ఖర్చు లేకుండానే..!