Sree Vishnu – Samantha: శ్రీవిష్ణు, సమంత’లకు గోల్డెన్ ఛాన్స్
ఒక రకంగా సంక్రాంతి తర్వాత తెలుగు సినిమా పరిశ్రమకు సమ్మర్ హాలిడేస్ కూడా అంతే ముఖ్యం. అయితే, ఈ సమ్మర్లో పెద్ద సినిమాలు రిలీజ్ కావడం లేదు. నాని హీరోగా నటించిన హిట్ 3 ఈ సమ్మర్లో ఇప్పటికే మంచి కలెక్షన్స్ రాబట్టి, చాలా ప్రాంతాల్లో లాభాల జోన్లోకి వెళ్లగా, సినిమా టీమ్ దాదాపు అన్ని ప్రాంతాల్లో బ్రేక్ ఈవెన్ అయినట్లు ప్రకటించింది.
Read More: YCP: వైసీపీలో చేరిన మాజీ నేతలు.. కండువా కప్పి ఆహ్వానించిన వైఎస్ జగన్!
ఇప్పుడు ఈ సినిమా రెండో వారంలో అడుగుపెడుతున్న సమయంలో శ్రీ విష్ణు నటించిన సింగిల్ మరియు సమంత నిర్మాతగా వ్యవహరించిన శుభం సినిమాలు రిలీజ్ అవుతున్నాయి. ఈ రెండు సినిమాల ట్రైలర్లను పరిశీలిస్తే, సింగిల్ ఒక ట్రయాంగిల్ లవ్ స్టోరీగా, శ్రీ విష్ణు మార్క్ ఎంటర్టైనర్గా ఉండబోతున్నట్లు స్పష్టమవుతోంది. సమంత నిర్మాతగా శుభం సినిమాను రూపొందించి, ముగ్గురు యువ జంటలతో ఒక సీరియల్ ఆధారంగా ఈ చిత్రాన్ని ప్రేక్షకుల ముందుకు తీసుకొస్తోంది. సమంత ఈ సినిమాలో చిన్న అతిథి పాత్రలో కూడా కనిపించనుంది.
Read More: Sri Vishnu : ఏకంగా 3 సినిమాలు లైన్ లో పెట్టిన యంగ్ హీరో..
ఈ రెండు సినిమాల ప్రమోషనల్ కంటెంట్ బాగుంది. క్లిక్ అయితే, ప్రేక్షకులు థియేటర్లకు వచ్చి ఆనందించేలా ఉన్నాయి. వచ్చే వారం పెద్దగా చెప్పుకోదగ్గ సినిమాలు లేనందున, ఈ రెండు చిత్రాల మేకర్స్కు ఇది ఒక గోల్డెన్ ఛాన్స్. విజయ్ దేవరకొండ హీరోగా నటించిన కింగ్డమ్ సినిమా ఒక్కటే ఈ నెలలో మరో చెప్పుకోదగ్గ రిలీజ్, అది కూడా మే 30న రిలీజ్ కానుంది. అయితే, ఆ రిలీజ్ ఖరారైనదో కాదో స్పష్టత లేదు. సింగిల్ మరియు శుభం సినిమాలు మంచి మౌత్టాక్ సాధిస్తే, కచ్చితంగా మంచి కలెక్షన్స్ రాబట్టే అవకాశం ఉంది.